設計及時裝基地 | 煩惱緊放假去邊好？深水埗又有好去處啦！深水埗通州街嘅重建項目「設計及時裝基地」將會由香港設計中心營運，打造成集傳統與創新於一身嘅時尚及設計新據點。基地將會以首個大型活動「大灣區創意之夜」打響頭炮，迎接未來更多唔同規模及類型嘅活動。大灣區創意之夜將於11月28日正式開幕，11月29日至12月4日開放予公眾人士參觀，免費入場！由舊樓變設計集中地，相信會吸引唔少年輕人以及對時裝設計有興趣嘅人士前來參觀！一齊睇下內容有幾豐富啦～
圖片來源：官方圖片｜撰文：Sharon
首屆大灣區創意之夜由香港設計中心舉辦，於深水埗全新設計及時裝基地舉行，以展示香港設計力量。活動將設有商貿配對環節（只限11月28日），並匯聚香港各大設計行業協會及商會，包括香港設計師協會、香港時裝設計師協會、香港出口商會、香港傢俬裝飾廠商總會、香港工業設計師協會、Fashion Farm Foundation和香港動畫業及文化協會，以展示香港嘅設計實力！
活動目的
- 推廣香港設計予本地及內地商業合作夥伴
- 開啟多元機遇及促進商業合作，以更好發揮設計嘅力量
- 促進創意專才以及專業人士之間嘅交流合作及知識共享，同時推動商業機構同設計業界之間嘅合作，加強產業聯繫
- 讓社區人士了解香港設計嘅轉型潛力，啟廸佢哋將設計融入日常生活中，從而提升整體社會福祉及生活品質
活動一：香港設計中心 – 設計光譜《再度時尚》展覽
《再度時尚》有40個來自香港、大灣區其他城市嘅優秀設計作品，展覽展現大灣區跨界別設計領域之間嘅創造成果與機遇，以及設計師們喺跨界合作中嘅創意與智慧。透過展覽讓大家領略時裝設計整個過程中極為廣泛嘅跨界合作，由靈感、材料嘅選擇到技術嘅創新應用，為設計師以及參觀人士帶嚟嘅啟發！
「設計光譜」係香港設計中心推出嘅項目，透過舉辦全年展覽、交流、設計賞析及其他推廣項目，為社會培育創意資本，同時推廣創意及文化旅遊。
【INFO】 《香港設計中心 - 設計光譜《再度時尚》展覽》 地點：深水埗通州街270-286號香港設計中心設計及時裝基地2樓 時間：11:00 - 19:00
活動二：香港設計中心 – DFA設計獎展覽
香港設計中心於2003年起設立DFA設計獎，以支持設計師並表揚傑出設計領袖以及喺亞洲區內具影響力嘅優秀設計項目，同時嘉許香港嘅青年設計才俊。展覽展示DFA設計獎逾20年嘅精選得獎者及項目，讓大家近距離感受亞洲設計嘅獨特之處！得獎者以唔同形式嘅設計，集合科技、功能及美學，創作出具影響力嘅設計作品，為人類生活、環境、文化及可持續發展等方面提供解難方案，為亞洲及其他地區嘅社會發展作出貢獻！無論係設計師定藝術愛好者，相信呢場展覽會為大家帶來不一樣嘅啟發！
【INFO】 《香港設計中心 - DFA設計獎展覽》 地點：深水埗通州街270-286號香港設計中心設計及時裝基地2樓 時間：11:00 - 19:00
活動三：香港出口商會 – 「香港智營設計大賞」
展現一系列香港原創設計嘅得獎作品，呢啲獲獎作品融匯咗設計、行銷同科技嘅力量，展現出智慧商業嘅無限潛力！
【INFO】 《香港出口商會 - 「香港智營設計大賞」》 地點：深水埗通州街270-286號香港設計中心設計及時裝基地地下 日期：11月29日 – 12月4日 時間：11:00 - 19:00
活動四：香港時裝設計師協會 – InterVision 時尚交流2023
鍾意Fashion嘅朋友千祈唔可以錯過！活動集結咗來自香港同大灣區其他城市嘅30位時裝設計師嘅藝術作品。 精心製作咗180套時裝作品，並以時尚科技為媒介，喺深水埗設計及時裝基地上演一場華麗嘅Fashion Show！
【INFO】 《香港時裝設計師協會 - InterVision 時尚交流2023》 地點：深水埗通州街270-286號香港設計中心設計及時裝基地1樓 日期：11月29日 – 12月4日 時間：11:00 - 19:00 時裝表演：12月2日（星期六）13:00、15:00、19:00
活動五：香港傢俬裝飾廠商總會 – 生活方式研究所
透過光影展，以傢俱設計嘅形式，展示香港嘅文化吸引力同設計創造力，為觀眾提供同作品互動嘅機會！除咗可以加強香港在大灣區的國際形象，仲可以促進參觀者對香港設計同文化嘅了解。
【INFO】 《香港傢俬裝飾廠商總會 - 生活方式研究所》 地點：深水埗通州街270-286號香港設計中心設計及時裝基地地下 日期：11月29日 – 12月4日 時間：11:00 - 19:00
活動六：香港工業設計師協會 – ReMIX 融 . 創未來
「ReMIX 融 . 創未來」係一創意商業夥伴計劃，提供一個平台，讓本地專業設計師同優質品牌互相交流同合作，透過跨行業協同效應同品牌影響力策略，嚟提升本地創意服務同消費品牌嘅認可！無論係你專業設計師定品牌擁有者，相信都會為你帶來商機！
【INFO】 《香港工業設計師協會 - ReMIX 融 . 創未來》 地點：深水埗通州街270-286號香港設計中心設計及時裝基地地下 日期：11月29日 – 12月4日 時間：11:00 - 19:00
活動七：香港動畫業及文化協會 – 藝.玩深水埗
匯聚8至10位本地資深同新晉嘅藝術玩具設計師，展覽將會展出80至100件獨一無二嘅創意藝術玩具巨型展覽裝置！仲會舉辦各種分享會，邀請各個設計師出席分享經驗，大家仲有機會同設計師們面對面交流，了解當中創作理念同設計背後嘅故事。活動更安排「即畫有」，設計師會即席喺巨型直立畫紙上作，十分難得～
【INFO】 《香港動畫業及文化協會 - 藝.玩深水埗》 地點：深水埗通州街270-286號香港設計中心設計及時裝基地地下 日期：11月29日 – 12月4日 時間：11:00 - 19:00
咁多精彩又豐富嘅展覽，大家記得千祈唔好錯過啊！
【INFO】 《大灣區創意之夜》 地址：九龍深水埗通州街270號至286號香港設計中心設計及時裝基地 日期：11月29日至12月4日 時間：11:00 - 19:00 費用：全免 活動詳情：https://bit.ly/3GfQTpk
