今個新年，灣仔利東街以「喜慶燈海迎新春」為主題，為大家帶來豐富嘅新春活動！場內有逾800個紅金燈籠高掛於整條街道上，仲有醒獅表演，充滿新年氣氛！即睇內文了解詳情啦～
圖片來源：官方圖片｜撰文：Sharon
由即日起至3月2日，灣仔利東街以「喜慶燈海迎新春」為主題，逾800個豔紅金碧嘅燈籠高掛於林蔭大道，為農曆新年增添無限喜慶！大年初一至初四，利東街更會舉行多項精彩活動，包括醒獅表演及派發傳統賀年食品，齊齊分享喜悅！大家可以近距離觀賞表演，沾沾醒獅旺氣！
年初十當天仲有「金龍醒獅舞動賀新禧」表演，大金龍將引領色彩繽紛嘅醒獅，於利東街展開精彩表演！為大家呈現新春特別版嘅採青、梅花樁及高青竹等傳統表演，最後由大金龍帶領巡遊利東街，為市民送上新春好運！財神爺仲會到場派發新年祝福畀大家添！
另外，適逢元宵節及情人節相近，利東街將於2月8及9日舉辦「龍鳳姻緣」中式情人節活動，包括中式婚嫁文化講座、中式囍服試穿及拍照服務、婚嫁主題工作坊等，歡迎準新人們嚟參與！至於中庭更特設粉紅桃花園，搭配大型心形拱門，係情侶必影嘅打卡位！
【INFO】 《利東街新春呈獻 「喜慶燈海迎新春」》 地點：灣仔利東街 開放日期：即日起至3月2日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
