【 WhatsApp新功能2023 】WhatsApp可以話係香港人最常用嘅即時通訊工具，除咗平時用開嘅功能，WhatsApp定期都會改善界面設計同推出唔同嘅新功能等。今次小編要同大家7大WhatsApp新功能，當中包括訊息編輯功能、安靜退出群組、阻止對方截圖、自製Sticker以及對話中投票等。想知道有幾實用就快啲繼續碌落內文睇更多啦！
圖片來源：WhatsApp官網、Facebook.com、SAUCE｜撰文：Sharon
1. 訊息編輯功能
WhatsApp推出訊息編輯功能，當你傳送出去嘅訊息有錯字或者想修改內容時，可以長按住已傳送嘅訊息，喺發送信息嘅15分鐘後從功能表中選擇「編輯」即可更正內容。編輯過嘅訊息旁邊會顯示「已編輯」，而收到訊息嘅朋友都會睇到「已編輯」字句。呢個功能於5月22日已正式推出，預計未來幾個星期內大家就可以使用呢個新功能！
2. 投票功能
喺WhatsApp群組中，每個人嘅意見同睇法都唔同，大家有冇試過約食飯時，因為食邊間餐廳而持有唔同嘅意見？WhatsApp新增投票功能就可以幫大家解決呢個問題，成員們都可以共同做出決定！呢個功能增加3項特點，分別係「建立單選投票」、「在對話中搜尋投票」以及「掌握投票結果的最新動態」。
- 建立單選投票：WhatsApp群組嘅成員只可以投一次票！只要喺建立投票時關閉「允許複選答案」即可。
- 在對話中搜尋投票：唔係每個人都可以即時作出投票，想搵到投票可以喺「對話」畫面，點擊「搜索」並選擇「投票」，就可以搵到！
- 掌握投票結果的最新動態：當有人投票時，你會即時收到通知，了解最新嘅回應。
3. 分享文件/轉發訊息時附上說明文字
喺WhatsApp轉發同分享圖片或影片時，如果你想說明分享嘅內容，可以喺分享文件前選擇新增說明文字，而呢個功能會喺未來數星期推出！
4. 多部手機可使用同一帳號
用戶可以喺最多4部裝置上連接同一個WhatsApp帳戶，無論係網頁瀏覽器、平板定電腦都可以連接WhatsApp。如果裝置長時間處於非活動狀態，會自動將所有配對裝置登出。依家更無須掃描QR code，只要喺WhatsApp網頁版輸入手機號碼即可獲取一次性代碼，用呢個代碼就可以登入其他裝置。
5. 自製STICKER
平時要自製WhatsApp Sticker，要下戴製作Sticker嘅App，但依家iOS嘅朋友有福啦！只要喺手機嘅相片App點選所需嘅照片，再使用「一鍵退地」功能，於WhatsApp對話框中貼上並傳送到你想傳遞嘅對象，就可以製作成WhatsApp貼圖，超方便啊！
6. 閱後即焚+防止截圖功能
WhatsApp新設閱後即焚及防止截圖功能，只要將你嘅相片或影片設為「閱後即刪 」，並喺發送鍵右方點擊圓圈「1」鍵，相片就會出「此相片已設為閱後即刪」。當對方收到並只可以打開一次，就算想截圖都未能成功，因為呢個功能會將螢幕截圖功能封鎖，更加可以保護用戶嘅私隱！
7. 退群不通知
每次喺WhatsApp想離開群組時，群組嘅成員們都會收到通知，如果想避免呢種尷尬嘅情況發生，呢個「退群不通知」嘅新功能就非常有用，就算退出群組都只有群組管理員會收到通知。
【相關文章：超實用！WhatsApp隱藏功能！一定要知嘅15個功能！】
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
