因為疫情關係大家都多咗時間留喺屋企抗疫,睇韓劇、日劇睇到悶,不妨考慮吓睇動漫!最近日本網站票選的「最催淚的動漫 TOP 10」,投票族群為 10 歲以上嘅用戶,一共有999名參與投票,一齊睇吓仲有邊啲催淚動漫有份上榜喇!

圖片來源:網絡圖片、Netflix|撰文:Sharon


第十名︰《四月是你的謊言》

《四月是你的謊言》以音樂為題材嘅動漫,透過悲劇嘅形式,講述男女主角成長故事。一部無論係對生活嘅熱愛,定將來嘅盼望都令讀者好大感觸嘅動漫,相信唔少人睇到大結局都會同一樣感動到喊出嚟。

第九名︰《東京地震 8.0》

《東京地震 8.0》2009年播出,一部以地震為題材嘅故事,當時東京發生一場史上最大嘅芮氏震級 8.0 大地震。透過主角嘅互動,講述震災對生活造成嘅巨大變化,亦都喚起大眾對自然災害嘅防災意識,係一部既感人又有教育意義嘅動畫。

第八名︰《紫羅蘭永恆花園》

故事講述主角伊芙加登以代筆者「自動手記人偶」嘅身分,為各地委託人工作,將對方嘅思念化作文字,從而慢慢理解愛嘅含義。

第七名︰《Re:從零開始的異世界生活》

主角昂唔小心嚟到異世界,喺無法依靠任何東西嘅異世界,主角昂只有「死去然後重新開始」的力量。為咗守護重要嘅人同時間,面對多次嘅絕望同失敗,不斷死亡,都勇敢地面對殘酷嘅命運。

第六名︰《我們仍未知道那天所看見的花名。》(未聞花名)

包括愛情、友情同親情嘅動漫,講述6名少年少女,因小時候好友芽衣子嘅死而逐漸疏遠。某日死去嘅少女芽衣子出現喺主角仁太面前,指自己有「想要實現的願望」而拜託佢,分散喺各處嘅大家又再次聚集一齊,實現芽衣子嘅願望。故事嘅友情描寫十分細膩,係一個悲傷又催淚嘅故事。

第五名︰《蠟筆小新》

雖然《蠟筆小新》以搞笑為主,但小新同屋企人之間嘅相處情節都十分感人,更被日本少年票選為第五名嘅最催淚嘅動畫。

第四名︰《我的英雄學院》

英雄題材嘅動漫同樣感動唔少人。

第三名︰《你的名字。》

新海誠導演票房最高的電影,故事中嘅男女主角交換咗身體,而展開奇妙緣份。有投票嘅粉絲表示「總是錯過嗁主角們真係好催淚」、「無論是美術、故事、音樂都很棒」等。

第二名︰《聲之形》

以聽力障礙、校園欺凌嘅題材,係一部自我反省,尋求救贖嘅電影,好多觀眾睇完之後認為「會更溫柔對待周邊嘅人」、「明白從失敗中成長嘅道理」等。

第一名︰《鬼滅之刃》

近年超高人氣嘅《鬼滅之刃》榮登冠軍。有選擇呢套動漫嘅粉絲指「炭治郎同禰豆子之間嘅親情羈絆相當令人感動」、「能看到主人公們為他人著想的心情」等。

 

睇完「最催淚的動漫 TOP 10」排名,你哋心目中最催淚嘅動漫又有冇上榜呢? 

————————————————————
Follow 我地睇更多最新情報!
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/