Duffy與好友主題快船｜去迪士尼都可以坐期間限定嘅全新特色主題快船去？！香港迪士尼樂園度假區「Duffy與好友主題快船」正式開通航線，往來迪士尼碼頭同中環碼頭。船上更有多隻換上水手造型嘅Duffy與好友和米奇毛公仔，即刻入內文睇詳情喇！
圖片來源：Global 2 | 撰文：Hedy
新渡輪全新限定特色主題快船驚喜登場，香港迪士尼樂園度假區「Duffy與好友主題快船」正式開通航線，由2026年4月30日至6月30日，為大家帶嚟不一樣嘅海上體驗。「Duffy與好友主題快船」成為首條航線連接中環6號碼頭至迪士尼碼頭，大概30分鐘就可以由港島直達香港迪士尼，展開萌萌嘅春日之旅。
Duffy與好友主題快船｜水手造型公仔
快船每日各設一班早晚航次往返中環與迪士尼碼頭。早上10點由中環出發嘅首班船，喺迪士尼玩完之後，大家就可以搭乘21:30由迪士尼碼頭開出嘅航班，一覽維港迷人景色～主題快船內外都佈滿咗Duffy與好友春日主題裝飾，船上有多隻換上水手造型嘅巨型Duffy與好友同米奇毛公仔，大家記得去打卡喇！而船艙內更播放專屬主題影片，等大家提前感受角色嘅可愛魅力。
Duffy與好友主題快船｜免費換Duffy與好友主題乘船紀念卡
喺活動期間，大家只要喺登船前於中環6號碼頭免費換領Duffy與好友主題乘船紀念卡，2款卡片將會隨機派發。大家仲可以持紀念卡，於中環6號碼頭同船上蓋上專屬主題印章，自製專屬紀念卡。
【INFO】 《Duffy與好友主題航線》 運行日期：2026年5月1日至6月30日 快船航線：中環6號碼頭 ↔ 迪士尼碼頭 航行時間：約30分鐘 中環6號碼頭啟航時間：早上10時及晚上7時45分 迪士尼碼頭啟航時間：早上11時30分及晚上9時30分 2026年4月30日特別航線: 中環6號碼頭啟航時間：早上11時30分及晚上7時45分 迪士尼碼頭啟航時間：下午12時30分及晚上9時30分 價錢： 【單程】香港迪士尼樂園度假區「Duffy與好友」主題航線專屬單程船票+香港迪士尼樂園標準一日門票 $698起 【來回】香港迪士尼樂園度假區「Duffy與好友」主題航線專屬來回船票+香港迪士尼樂園標準一日門票 $798起 購票平台：Global 2、Trip.com
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
