AI工具推薦 | 當科技越嚟越發達嘅時候，大家無論係工作上定係學習上都會運用到AI，用AI幫你慳時間之餘又可以做到你心目中嘅效果！小編為大家推薦5個超實用嘅AI網站，操作簡單之餘，部份更係免費使用！
圖片來源：官方圖片 | 撰文：Hedy
AI工具推薦2024 | 1. Stable Doodle（繪圖工具）
大家好多時都會運用到AI去製造出自己想要嘅圖片，不過最後嘅結果未必同自己諗嘅一樣！呢個時候小編就推薦大家可以使用Stability旗下嘅「Stable Doodle」，只要利用鉛筆工具，喺網站入面只需繪畫出簡單嘅圖案，就可以直接幫你生成超靚嘅圖片！就算唔識畫畫都啱晒大家用，無論係畫火柴人定係簡單咁繪出外型，都會有超滿意嘅效果！如果想再精準啲亦可以輸入呢幅畫嘅描述，仲有多種風格畀大家選擇！
【INFO】 《Stable Doodle》 收費：可免費試用/ 每個月$94 網站：https://bit.ly/3SJf8TM
AI工具推薦2024 | 2. Gamma（一秒生成Powerpoint）
不論係做功課定工作上，大家可能都會需要製作Powerpoint，呢個時候Gamma絕對可以派上用場！只需要簡單輸入文字，就直接幫你整好簡報標題、大綱以及內容等，成個過程一分鐘都唔使超方便。就算唔滿意效果，都可以自己再調整顏色以及風格，之後整Powerpoint嘅時間都慳返唔少時間！大家只要用Email註冊就可以免費試用，同時都可以付費升級至Plus及Pro，每月費用為8美元以及15美金。
【INFO】
《Gamma》
收費：可免費試用/ 每個月$63起
網站：https://bit.ly/3YEg3bI
AI工具推薦2024 | 3. Stable Fast 3D（0.5秒生成3D模型）
無論係遊戲開發定動畫製作，相信大家一定會製作3D模型，而Stability AI開發出「Stable Fast 3D」，更聲稱喺0.5秒入面就可以生成高品質嘅3D模型！大家只需要上傳一張圖片，就可以等佢自動製成，超方便！
【INFO】
《Stable Fast 3D》
網站：https://bit.ly/3SE9ySk
AI工具推薦2024 | 4. Luma Dream Machine（相片轉換為影片）
Luma Dream Machine可以畀大家上載圖片，轉換成為影片，同時大家都可以透過文字描述，去生成大概5秒嘅影片。小編就試過可以同時將2張相變成影片，當中嘅過場效果都幾好㗎，即睇以下效果。如果大家都想試下玩，只需要利用Google帳戶登入，就可以生成自己鍾意嘅影片。每位用戶每日最多只可以生成5段影片。
【INFO】 《Luma Dream Machine》 費用：免費 網站：https://bit.ly/46HLF2m
AI工具推薦2024 | 5. Whisper Transcription（字幕生成）
唔少人都鍾意用拍片去紀錄低自己嘅生活，同時亦有唔少人想試成為YouTuber或製作Reels，剪片嘅時候都可能會覺得打字幕好麻煩～小編就推薦大家可以免費用Whisper Transcription，幫你生成字幕，縮短大家打字幕嘅時間。不過大家用完之後都要對一對字幕係咪正確，始終都會有錯字出現。Whisper Transcription亦提供錄音功能，等大家開會嘅時候就唔使人手紀錄會議。
【INFO】
《Whisper Transcription》
費用：免費
下載網站：https://bit.ly/3X76pxn
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
