派對遊戲2026｜平時一班朋友放咗工，都一定會打返陣機過下手癮。除咗可以減壓，更珍貴嘅係同朋友一齊過關，創造回憶培養感情。本文整理咗12款Steam多人合作遊戲，有可愛風格，又有搞笑輕鬆，無論係情侶、一大班朋友定一家人都一定鍾意，即刻約定佢哋一齊玩啦！
圖片來源：Steam官方圖片 | 撰文：Cynthia
Steam遊戲2026｜1. 合力逃脫
你同朋友遭遇海難流落喺神秘島嶼，要齊心協力解開好似拼圖嘅謎題，先可以逃離荒島。呢個遊戲考驗你同朋友嘅默契，係咪心有靈犀，同時又可以互補對方。
【INFO】
《合力逃脫》
發行日期:2024年8月9日
官方網站
Steam遊戲2026｜2. 多人超市(Supermarket together)
一大班朋友一齊返工真係好開心㗎！《多人超市》呢個遊戲會分配職位俾每一位玩家，例如收銀員、上貨員同保安等等，等你體驗合力營運一間超市。最搞笑嘅係有好多扒手，你要同朋友一齊追捕佢哋。玩家越多，行動越多！遊戲有超過 300 種不同的商品，例如藥品、農產品、電子產品、兒童保育或園藝，等你慢慢發掘。
【INFO】
《多人超市》
發行日期:2024年8月9日
官方網站
Steam遊戲2026｜3. 雙人成行 (It Takes Two)
《雙人成行》故事由一對希望離婚嘅夫妻開始，佢哋嘅女兒想幫佢哋放棄呢個決定，整咗兩隻小布偶。機緣巧合下呢對夫妻化成布偶，踏上人生中最瘋狂的旅程。遊戲好適合培養默契增進感情，岩晒情侶放假喺屋企玩。仲可以利用好友通行證邀請對方免費遊玩呢！
【INFO】
《雙人成行》
發行日期:2021年3月26日
官方網站
Steam遊戲2026｜4. 麵包與年糕(Bread and Fred)
兩隻企鵝「麵包」同「年糕」要登上雪山，需要經過好多障礙。兩隻企鵝有繩綁住，共同進退。玩家要睇準跳躍嘅時機、緊抓山壁，再通過擺蕩穿越間隙。你覺得你可唔可以同朋友登上山頂呢？
《麵包與年糕》
發行日期:2023 年 5 月 23 日
官方網站
Steam遊戲2026｜5. 鎖鏈輪(Chained Wheels)
一條鎖鏈，兩位司機。你會同朋友合作駕駛，兩架車俾鎖鏈連結，去到沙漠等地方，穿過山崖、走過跳動嘅石頭、仲有要避開滾動嘅大石，共同冒險。
【INFO】
《鎖鏈輪》
發行日期:即將推出
官方網站
Steam遊戲2026｜6. 火腿工廠(HAM: The Game)
入到一間好公司係好多人嘅夢想。但如果不幸地入咗一間混亂嘅工廠，就要揾隊友喇！火腿工廠有唔同職位，各有職責，要合作渡過磨煉先可以保住呢份工，快啲揾你想同佢一齊整火腿嘅朋友玩啦！
【INFO】
《火腿工廠》
發行日期:即將推出
官方網站
Steam遊戲2026｜7. 猛獸派對(Party Animal)
好適合多人派對玩嘅遊戲，可以選擇你中意嘅小動物角色，全部都毛絨絨，十分可愛，惹人心動。仲可以同朋友組隊一齊挑戰其他玩家，一齊爭奪晶瑩剔透嘅小熊軟糖，治癒感滿分。
【INFO】
《猛獸派對》
發行日期: 2023 年 9 月 20 日
官方網站
Steam遊戲2026｜8. Peak
《PEAK》故事背景係飛機失事後，你同小伙伴扮演流落荒島嘅探險家。為咗尋求支援，你哋要合作登上最頂峰發出求救。拎住厚重嘅裝備，攀爬山峰時耐力一直下滑，你同朋友會成功獲救嗎？
【INFO】
《Peak》
發行日期: 2025 年 6 月 17 日
官方網站
Steam遊戲2026｜9. Train Wreck
玩家扮演火車司機，喺狂野西部運送貨物，沿路途經多個車站。要抵禦火車搶匪嘅攻擊，同時又要維持燃料充足，確保抵達所有車站。
【INFO】 《Train Wreck》 發行日期: 2025 年12月7日 官方網站
Steam遊戲2026｜10. 羊羊集合啦！(Sheepherds!)
《羊羊集合啦！》畫風溫馨可愛，喺一大片綠油油嘅草地上遊玩，感覺輕鬆休閒。遊戲支持1至4人合作，係派對增進朋友間感情嘅好選擇。你嘅狗狗夥會帶領五彩斑斕嘅羊群，四圍探索睇靚景，可愛咁汪汪叫，解鎖更多萌趣造型。
【INFO】
《羊羊集合啦！》
發行日期:2025 年 11 月 18 日
官方網站
Steam遊戲2026｜11. 超級高爾夫大亂鬥(Super Battle Golf)
有冇諗過可以用雞髀或者鮮魚揮杆玩哥爾夫球？《超級高爾夫大亂鬥》支援 1 至 8 人同時在線競技，仲可以出茅招，鬥快將波送入洞。有別一般哥爾夫球咁正經嘅模式，呢個遊戲更加輕鬆過癮。
【INFO】
《超級高爾夫大亂鬥》
發行日期:2026年2月20日
官方網站
Steam遊戲2026｜12. 死線快遞 (Deadline Delivery)
炸彈即將爆炸，你要先綁好安全帶，狂踩油門，盡快完成投遞。你要扮演馬嬲郵差卡爾，揸住裝有炸彈嘅郵車，喺緊張混亂嘅時間內極速送達！
【INFO】 《死線快遞》 發行日期:即將推出 官方網站
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
