聖誕好去處2025 | 聖誕節絕對唔少得各款誘人嘅美食！Plastic Thing主角為食妹Fatty與同伴以獨家脹卜卜造型登陸多個置富Malls，展開聖誕為食之旅！仲有得換期間限定嘅為食Fatty「焗盤連隔熱墊套裝」及「抹抹嘴紙巾套」，即刻入內文睇詳情！
圖片來源：官方圖片 | 撰文：Hedy
置富Malls將聯同本地人氣品牌Plastic Thing呈獻「MERRY EAT~MAS為食聖誕」，迎接一年一度嘅聖誕節！召喚全城Fatty吃貨，於2025年11月1日至2026年1月4日期間嚟鞍山廣場、+WOO嘉湖、置富都會、置富第一城打卡！PlasticThing主角為食妹Fatty與麵團生物Puffy、光頭仔Bald Boy、女神 Luison一同以獨家脹卜卜嘅造型登場，場內以烘焙美食與應節甜品，組成唔同場景派對慶典！
MERRY EAT~MAS為食聖誕｜1. 馬鞍山廣場 – 為食Fatty聖誕甜蜜樂園
位於馬鞍山廣場嘅為食Fatty聖誕甜蜜樂園。頭戴聖誕帽嘅巨型為食妹，將喺高達6米嘅聖誕派對蛋糕上手拿刀叉，準備同大家一齊品嘗甜蜜滋味。以車厘子與士多啤梨作點綴嘅海綿忌廉蛋糕變身特別版旋轉木馬。另外仲可以同為食妹坐跳樓機及過山車美食之旅。
【INFO】
《馬鞍山廣場 – 為食Fatty聖誕甜蜜樂園》
日期：2025年11月1日至2026年1月4日
地點：馬鞍山廣場L2天幕廣場（港鐵馬鞍山站A出口）
MERRY EAT~MAS為食聖誕｜2. +WOO嘉湖 – 聖誕爆「脆」曲奇Party屋
+WOO嘉湖嘅聖誕爆「脆」曲奇Party屋布陣於充滿童趣嘅棋盤上，為食妹正置身於高達3米嘅巨型「曲奇夾夾機」中。為食妹同時展開曲奇威化餅層層堆疊遊戲。而屋頂上就有全新造型嘅光頭仔以聖誕薑餅人裝扮熱情迎接賓客。喺「曲奇扭蛋機」前，為食妹自豪地展示著佢親手製作嘅創意曲奇～
【INFO】
《+WOO嘉湖 – 聖誕爆「脆」曲奇Party屋》
日期：2025年11月1日至2026年1月4日
地點：+WOO嘉湖1期地下大堂（輕鐵銀座站，港鐵天水圍站轉車）
MERRY EAT~MAS為食聖誕｜3. 置富都會 – Fatty夢幻聖誕烘焙屋
為食妹喺置富都會Fatty夢幻聖誕烘焙屋為大家製作各式烘焙美食！高達4米嘅巨型焗爐中，正在烤焗為食妹及Puffy造型麵包。啱啱出爐嘅雪人造型Puffy麵包，係為食妹送予大家嘅聖誕禮物。焗爐旁更有兩條長法包外型嘅拍拍燈互動小遊戲，為食妹主廚嘅廚師帽被吹走，需要大家幫手攞返～
【INFO】
《置富都會 – Fatty夢幻聖誕烘焙屋》
日期：2025年11月1日至2026年1月4日
地點：紅磡置富都會L7大堂（港鐵紅磡站C2出口）
MERRY EAT~MAS為食聖誕｜4. 置富第一城 – Fatty暖心聖誕甜品屋
Plastic Thing一眾角色已經喺置富第一城Fatty暖心聖誕甜品屋，幫大家準備咗芭菲布甸杯、班㦸鬆餅、朱古力！誠邀你加入為食妹及Puffy嘅幸福甜品時光。除咗同為食妹一齊分享芭菲杯之外，記得坐喺布甸造型嘅可愛椅子上與女神浪漫合照 。
【INFO】
《置富第一城 - Fatty暖心聖誕甜品屋》
日期：2025年11月1日至2026年1月4日
地點：置富第一城地下A1及A3區 及 置富第一城 · 樂薈中庭（港鐵第一城站C 出口）
MERRY EAT~MAS為食聖誕｜為食Fatty「焗盤連隔熱墊套裝」以及「抹抹嘴紙巾套」
於2025年11月15日起，Fortune+會員於置富Malls以下指定單一商場#內任何兩間不同商戶累積消費滿HK$800，包括HK$700或以上嘅電子貨幣（信用卡、易辦事、八達通、銀聯卡及手機支付），或到Fortune Malls App使用Point+，即可換領期間限定Plastic Thing 為食Fatty「隔熱墊連焗盤套裝」一份。 想要Plastic Thing為食Fatty「抹抹嘴紙巾套」，就記得要喺置富Malls以下指定單一商場*內任何兩間不同商戶累積消費滿HK$600，包括HK$500或以上嘅電子貨幣（信用卡、易辦事、八達通、銀聯卡及手機支付）。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
