台中海洋館 | 大家之後去台中旅行又有多一個地方玩啦～台中海洋館即刻開幕，而試營運期間更有8折優惠，當中大家可以近距離觀賞企鵝、享受海洋沉浸式展演以及水母之境等，即刻入內文睇詳情！
圖片來源：Facebook@台中海洋館 | 撰文：Hedy
台中海洋館將會喺8月21入至9月25日試營運期間，全票種提供8折優惠！台中海洋館以以「從台中河川，流向世界之海」為策展軸線，從台中嘅山川水脈出發，匯聚國際水族技術、海洋生物，構築一座串聯地方生態與全球海洋視野嘅展館。大家可以一齊感受呢一座富有生命力嘅海之世界～
台中海洋館 | 開放式企鵝缸
五層樓嘅台中海洋館，全區占地2.25公頃，大家入到去就好似化身成為一條魚，隨著水嘅流動穿越，欣賞不同嘅美景。當中二樓就有全台首座開放式企鵝缸，原生於南美洲南端嘅麥哲倫企鵝聚集晒喺度，仲可以聽到佢哋用獨特嘅「大叔嗓音」高歌。大家都可以喺多角度、零距離觀察企鵝嘅一舉一動。行入展示缸下方嘅觀景隧道，仲可以喺水下仰望佢哋穿梭同旋轉等可愛嘅動作～另外2樓亦設有360度嘅全透明無邊際鯊魚展示缸以及40種形態嘅珊瑚「璀璨珊瑚區」。
台中海洋館 |「蓮之水槽」、水母展示區
而3樓將會喺全台首創懸浮於半空中嘅「蓮之水槽」，可以觀察到高低起伏嘅大甲溪生態。同層亦有全台規模最大嘅水母展示區，雲集咗嚟自世界各地嘅珍稀水母，當中仲有全台唯一嘅烏鴉帽水母，以及體型壯觀、氣勢非凡嘅南美洲海刺水母。一整面流光水母牆迎面展開，光影緩緩流轉，水母隨之變幻色彩。
台中海洋館 | 室內人工濕地
全台首座室內人工濕地就會喺位於館內4樓，人工溼地會隨著時間變化潮汐漲退，大家仲可以親身感受潮水～
台中海洋館 | 票價及交通
- 全票台幣 $500 （一般民眾 ）
- 團體票台幣 $450 （20人(含)以上同一機關團體，請於入館3日前辦妥預約付訂手續）
- 優待票台幣 $400（115公分(含)以上及6歲(含)以上之學童、大學(含)以上持有效學生證者、持有效榮民證、公教人員退休證丶低收入戶者、設籍台中市清水區及梧棲區之民眾）
- 博愛票 台幣 $250 （滿65歲(含)以上長者）
- 免費入場（未滿6歲及身高115公分以下與家/師長同行之兒童(家/師長需另購票、本人持有效身心障礙手冊者及必要陪同者乙名。）
- 2025/8/21 – 9/25 試營運期間，全票種八折優惠
【INFO】 《台中海洋館》 地址：台中市清水區海洋路168號
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
