蒙娜麗莎展覽｜鍾意睇展覽嘅朋友，放假又有多一個好去處喇～香港文化博物館與法國五月藝術節聯合籌劃免費展覽「香港賽馬會呈獻系列︰邂逅蒙娜麗莎．文藝復興的再現」，帶大家享受《邂逅蒙娜麗莎》沉浸式旅程！即刻入內文睇詳情！
圖片來源：官方圖片 | 撰文：Hedy
由香港文化博物館與法國五月藝術節聯合籌劃嘅《香港賽馬會呈獻系列︰邂逅蒙娜麗莎．文藝復興的再現》，，展覽分為「邂逅蒙娜麗莎」及「文藝復興的再現」兩大部份。展覽分別為由羅浮宮博物館與大皇宮沉浸式展覽館聯合製作嘅《邂逅蒙娜麗莎》沉浸式旅程，以及由法國國家文藝復興博物館、意大利昂布羅修藝術博物館及大皇宮國家博物館聯盟為香港精心策劃嘅《文藝復興的再現》展覽。
蒙娜麗莎展覽｜沉浸式參觀體驗
展覽以以李奧納多．達文西嘅名作《蒙娜麗莎》為主軸，透過為香港文化博物館全新製作嘅多媒體節目及互動裝置，為觀眾提供沉浸式參觀體驗，穿越時空探究《蒙娜麗莎》背後嘅非凡故事。「邂逅蒙娜麗莎」部份將「蒙娜麗莎」跨越五百多年嘅非凡經歷編寫成六個章節，並由「她」親自介紹達文西這幅受委託而繪畫，卻至臨終時仍未能完成交付嘅肖像畫。同時大家更可用全方位感官體驗，解構名畫及那抹微笑背後嘅神秘故事。展覽設有六個沉浸式體驗，包括全景式肖像及風景投映、介紹達文西繪畫技法嘅多媒體互動裝置、充滿趣味的遊戲以及沉浸式攝影場景，等大家行入《蒙娜麗莎》嘅世界。
蒙娜麗莎展覽｜達文西手稿
「文藝復興的再現」部份精選來自法國及意大利多間著名文博機構嘅藝術珍品，當中包括四張彌足珍貴嘅達文西手稿，通過繪畫、版畫、雕塑、工藝美術以至日常用器等藝術作品。除此之外，香港文化博物館三件精選館藏以及內地藝術家徐累嘅繪畫亦會一併同場展出，等大家可以欣賞呢啲文藝復興時期嘅藝術品！
【INFO】 《邂逅蒙娜麗莎．文藝復興的再現》 日期：2026年5月1日至7月27日（星期二休館） 時間：上午10:00至下午6:00 地點：新界沙田文林路1號香港文化博物館一樓專題展覽館三、四及五 票價：免費入場
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
