Duffy與好友電車 | 放假嘅時候大家又會唔會搭電車欣賞風景呢！香港電車同香港迪士尼合作，推出「Duffy 與好友」主題電車，由一班Duffy與好友毛公仔陪你遊車河，仲有特別透明珍藏票超得意，即入內文睇詳情啦！

圖片來源：官方圖片 | 撰文：Hedy

Duffy與好友毛公仔首次結伴乘搭電車全景遊出巡，由即日起至5月7日，大家都可以乘坐仿1920年代開放式設計嘅古雅電車，享受1小時嘅特色觀光之旅。「電車全景遊」穿梭於港島鬧市中心，仲有Duffy與好友毛公仔陪伴大家，等你盡覽醉人景色。車上提供8種不同語言（廣東話、普通話、英語、韓語、日語、西班牙語、法語及俄語）嘅導賞服務，帶大家深度認識香港！

Duffy與好友毛公仔主題電車全景遊！（圖片來源：官方圖片）
超可愛～（圖片來源：官方圖片）
好多得意嘅毛公仔～（圖片來源：官方圖片）
同Duffy與好友一齊出遊！（圖片來源：官方圖片）
陪你一齊遊車河！（圖片來源：官方圖片）

Duffy與好友電車 | Duffy與好友主題特別透明珍藏票!

有得搭電車之餘仲有得攞Duffy與好友主題特別透明珍藏票！2款設計分別印有「Duffy、ShellieMay、StellaLou、Gelatoni」及「LinaBell、CookieAnn、’Olu Mel」組合，將會喺活動期間派發，各款限量800張！另外亦有Duffy與好友主題叮叮乘車紀念卡，萌粉可喺登車時精選最喜愛嘅別注主題印章「加持」喺您嘅紀念卡上，為旅程添上一絲可愛！

Duffy與好友電車 | 新設明信片紀念專區 

各位乘客可以喺隨團奉送嘅叮叮明信片上面，寫上自己嘅感受，隨後會由香港電車代為寄出，為你嘅旅程留下深刻印象！

仲有明信片！（圖片來源：官方圖片）

Duffy與好友電車 | 「Duffy與好友」主題電車 

搭完觀光電車，萌粉們仲可以使用「2天通行證」無限次乘搭全線普通載客電車 ，隨時遇上「Duffy與好友」主題普通電車！

好啱春天去打卡～（圖片來源：官方圖片）
「Duffy與好友」主題電車 ！（圖片來源：官方圖片）
【INFO】
《Duffy與好友毛公仔電車全景遊》
日期：即日起至2025年5月7日
價錢：4歲以下免費；小童(4至11歲）$110；成人/長者$180
購票詳情：請按此

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk