哈利波特限定店 | 各位麻瓜們，Harry Potter Mahou Dokoro期間限定店登陸香港喇！為期一個月嘅限定店將會為大家帶嚟近期推出嘅主題系列，包括布萊克家族 (House of Black)、天狼星(Sirius Black) 和露娜(Luna Lovegood) 等熱賣商品，仲有香港限定商品！即刻入內文睇詳情啦！

圖片來源：官方圖片 | 撰文：Hedy

Harry Potter – Mahou Dokoro 期間限定店將會喺10月2日於觀塘apm開幕，為期一個月，即刻睇吓有咩產品啦！期間限定店除咗有各式各樣以《哈利波特》同《Fantastic Beasts》電影為靈感嘅精選商品外，仲為大家帶嚟近期推出嘅主題系列，包括布萊克家族 (House of Black)嘅Black House Series 書套、手提電腦袋以及Tote Bag。而天狼星(Sirius Black) 系列就有通緝令便條本、疑犯照相板項鍊以及疑犯照相板掛件裝飾等。另外露娜(Luna Lovegood) 就有髮夾、手提包、眼鏡盒以及哈利波特魔杖掛牆鐘等，數量有限！

Black House Series 書套 HK$250（圖片來源：官方圖片）
Black House Series 手提電腦袋 HK$390（圖片來源：官方圖片）
Black House Series 托特包 HK$420（圖片來源：官方圖片）
刺繡眼鏡盒 HK$250 件（圖片來源：官方圖片）
哈利波特魔杖掛牆鐘 HK$1,900（圖片來源：官方圖片）
+5

哈利波特限定店 | The Dark Mark 主題香港限定商品

期間限定店將會喺10月期間月份期間限定推出 3 款獨家商品，包括卡片套連掛繩（$170）、兩用側腰袋（$210）及印花 T 裇（$290），商品以 「The Dark Mark」 作為設計靈感，結合骷髏頭和蛇形舌頭兩個元素構成嘅圖案，更印有「MORSMORDRE」 咒語。

【The Dark Mark 主題香港限定商品】（圖片來源：官方圖片）
兩用側腰袋 HK$210（圖片來源：官方圖片）
卡片套連掛繩 HK$170（圖片來源：官方圖片）
印花 T 裇 HK$290（圖片來源：官方圖片）

哈利波特限定店 | 限定布帶匙扣

今次快閃活動更特別推出《哈利波特》香港期間限定布帶匙扣，設計靈感來自霍格華茲四個學院嘅專屬顏色，並印有每個學院嘅名稱。活動期間只要喺店內單次消費滿 HK$250 或以上，就可隨機獲贈其中一款布帶匙扣 1 件 (非賣品)。數量有限，送完即止。

消費滿指定金額即送！（圖片來源：官方圖片）
【INFO】
《Harry Potter - Mahou Dokoro 期間限定店》
日期：2025年10月2至31日
時間：12:00至21:00
地址：九龍觀塘道 418 號 apm UC 層

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk