最近Disney+又有新上線節目追住睇喇〜即使戲院繼續都係封閉，但Marvel永遠唔會令粉絲失望嘅。奇異博士2未上映之前，就先可以追一追全新角色《月光騎士》！當然唔少得最近爆紅嘅彼思動畫《熊抱青春記》啦！不過小編要介紹嘅又邊只咁少，想知仲有咩心水推介就記得碌落去睇內文啦！
圖片來源︰網絡圖片、Disney+｜撰文︰Debbie
Disney+人氣新上架必睇推薦（1）：Marvel新劇《月光騎士》
全球Marvel迷熱切期待，Marvel Studios最新原創劇集《月光騎士》(Moon Knight)將於Disney+ 獨家上線。作為漫威第六部電視劇作品，今次呢個新角色對大家嚟講都相對陌生。佢未曾喺任何一套marvel電影嘅彩蛋出現，大家對佢嘅認識亦近乎零，但點解都咁值得睇？因為呢個英雄背後嘅故事都幾復雜㗎！
故事描述任職禮品店嘅Steven長期承受睡眠困擾，分唔清現實同夢境，腦海中亦時常出現唔同聲音。Steven亦發現自己患有多重人格障礙，另一身份則是前美國海軍陸戰隊成員、中央情報局探員，後來成為僱傭兵穿梭多地Marc。某次意外後，Marc被埃及月神Khonshu所救，成為埃及月神喺地球嘅化身、月光下擁有超凡能力嘅「月光騎士」！
月光騎士嘅呢一身白色帶點木乃伊Feel嘅造型，有別於一般超級英雄。而角色設定上亦比較複雜同黑暗，相信又會帶起一個追看熱潮！
《月光騎士》
上映日期：2022年3月30日
集數： 6集
類型：動作、劇情、懸疑
Disney+人氣新上架必睇推薦（2）：彼思動畫《熊抱青春記》
由彼思首位金像華裔女導演石之予執導嘅《熊抱青春記》，如果你仲未睇過嘅話，記得一定要睇呀！故事講述剛踏入少女成長期嘅13歲少女李美蓮，面對身體、性情、愛好，以至人際關係的各種轉變，難免心浮氣燥霎時衝動，但她每次一激動竟然就會突變成為一隻超巨型小熊貓！青春人生最不可思議的巨變由此展開喇…
話說小編咁高度推薦嘅原因係因為呢套動畫而亞洲家庭為故事背景，對於我哋嚟講有多啲共鳴〜例如家庭觀念上比較保守，亞洲人係比較保護仔女等等。而目係友情上都會見到青春期嘅時後係幾咁注重朋輩關係，以及追星嘅等等行為都令我諗返起細個嘅回憶〜相信未睇過熊抱青春記嘅你哋，睇完都會同我一樣有同感！
電影入邊嘅插曲亦都非常洗腦同好有現今流行曲嘅元素，而4towns就係主角美蓮同佢嘅一班好朋友追捧嘅偶像明星！入邊好多歌都係佢哋唱㗎，而且仲係為今次電影創作嘅添！小編出於好奇心，仲專登去search邊個負責電影入面嘅編曲同詞，原來係Billie Eilish！真係大牌兼大片呀〜
《熊抱青春記》
上映日期：2022年3月11日
類型：動作、親情、友情、青少年
Disney+人氣新上架必睇推薦（3）：浪漫音樂韓劇《單戀原聲帶》
故事講述奮鬥多年的填詞人恩秀因没有單戀經驗，正苦惱著需要創作出一首講述單戀心境的歌曲。相識19年嘅好友宣宇為協助她因而開展兩星期同居生活，住在同一屋簷下並分享各自的愛情故事以提供音樂靈感。
恩秀一直認為若果她要和宣宇一輩子在一起，二人必須維持這種摯友關係，不可越界。宣宇了解恩秀心意，為咗唔想打破兩人之間微妙平衡，多年來只能隱藏著自己的情感，偷偷暗戀着恩秀。朝夕相處的兩人對彼此不能說出口的情愫逐漸浮面，使他們遊走在友情與愛情，這種既甜蜜又苦澀的曖昧不明邊界上。
劇情都係平平無奇嘅曖昧關係，但勝在有顏值嘅男女主角搭救〜加上唔會拖到好耐嘅劇情因為整體只有4集，所以食LUNCH或者想搵劇睇吓都係一個唔錯嘅選擇！
《單戀原聲帶》
上映日期：2022年3月23日
集數： 4集
類型：愛情、甜蜜、瞹昧、韓劇、音樂
Disney+人氣新上架必睇推薦（4）：愛情電影小品《月老》
而早前喺香港曾經上映咗一段短時間嘅台灣愛情小品《月老》終於喺Dinsey+上映喇！由柯震東、宋芸樺、王淨及馬志翔主演嘅《月老》來頭非常大，台灣上映票房極速衝破2.5億台幣，喺香港亦衝破1100萬港幣票房，叫好叫座，成為一時佳話，仲係金馬獎榮獲11項提名添！到小編想睇嘅時候已經封咗戲院，依家總算唔洗等咁耐喇〜
《月老》劇情講述阿綸慘遭雷擊而死去到陰間，失去生前所有記憶嘅阿綸必須作出選擇，一係立刻投胎轉世但有可能變成蝸牛，一係擔任神職，累積陰德再轉世為人。阿綸決定成為「月老」新員工，與個性火爆粉紅頭Pinky搭檔到人間執行牽紅線的任務。一次佢哋喺人間中遇見小咪時，阿綸前世記憶瞬間回來了，原來小咪是他生前的摯愛，於是阿綸費盡千辛萬苦想要幫小咪牽紅線，不過每條綁在小咪手上的紅線都被燒毀，怎樣都不成功，也讓各路月老開展一場看誰能先為小咪綁上紅線的競賽，衍生出一場真摯又揪心的愛情故事。
《月老》
上映日期：2022年4月2日
類型：愛情、甜蜜、奇幻、感人、生死
相關文章：【2022一月動漫新番一覽！ 新一季進巨返嚟啦！仲有咩可以追？】
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
