單身狗注意！雙11光棍節嘅你係咪單身呢？平時參加聯誼活動可以帶埋愛犬一同出席你哋又試過未呢？香港實體約會服務首選HeyDouble同香港救狗之家合作，推出雙11「單身 · 狗」交友派對，係全港首個可以帶埋狗狗一齊聯誼嘅交友活動，除咗一對一傾計，仲有寵物配對遊戲、多項豐富禮物！如果大家想喺年底前出Pool成功，擺脫單身就一定唔好錯過咁精彩嘅活動啊！
圖片來源：官方圖片｜撰文：Sharon
數數手指，距離年尾嘅日子越嚟越近，仲喺單身一支公？如果大家想搵另一半，咁一定要參加由香港實體約會服務首選HeyDouble舉辦嘅毛孩聯誼活動雙11「單身 · 狗」交友派對，活動於11月11日喺香港逸東酒店一樓Kino舉行，各位單身男女仲可以攜帶自己嘅愛犬到場認識新朋友，一邊品嚐美食，一邊把握單對單傾計嘅機會，更深入地了解對方。
主人們除咗可以一對一傾計，現場有唔少小遊戲畀狗狗玩，仲會喺當天選出友誼狗狗、狗狗邱比特、最上鏡狗狗等。依家報名參加活動，仲可以獲得由Petionship HK贊助嘅精美小禮品，人人有份！一齊帶埋愛犬嚟認識更多新朋友，留下美好嘅回憶啦！
喺香港每年大約有7000隻流浪犬被撲殺，呢啲流浪狗大多來自非法養殖場、被遺棄在街頭或公園等地，除咗有幸被領養嘅狗狗，大部分都被銷毀。今次HeyDouble同「香港救狗之家」攜手舉辦嘅雙11「單身 · 狗」交友派對，希望透過聯誼活動可以令多啲愛犬人士互相交流認識，一同關注流浪狗議題，每位只需$500。活動所得嘅部分費用更用於救助流浪狗，能夠幫助超過600隻流浪狗，係一項非常有意義嘅活動！各位有興趣嘅主人快啲報名參加啦～
HeyDouble 係香港首屈一指嘅約會專家，專為尋找認真穩定交往對象嘅單身人士提供優質、高私密度及有效嘅一站式配對服務，省卻單身人士係茫茫人海中尋找伴侶嘅煩惱，解決因繁忙工作而未能認識新朋友嘅問題。今次推出雙十一單身聯誼活動係想大家係輕鬆嘅環境下認識朋友，除咗人類之外其實小動物都想有個不離不棄嘅另一半陪伴佢地！
【INFO】 《雙11「單身 · 狗」交友派對》 地點：香港逸東酒店一樓Kino活動場地（香港九龍彌敦道380號） 日期：11月11日 時間：14:-00 - 16:00 費用：$500/人 報名網站：https://bit.ly/3Sf661k
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
