海洋公園哈囉喂2026｜海洋公園哈囉喂全園祭2026！攜手王嘉爾主理 + 5大升級驚嚇體驗！

海洋公園哈囉喂2026｜又嚟到一年一度大家最期間嘅哈囉喂！！今個秋季，海洋公園將會化身為巨大嘅暗黑樂園，更攜手王嘉爾主理及擔任創意總監，展開破格跨界聯乘，將暗黑驚悚美學與沉浸式故事世界完美融合！即刻入內文睇詳情喇！

圖片來源：官方圖片 | 撰文：Hedy

海洋公園「哈囉喂全園祭2026」攜手王嘉爾主理及擔任創意總監嘅原創奇幻IP Under the Castle，重磅打造出 【FWD富衛保險呈獻：Under the Castle驚嚇體驗】，誓要把勇者一一攝進被邪惡水晶詛咒支配嘅古堡，墮入暗黑嘅邪魔夢魘深處。 

5大升級驚嚇體驗

1. Under the Castle

Under the Castle魅幻狂潮橫跨多個互動場景 ！大家可以先喺「Under the Castle AI 幻相空間」虛擬世界同「Under the Castle鏡中鏡」拍出充滿驚悚美學嘅照片。隨後仲可以親臨「Under the Castle詭魅空間」，一場尊貴VIP 舞會，等你隨空靈樂章翩翩起舞。而追求刺激嘅玩家，就絕對唔好錯過「暗黑版橫衝直撞」，碰碰車全面淪陷喺幽綠光之中，隨時有嘩鬼隱藏其中！想帶走「Under the Castle」限定主題獎品嘅大家，就一定要前往「夢魘版遊戲攤位 」區，挑戰攤位遊戲試試手氣！

2. Voodoo Boo 惡靈遊樂場

Voodoo Boo相隔一年回歸！海濱樂園已被Voodoo Boo惡搞成迷離嘅奇幻空間，大家更要戴上特製3D眼鏡，一秒跌入扭曲嘅惡靈世界，眼前詭影幻象將你重重包圍～於指定時段，Voodoo Boo更會喺陰森嘅舞台現身同大家互動合照～

3. Orion 啤酒呈獻：陰陽路之棺材仔*

一踏進陰陽路，即會墜入【Orion 啤酒呈獻：陰陽路之棺材仔】港產經典恐怖片嘅陰森世界。一幕幕嚇破膽嘅撞鬼場景重現眼前！由鬼影幢幢嘅荒廢圍村、怨氣逼人嘅紅衣女鬼遇害現場，令人毛骨悚然嘅棺材祭壇，越行越心寒，挑戰你嘅官能刺激極限！神秘嘅問米婆會為你指路，要記得「不聽老人言，吃虧在眼前」！

4. 詭域瘋人院*

封鎖多年嘅精神病院首度解禁！呢間病院當年驚爆「集體消失事件」，所有嘅醫護人員、保安以及病人喺同一時間集體發狂，之後就全部人間蒸發。你將會化身為新一批嘅調查員，戴上特製嘅骨傳導耳機，接受唔屬於呢個世界嘅超自然頻率，尋找箇中線索！

5. 狂歡「慌」式陣容

另外，仲有兩大全城矚目勁Show，加上一連串精彩嘩鬼表演，High 爆狂歡全園一觸即發！8大型格 OPPA 化身地獄使者，組成魔界爆紅的地獄OPPA天團Demoon King勾魂開 Show！仲有全港最大型哈囉喂Cosplay派對強勢登場！可以睇埋魅影搖擺秀、紙紥巨星陰魂匯以及幻影舞會等等，超多精彩節目！

Bulu Boo Trick-or-Treat派對

萬聖節又點少得Trick-or-Treat嘅歡樂氣氛？大人小朋友可以玩歡樂無窮「Bulu Boo Trick-or-Treat派對」，暢玩互動小遊戲，收集各種糖果，感受溫馨歡樂嘅節日氣氛，更可挑戰「Bulu Boo滾球GO」遊戲關卡，考驗手眼協調。 

【INFO】
《海洋公園哈囉喂全園祭》
日期：2026年9月5日至11月1日（指定日期）
活動詳情：https://bit.ly/4xtoC85

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk