紅磡都市公園 | 嚟緊又有多一個好去處玩啦～紅磡都市公園（第二期）已經正式開放，除咗有得玩平衡車，仲有一系列康體設施！為慶祝紅磡都市公園全面開放，將會舉辦首個「紅磡都市公園 – 海濱動感樂」，有得免費玩平衡車、保齡球以及射箭等6大活動體驗，即刻入內文睇詳情啦！
圖片來源：官方圖片 | 撰文：Hedy
紅磡都市公園位於華信街，毗鄰紅磡渡輪碼頭，第一期設有退役消防車輛展示區、長者健身園地、涼亭及多用途草坪等多元化康體設施，滿足唔同年齡人士嘅需要。而近日新開放嘅第二期，就增設咗平衡車道、綠化區及洗手間等附屬設施，成個園區佔地約6,600平方米，等小朋友都可以盡情放電！
紅磡都市公園｜免費嘉年華+6大互動體驗
為慶祝紅磡都市公園全面開放，由7月26日至7月28日，一連3日將會舉行園區首個夏日玩樂活動「紅磡都市公園 – 海濱動感樂」，有多項項動靜皆宜嘅精彩活動，包括平衡車體驗、巨型充氣保齡球全壘打、充氣射箭、創意製作體驗、海濱探索展覽，以及夢想無界二份一遊樂場體驗區等。現場仲有多個以運動元素為主題嘅大型吹氣裝置，例如啞鈴、壺鈴與平衡車。喺三日活動期間，凡完成三項或以上不同體驗可獲得扭蛋機會一次。扭蛋內含一條有關海濱知識嘅問題，答中即可獲精美禮品一份。（禮品數量有限，先到先得，送完即止）
紅磡都市公園｜1. 多感官平衡車小賽道
公園中央特設小型繞圈賽道，是次活動更加入視覺障礙挑戰、聲效提示及觸感區域，增添刺激與挑戰性，為3至7歲小朋友帶嚟前所未有嘅平衡車體驗。活動由專業導師指導，並會提供頭盔及護膝等保護裝備。
預約：https://bit.ly/3TVzPvW
紅磡都市公園｜2. 巨型充氣保齡球全壘打
大家仲可以喺度運用「巨型保齡球」，擊倒約1.5米高嘅巨型充氣保齡球樽，挑戰「全壘打」。無論係大小朋友都可以參與㗎～
紅磡都市公園｜3. 充氣射箭挑戰場
現場更設有充氣射箭挑戰場，透過充氣弓箭挑戰自己嘅眼界同反應能力！活動安全又刺激～
紅磡都市公園｜4. 快速人像畫+環保香包工作坊
本地快速素描師為參加者現場繪製個人速畫，為你留下難忘嘅回憶！大家更可以參加環保香包工作坊，親手製作天然有機驅蚊香包，使用天然驅蚊粉末，並可於香包繪上夏日圖案，實用與創意兼備。
環保香包工作坊預約：https://bit.ly/4m30fHS
紅磡都市公園｜5. 與創意鏡面裝置打卡
海濱探索展覽介紹紅磡都市公園及七個分佈維港兩岸嘅「海濱共享空間」，並設有創意鏡面裝置，大家可以用維港景致作背景拍攝打卡。
紅磡都市公園｜6. 夢想無界二份一遊樂場體驗區
智樂兒童遊樂協會將提供獨特嘅遊戲體驗，「二份一遊樂場」由智樂先行創造一半，其餘一半就交由小朋友接手，以形形色色嘅物料及工具來拼、合、加、減、合體或分拆。
【INFO】
《「紅磡都市公園 - 海濱動感樂 」》
日期：2025年7月26日至28日
時間：14:30至18:30
地點：九龍城「紅磡都市公園」（紅磡灣華信街，毗鄰紅磡渡輪碼頭）
交通：港鐵黃埔站C1出口步行約7分鐘，亦可乘搭巴士（如：3B、15、296B、85X等）及小巴（如：13、13M等）前往
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
