今次Apple 2021發布會黎個大晒冷，主要產品都有新款介紹，包括iPhone 12新色紫色、iPad Pro 2021、iMac 2021、AirTag，產品多資訊量又大，睇唔明到底升級左咩地方？今次小編用最簡單直接的文字做個超易明版本同大家介紹今次新產品的升級內容精華，終極懶懶懶人包，睇左一日都唔知科技內容的大家立即一齊睇下啦~
iPad Pro 2021 超高配置逼近電腦！ 【按此購買】
1. Apple 自家 M1 芯片
今次 Apple 新產品的 iPad Pro 同 iMac 都換上全新的 Apple 自家 M1 芯片，有咩特別？無非係處理速度更快、唔容易卡機死機，大家工作用得更順手就可以做多 2 份 report 交比老闆啦！
2. 1200萬像素相機+超廣角+人物居中功能 —— FaceTime、WFH必備
自從疫情開始，唔少公司都進入 WFH 模式，更有唔少公司考慮永久 WFH。 Apple的推出的相機新特點完全貼合有 FaceTime、 Online Meeting 需要的人士，超清的 1200萬像素超廣角鏡頭唔怕傾公事時畫面只有模糊的大頭，再配上全新的「人物居中」可以追蹤人臉移動鏡頭位置，相信在家辦公、網上會議及影片創作者都對呢個功能十分感興趣！
3. 2TB 儲存空間 —— 自帶螢幕的隨身Hard Disk
Apple用家最常提到的煩惱「儲存空間已滿」，今次 iPad Pro 2021 最高的內存容量達到 2TB！簡直可稱為自帶螢幕的 Hard Disk，今次入幾套電影落去都唔怕無位啦！
4. Thunderbolt —— 職場Present、攝影/影片創作者最愛
Thunderbolt 連接埠可以將大型素材及文件超高速傳輸，無論係學習、上班都一定用得到！處理開高清圖片及影片的攝影師、設計師絕對會省下不少寶貴的時間～
5. 白色鍵盤 —— 簡約風IGable
今次推出黑、白兩色的鍵盤，喜歡清新簡約風的用家一定要購入白色款！
其他功能仲有：
— 支援 5G：進入 5G 時代，上次推出 iPhone 12 開始支援 5G，iPad Pro一齊追上！NEXT。
— 12.9 吋 Liquid Retina XDR 顯示器 + MiniLED ： 螢幕靚左。細Mon靚，大Mon比細Mon更靚。
iMac 2021 七色彩虹外型定成IG打卡王 【按此購買】
1. Apple 自家 M1 芯片
同 iPad Pro 一樣， iMac 都換上全新的 Apple 自家 M1 芯片。Apple仲特別提到 Safari 可以同時開啟數百個分頁；Adobe Lightroom 輕鬆處理達 1 億像素的龐大影像。小編聽落都心郁郁呀！
2. 彩虹七色 + 配件同色 —— 美觀性十足
iMac突然一改冷淡風設計推出七色，包括紅、橙、黃、綠、藍、紫及經典的銀色，而且配套的鍵盤、滑鼠及觸控板都係襯埋一套，啱晒強逼症患者！除左性能升級外，鐘意將工作環境打扮得美觀統一的朋友絕對要入手心水顏色，相信未來 instagram 、 pinterest 中七彩 iMac 的出鏡率會十分高！
3. 史上最薄螢幕 —— 超薄側面似 iPad 連支架
時代進化下，電子產品一直追求更輕巧的外型，擺脫「大牛龜」。iMac 2021厚度不到 11.5 毫米，側面看去像是立在支架上的 iPad 般纖薄！
4. 4.5K 顯示器 —— 電影發燒友最愛
4.5K解析度帶大家帶來更清晰的觀看感，鐘意睇電影的朋友一定喜歡。不過 24 吋的螢幕可能偏小，不少的 iMac 用家的愛用尺寸是 27 吋，大家購買前先留意尺寸是否適合呀。
5. Full HD1080P Webcam —— FaceTime、WFH必備
同樣貼合 WFH、FaceTime、 Online Meeting 大勢的Full HD1080P Webcam，視像智能調整曝光及白平衡，好似開左美肌模式咁呀！
其他功能仲有：
— 鍵盤 Touch ID：今次 iMac 鍵盤作出唔少變動，最特別的係加入左 TouchID功能，具體點好用法就要等大家發掘下啦。
AirTag —— 健忘人士、毛孩主人、旅行防盜之選 【按此購買】
Apple AirTagAirTag 1個裝HK$239， 4 個裝 HK$799。香港時間 4 月 23 日晚上 8 時起接受訂購，4 月 30 日起發售。
1. 手機藍芽尋物
小編作為一個成日唔見各樣隨身物品的人，消息一出就唔少朋友建議我買返個。原理好簡單，扣一個 AirTag 係隨身物品，無論放左係邊佢地都會發出藍芽訊號，物主拎起用手機就可以追蹤返 AirTag 的位置，連梳化底都搵到。有人會話藍芽有距離限制，萬一我離物品太遠點算？AirTag 發出的藍牙訊號，附近的裝置偵測到位置就會傳送到 iCloud！而且 AirTag 可以開啟遺失模式，當 AirTag 被其他人拾獲時，使用支援 NFC 的智能電話輕觸就會知悉你的聯絡資料，更方便物歸原主。大頭蝦人士、貓狗主人、旅行行李箱等等都可以用 AirTag 搵返佢地啦。
2. 防追蹤設計
咁有人就會問，咁我買個 AirTag咪可以追蹤其他人的位置？唔係！iPhone可以偵測到有其他人的 AirTag 一直跟蹤你，會發出通知提醒，如果你一直無發現到其他人的 AirTag，仲可以控制佢發出聲音鎖定位置防追蹤！
3.免充電設計 電池可使用一年
都知道大家唔會咁得閒日日充電，AirTag唔使充電，一粒可替換電池就運作一年以上！
4. IP67防塵防水
要陪住你的隨身物品「上刀山落油鑊」，AirTag 防塵防水基本野啦，跌落水深 1 米的地方 30 分鐘都仲得！
iPhone 12 、 iPhone 12 mini —— 遲來的新色 【按此購買】
iPhone 12 及 12 mini 推出新色紫色，未買既朋友仔可以考慮下，香港時間 4 月 23 日晚上 8 時起接受預訂，4 月 30 日起發售。
