今個新年，一眾迪士尼朋友們同大家一齊拜年！由即日起至2月16日，香港迪士尼舉行「奇妙年年」蛇年新春慶祝活動，迪士尼朋友們仲會穿上賀年服飾大家表演，齊齊賀新年！當然唔得少一眾美食同季節限定毛公仔，各位迪士尼粉絲記得唔好錯過啦！
圖片來源：官方圖片｜撰文：Sharon
香港迪士尼由即日起至2月16日，舉行「奇妙年年」蛇年新春慶祝活動，當中米奇老鼠、鋼牙奇奇與大鼻帝帝、布魯托 以及花木蘭將換上賀年服飾，於於美國小鎮大街為賓客送上全新「米奇與 好友蛇年行大運」！而財神高飛更會與一眾迪士尼朋友同大家拜個好年～另外，由大年初一起，入園嘅朋友可獲贈米奇米妮蛇年主題利是一封，內含朱古力金幣及餐飲與購物優惠券，祝願大家好運年年！
至於Duffy與好友將於2月21日至5月7日展開「Duffy與好友同萌遊」旅程，Duffy與好友嘅粉絲們可以登上迪士尼樂園鐵路Duffy與好友嘅春日限定列車，喺佈滿春日裝飾嘅火車站同車廂盡情打卡！
今年迪士尼新春美食非常豐富，大街餐廳有Coca-Cola®呈獻嘅賀歲中式套餐，重點推介「黃金煲」，寓意財富與好運，黃金滿屋！另外，香港迪士尼樂園酒店翠樂庭餐廳自助餐有「新春有米豬」及「欖角豉汁蒸盤龍鱔」；仲有晶荷軒推出應節菜餚，包括22厘米特大煎堆！
記得仲要入手迪士尼賀年禮品，當中有、Duffy與好友季節限定毛公仔、「蛇頭蛇尾」鋼牙奇奇與大鼻帝帝毛公仔、Duffy與好友新年掛件扭蛋、利是封、揮春、糖果禮盒、迪士尼奇妙彩蛋樂以及迪士尼珍藏幣等。
依家仲有門票優惠益大家！由即日起至1月28日，每購買3張正價1日門票即可享票價低至8折優惠，而購買4張正價1日門票更可享低至76折優惠，大家千祈唔好錯過！
【INFO】 《「快樂組團」門票優惠（香港居民專享）》 預訂日期：即日起至1月28日 入園日期：即日起至1月28日 銷售點：香港迪士尼樂園度假區官方網站 / 香港迪士尼樂園正門售票處
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
