香港冬日美食節2024 | 香港冬日美食節2024回歸、聖誕大抽獎贏日本旅遊套票/iPhone 16 Pro Max！

香港冬日美食節2024 | 今年嘅香港冬日美食節將會喺聖誕回歸，為更大家帶嚟6大專區美食！仲有人氣歌手藝人林峯、吳卓羲、尹光以及Beanies現身同大家歡度聖誕。同場亦有香港冬季購物節、香港家居潮流博覽以及數碼生活及車品博覽，簡直係滿足大家吃喝玩樂嘅心願👍🏻～仲有夢｢賞｣成真聖誕大抽獎，有機會贏取日本旅遊套票/ iPhone 16 Pro Max！

圖片來源：官方圖片 | 撰文：Hedy

第22屆香港冬日美食節將會喺今年12月25日至29日舉行，同場亦有第22屆香港冬季購物節、第24屆香港家居潮流博覽2024以及數碼生活及車品博覽2024，咁多展覽，即刻睇吓有咩焦點活動啦～

1. 精彩舞台節目

人氣歌手藝人林峯、吳卓羲、古淖文、譚輝智、顏米羔、尹光、DJ森美、劉穎鏇及新晉女子組合Beanies等將會現身大會舞台，同大家一齊歡度聖誕。今年更有香港足球先生陳肇鈞喺大家面前示範控球，亦有前香港劍擊代表張小倫示範劍擊，一齊互動玩遊戲～

2. 夢｢賞｣成真聖誕大抽獎

想玩聖誕大抽獎，就一定要登記成為Foodie Buddy Club會員，贏取豐富禮品！當中禮品包括：

3. 聖誕消費大抽獎

於場內即日消費滿港幣500元即可參加聖誕消費大抽獎！有機會贏取包括名廠家電、寢室用品及廚具等豐富獎品！憑抽獎券更可免費參加場內兩個精選免費工作坊。

4. 會場限定「震撼折扣優惠」

大家購票入場後，仲可以到場內內指定攤位領取聖誕福袋，內有精美禮品包括易極薄荷糖及薄荷珠/Snickers/麥提莎/柏橋生物科技消毒濕紙巾/曼秀雷敦潤唇膏等。會場內更有多款精選展品低至港幣$1、港幣$10、港幣$100，以一折或半價發售，優惠超抵～再加上大家只要喺場內指定攤位集齊蓋印，就可到場內禮品換領站換取禮品！

5. 聖誕「美食放送」

主辦單位將會喺12月25日至28日，每日指定時間將會喺三號館舉行聖誕「美食放送」攤位，免費派發美食予入場人士！

6. Sanrio打卡位

鍾意Sanrio嘅粉絲絕對唔好錯過啦～會場有優先限定嘅Sanrio characters 3D雪條及打卡位，絕對需要入場影相～

第22屆香港冬日美食節

除咗有以上5大焦點活動之外，相信大家都對第22屆香港冬日美食節相當期待！今年將會打造出6大專區美食，包括日、韓、台食品及本地零食區、東南亞特色食品區以及國際佳餚等。仲有賀年食品、糧油以及健康綠色食品等大家去掃貨～

• 日、韓、台食品及本地零食區

唔使去旅行都買到台灣特色食品，例如海邊走走蛋捲伴手禮、香腸及胡椒餅等。仲有日韓急凍食品及海產，例如長腳蟹、帆立貝、醬油海鮮、泡菜等，帶畀你滿足嘅享受～就連香港地道美食碗仔翅、燒賣、糖蔥餅、臘味自熟煲仔飯、滷水食品、手撕鷄等都可以一次過體驗埋～當然唔少得香口嘅零食如涼果、杏仁餅、花生糖、蝴蝶酥、龍鬚糖及雪花酥等都有～另亦有冷藏肉類，如日本和牛及豚肉，進口水果、伴手等各式豐富食品！

• 東南亞特色食品區

東南亞特色食品例如係泰國咖哩炒蟹、烤豬肉脆片、芒果糯米飯、新加坡鹹蛋黃魚皮等都食到，仲有埋印尼斑蘭蛋糕以及千層蛋糕甜品！

• 國際佳餚、美酒咖啡及甜點區

香港冬日美食節匯聚世界各地美食佳餚，仲有頂級威士忌、貴州茅台、法國香檳、各國紅白酒、佐酒食品、咖啡、茶葉及甜點，一應俱全！

• 至尊品牌區

港人熟悉嘅品牌，由日常食品至保健品，大家都可以喺度搵到！品牌及產品包括馬百良、鴻福堂、榮華、大埔振興、森下仁丹、PROVEN、少爺滴雞精、梅林牌罐頭產品、CP急凍食品等，應有盡有。

• 賀年食品、糧油及參茸海味區

一過完聖誕節，相信大家已經準備好要買唔少嘅賀年食品。當中有參茸海味、花膠、鮑魚、金蠔、海參、響螺頭、姬松茸、韓國高麗參、燕窩、賀年糕點禮券、盆菜、湯包、餸包、臘腸等超多選擇！

• 健康綠色食品及素食區

一出社會工作，大家都會更注重健康飲食，呢度更有中藥材、健康食品、新鮮蔬果汁、生酮食物、有機食品、果昔產品、各款素食，包括植物肉素食及豆類製品，唔同嘅素食同健康綠色食品都買到！

第22屆香港冬季購物節

香港冬季購物節涵蓋多種類產品及服務，當中包括美容化妝及產品、潮流服裝及時尚飾物、運動鞋、健康生活及個人護理產品、精品文儀用品、本地設計產品、親子玩樂、旅行社及消閒用品等，切合唔同需要嘅大家～無論係親子玩樂、美容保健定係潮流精品都一應俱全！另有精選產品包括名牌護膚品、美妝產品、香水、銀器首飾、手作市集、旅遊服務、人氣玩具文具等。

第24屆香港家居潮流博覽

最近準備新居入伙嘅大家，仲可以一次過行埋家居潮流博覽，雲集一眾唔同風格嘅室內設計公司、傢俬訂造、裝修建材品牌、電子門鎖等，為大家提供家居設計方案。著名品牌包括德國寶、Giomani、Osim、OGAWA、Maxcare、OTO、ITSU、Emmas 床褥、靚靚屋、梳化倉、Sealy、蓆夢思、Dunlopillo、Simplylife等家品都應有盡有～

數碼生活及車品博覽2024

男士如果平時有玩開車都絕對唔可以錯過數碼生活及車品博覽，入面雲集各類最潮電子產品及車品，包括數碼電子產品、影音器材、汽車產品及配件、家居寬頻服務，手機月費計劃、理財手機應用程式等。

香港冬日美食節2024 | 購票詳情

一個價錢就行晒4個展覽，簡直就係超抵，仲有機會贏取日本旅遊禮券以及iPhone 16 Pro Max，超豐富嘅獎品等緊你，仲唔快啲去買門票入場？

【INFO】
《第22屆香港冬季購物節、第22屆香港冬日美食節、第24屆香港家居潮流博覽2024、數碼生活及車品博覽2024》
日期：2024年12月25日至28日 (*香港冬日美食節至12月29日)
開放時間：
12月25日至27日 10:00至20:00
12月28日 10:00至19:00(香港冬日美食節至20:00)
12月29日 10:00至19:00
地點：香港會議展覽中心一號館及三號館

入場費用：每位港幣$30（早鳥優惠$15；只限12月25至28日10:00至11:30）
售票地點：
大會售票處發售(每天展會結束前45分鐘停止售票)
7-Eleven便利店全線分店
Alipay、KKday及Klook網上購票平台

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk