新嘅一年梗係要搵啲新動漫衝擊吓啦！而今次小編就會講吓2022年1月動漫新番入面最令人期待嘅其中5套，同大家介紹下上映日期同故事大綱等！當中亦都有原創動畫嘅熱血新番同令人面紅心跳嘅甜死人戀愛系列，當然唔小得萬眾期待嘅進擊的巨人Final Season Part 2啦！想知有咩心水推介就記得碌落去睇內文喇！
圖片來源：ACG Secrets.HK、網上圖片、Twitter@RymansClub、妞新聞｜撰文：Debbie
一月動漫新番（1）：《進擊的巨人Final Season Part 2》
上線日期：2022年1月9號
人氣動漫《進擊的巨人》開播而嚟一直都係大家所期待同紅遍全球嘅動畫之一。由2013年開播第一季以來到2022年嘅最後一季，雖然當中有換過製作公司，但依然有唔少人都急不可耐想睇到動畫版嘅動作埸面同劇情發展！
最後一季，故事從瑪雷篇開始，世界局勢已經唔樂觀，好似巨人呢種超級戰力係科技力量之下已經漸漸被取代。長期使用巨人進行侵略嘅瑪雷，需要更多資源同時間重建國力。政要已經決定對艾連等人所在的「帕拉迪島」進行侵略，奪取戰略資源同奪取始祖巨人之力。順便轉移國外的注意力，到始祖巨人身上來爭取時間。點知係佢哋想侵略帕拉迪島嘅同時，原來艾連等人已經優先到瑪雷突襲，故事發展嘅part1已經播完，嚟緊就要睇艾連滅世重頭戲了！
小編認為，到今時今日都仲未睇過巨人嘅話，我係推薦嘅。劇情唔係一般你估得到有主角光環咁簡單，而係當中有好多情節同故事都值得去思索！推崇自由主義嘅你一定要由頭睇過喇。
一月動漫新番（2）：《明日同學的水手服》
上線日期：2022年1月8號
新作《明日同學的水手服》係漫畫改編嘅女子校園番！故事以位於鄉下嘅名門女子中學・私立蠟梅學園為舞台，主角「明日小路」夢想係穿著呢間私立學園嘅JK水手服制服，並希望認識到一百位朋友為目標，展開憧憬的學園生活！到底入面有啲咩青春故事等緊我哋去發掘呢～呢套動畫嘅其中一個看點，係入面嘅女聲優非常多而且有幾位仲係人氣聲優添！當中包括配鬼滅彌豆子一角嘅鬼頭明里同配東京喰種董香一角嘅雨宮天，係一套值得期待講述友情嘅動漫！
一月動漫新番（3）：《Ryman‘s Club》
上線時間：2022年1月22號
《Ryman’s Club》係少數以羽毛球為題材嘅原創動畫作品！故事講述被譽為神童嘅天才球員-白鳥尊，因為種種原因令佢放棄咗打波，一直到出社會做嘢入到公司嘅羽毛球隊先令佢燃起返對羽毛球嘅感覺同希望！整體而言，預告片釋出之後畫風同運鏡等都屬於高水準，而且作為唔算好氾濫嘅運動主題，呢套都可算係值得關注嘅作品之一！
一月動漫新番（4）：《戀上換裝娃娃》
上線時間：2022年1月22號
同樣係漫畫改編嘅新番《戀上換裝娃娃》係一套另類戀愛動漫。故事講述中意女兒節娃娃嘅男主角同完全冇交集嘅有錢女主角因為Cosplay而結緣，當中有啲咩爆笑劇情同愛情火花等緊我哋去發掘呢～等多幾個星期就有得睇喇！老實說，小編都對呢套動漫幾有興趣，女主角嘅畫風相當吸睛而且題材亦屬於少有特色，喜歡1on1嘅愛情小品就記得留意啦！
一月動漫新番（5）：《佐佐木與宮野》
上線時間：2022年1月9號
BL迷注意喇～BL迷注意喇～ 令人期待已久嘅《佐佐木與宮野》終於喺呢個月上線啦！畫風一啲唯和感都冇仲好有純愛嘅感覺，呢對CP肯定可以令到唔少腐女入坑！有追開漫畫嘅你哋更加唔好錯過佢哋嘅上線時間呀～
故事講述宮野係一名對自己個樣太秀氣所以感到自卑嘅男仔。因為發生一啲校內糾紛，被不良少年佐佐木學長看上…究竟之後會有咩劇情發展呢！記得留意啦！
相關文章：一文睇哂DISNEY+懶人教學 呢套有齊32季？有咩必追劇集電影？
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
