5月好去處2024 | 5月又有2日假期，可以等各位打工仔休息下，大家又諗好去邊未呢？小編為大家整合咗15個香港5月好去處，相信可以幫到大家抉擇，無論係情侶拍拖定係一家大細都可以去！
圖片來源：官方圖片、klook、香港旅遊發展局 | 撰文：Hedy
5月好去處 | 1. 沙田新城市廣場「Sweet Together」
就算入唔到迪士尼探Duffy and Friends，都可以帶埋自己收藏嘅公仔，過嚟沙田新城市廣場同咁多位好友打卡！Duffy、ShellieMay、Gelatoni、StellaLou、CookieAnn、‘Olu Mel以及LinaBell都已經換上春日新裝迎接大家，喺過千尺嘅森林入面，大家都可以行入4米高嘅「甜蜜糖果屋」，尋找多個得意嘅打卡位，Duffy與好友將會喺度野餐、寫生以及進行歌舞表演！同場更設有春日期間限定店，等大家都可以買走一系列迪士尼精品！
【INFO】 《沙田新城市廣場「Sweet Together」》 日期：即日起至2024年6月30日 時間：上午10:00至下午22:00 地點：新城市廣場1期3樓中庭、新城市廣場1期1樓、新城市廣場3期3樓及HomeSquare指定樓層
5月好去處 | 2. 尖沙咀LCX星之卡比生日會
日本人氣遊戲「星之卡比」系列入面嘅「卡比」，將會喺今年生日嚟度香港同大家一齊慶祝生日，仲有機會同大家見面！大家都可以喺尖沙咀LCX同壽星卡比打卡，當中更有3大打卡場景。80cm高嘅巨型卡比將會喺繽紛場景入面等大家，同時亦有印滿卡比圖案嘅夾公仔機。生日當然唔少得生日蛋糕啦，可以盡情咁喺巨型生日蛋糕隔離打卡～同場更有Nintendo Switch「星之卡比」系列遊戲畀大家體驗，更特設超可愛嘅星之卡比期間限定店，等你帶走精美嘅毛公仔同一連串商品！
【INFO】
《Kirby’s Toki-Meki Crane Fever Hong Kong》
日期：即日起至5月26日
時間：上午10:00至晚上22:00
地點：尖沙咀海港城海運大廈三階 LCX
5月好去處 | 3. 尖沙咀新港中心《鋼之鍊金術師展》
各位動漫們絕對唔可以錯過《鋼之鍊金術師展・香港站》，展覽將會由即日起至6月11日喺尖沙咀廣東道30號新港中心1樓 Anima Tokyo（Incubase Arena）展出。今次將會有7個獨特嘅展區，展示荒川弘老師傳奇漫畫嘅全貌，近距離觀賞到佢嘅繪圖、草圖同埋概念圖，機會好難得！同場除咗有獨家週邊商品外，亦有限定餐飲系列，包括「鋼之鍊成」串燒&蝦餅、香辣肉醬熱狗、酥脆蘋果批等。每位購票入場嘅人士都會有限量紀念卡一張，粉絲們一定要去！
【INFO】 《鋼之鍊金術師展・香港站》 日期：即日起至2024年6月11日 時間：上午10:00至晚上22:00（最後入場時間21:00） 地點：香港尖沙咀廣東道30號新港中心1樓Anima Tokyo (Incubase Arena) 購買門票：https://bit.ly/4d6a84e
5月好去處 | 4. 太古城中心「星球大戰：黑暗之力」展覽
相信STARWARS係唔少電影迷嘅共同回憶，為慶祝5月4日「星球大戰日」，太古城中心將會聯乘Hot Toys舉辦「星球大戰：黑暗之力」主題展覽。當中更係全球首次展出像真度極高嘅1：6珍藏人偶及載具，更有6.7米高帝國終極武器「死星」等7大打卡場景登場。喺期間限定店入面更推出逾120款限定商品，忠粉們一定要去睇睇！
【INFO】 《太古城中心 ｘ Hot Toys 「星球大戰：黑暗之力」》 日期：即日起至6月2日 時間：星期一至五：中午12:00至晚上21:00；星期六、日及公眾假期：上午11:00至晚上21:00 地點：太古城中心二樓中庭及中橋
5月好去處 | 5. 香港迪士尼樂園「Marvel超級英雄匯」
各位Marvel迷要出動喇！香港迪士尼樂園展開「Marvel超級英雄匯」活動，可以近距離同Marvel超級英雄例如美國隊長等互動，仲有全新日間表演「超能覺醒：史達科技展保衛戰」。就連夜晚都可以睇到新增嘅無人機表演「超能覺醒：空中反擊戰」，真係好期待！
【INFO】 《Marvel超級英雄匯》 日期：即日起至6月10日 地點：香港迪士尼樂園
5月好去處 | 6. 長洲太平清醮
長洲太平清醮係香港獨有嘅民間節慶活動，同樣都係國家級非物質文化遺產。大家除咗可以係當日欣賞到飄色會景巡遊，亦可以觀賞到搶包山決賽，為各位比賽嘅健兒打氣，不妨去體驗節日嘅氣氛！
【INFO】 《長洲太平清醮》 日期：2024年5月15日 時間：下午14:00（飄色會景巡遊）；晚上11:30至5月16日凌晨12:45（搶包山決賽暨頒獎典禮） 地址：長洲
5月好去處 | 7. 維港海上煙火表演
香港旅遊發展局早期宣布，由5月開始為定期配合節慶或大型表演，將會推出海上煙火或無人機表演。打響頭炮嘅首場海上煙火表演將會喺5月1日喺尖沙咀海濱公園對出海面上演，有興趣嘅朋友就記得要預留時間去！而6月15日同樣都有煙火表演，絢麗奪目嘅海上煙火為維港動人夜景錦上添花，利用光影與色彩締造出難忘體驗，大家都可以喺灣仔海濱場地呢一個最佳觀賞位置欣賞！
【INFO】
海上煙火表演
日期：2024年5月1日、2024年6月15日
時間：晚上20:00(表演全長約10分鐘)
地點：尖沙咀海濱公園對出海面、灣仔海濱場地對出海面
5月好去處 | 8. NAKED FLOWERS 花舞光影展香港站
舉辦過超人氣京都二条城夜櫻光雕秀，日本著名光影創意公司Naked Inc，將會喺香港打造出「Naked Flowers 花舞光影展」。當中共設立8大展區，將會為大家帶嚟沉浸式五感之旅，展出巨型投影書本「花の書 Naked Big Book」、「芬芳花園 Big Flower Garden」、「花の微觀世界 Microscopy of Flowers」無限鏡房等等，超適合大家打卡！
【INFO】 《Naked Flowers 花舞光影展》 日期：即日起至2024年10月27日 時間：上午11:00至晚上10:00（最後入場時間晚上21:00） 地址：尖沙咀廣東道 2A 號「1881」G17B 號舖及地庫 購買門票：https://bit.ly/447SSHv
5月好去處 | 9. 「teamLab: 光漣」展覽
國際藝術團隊teamLab打造出「teamLab: 光漣」展覽，展出由約幾百個ovoid（蛋狀物）與人、風和海浪交互、產生光與聲音互動變化嘅作品《持續站立的生命》，將會由即日起至6月2日喺添馬公園、中西區海濱長廊（中環段）及維多利亞港，呈獻一場空前嘅戶外藝術展，全港市民都可以免費入場，不過就記得要預先喺網上登記咗先！
【INFO】 《「teamLab: 光漣」》 日期：即日起至2024年6月2日 時間：晚上18:30至晚上23:00（最後入場時間22:50） 地點：添馬公園 登記網站：https://bit.ly/3Q8l7jC
5月好去處 | 10. 灣仔A-Maze-ing Harbourfront 迷趣海濱
如果想有地方畀小朋友放電，就相當推薦各位爸爸媽媽灣仔嚟灣仔海濱活動空間參加「迷趣海濱」，有5個精心設計嘅主題迷宮，集創意、玩樂、打卡和冒險元素於一身，活動仲要係免費入場！
【INFO】
《灣仔迷趣海濱》
日期：即日起至2024年7月3日
時間：下午14:00至晚上21:00
地點：香港灣仔鴻興道3號灣仔海濱活動空間
5月好去處 | 11. 大館霓脈
大館全新展覽「大館霓脈」邀請創作人使用霓虹為媒介，創作大型公共藝術作品，並將大館里分為三個區域。慢慢地帶領觀眾穿梭想象中嘅19世紀及20世紀香港街景，從中回憶經典香港視覺意象，例如香港製造嘅紅色塑膠櫈和吊燈 、舊式店舖通花拉閘以及紅白藍膠袋等。
【INFO】 《大館霓脈》 日期：即日起至2025年4月10日 時間：早上08:00至晚上23:00 地點：中環荷李活道10號大館里
5月好去處 | 12.「站見」鐵路展
各位鐵路迷一定要到訪「站見」鐵路展，喺紅磡站將會展出多款退役列車同機車，帶大家穿越香港鐵路嘅昔日時光。除咗可以近距離同具代表性嘅列車近距離接觸之外，更有多項互動元素，例如收聽港鐵公司喺全球各地營運嘅車站廣播，又可以虛擬各個年代職員換上制服影相。展覽將會由即日嘅逢星期六、日及公眾假期免費參觀，記得要提早預約！
【INFO】 「站見」鐵路展 日期：即日起至年底（逢星期六、日及公眾假期） 地點：紅磡站「城際直通車」位置 預約網站：https://bit.ly/3UnATti
5月好去處 | 13. 廟街夜市
廟街夜市自去年開業之後，吸引不少遊客到訪，而香港旅遊發展局更宣布廟街夜市將會延長至今年12月。現場有各種港式小食如煎釀三寶及燒賣等，同時亦有懷舊小食如叮叮糖及龍鬚糖等，仲有近乎失傳嘅飛機欖，大家不妨過嚟感受熱鬧嘅氣氛！
【INFO】 《廟街夜市》 日期：即日起至2024年12月 時間：下午14:00至晚上23:00 地址：廟街
5月好去處 | 14. 香港插畫文創展7
一年一度插畫文創節「香港插畫及文創展 7」，集結嚟自11個地區嘅藝術家，包括括韓國、日本、泰國、中國內地、澳門、越南及香港等地，共500嘅唔同嘅品牌將會喺超過3萬5千呎嘅場地，為大家帶嚟各式各樣最潮流嘅設計產品！
【INFO】
《香港插畫文創展7》
日期 : 2024年5月4日至5月5日
地點 : 香港灣仔會議展覽中心 HALL 5G
購票入場：https://bit.ly/3W4LAlJ
5月好去處 | 15. 《妖怪大行進》巡迴展
由日本國際交流基金會主辦、香港藝術中心及日本駐香港總領事館合辦， 最新嘅巡迴展覽《妖怪大行進》，將為公眾帶嚟一場探索日本妖怪及其文化嘅神祕之旅。展覽揭示咗妖怪文化從江戶時代演變至今嘅歷程，令大家透過傳統板畫、錦繪及電影等，深入妖怪文化！
【INFO】
《妖怪大行進》展覽
日期：即日起至2024年5月5日
時間：早上09:00至晚上23:00
地點：香港藝術中心 包氏畫廊4-5樓
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
