百變小櫻展登陸旺角！3米高基路仔+1:1服裝實物登場

百變小櫻fans注意！為紀念《Cardcaptor Sakura》連載25週年舉辦「百變小櫻展：魔法美術館」亞洲巡迴展，壓軸一站登陸香港！今次展覽以魔法體驗為概念，重現多個經典畫面及登場服飾，場內更設有期間限定店及主題Cafe，fans必去！即睇內文了解啦～

圖片來源：SAUCE編輯部、CLAMP, ST/KODANSHA　©️CLAMP, ST/CCSE｜撰文：Sharon

由即日起至8月31日，旺角創興廣場地庫B2樓INCUBASE Arena舉行「百變小櫻展：魔法美術館」亞洲巡迴展，今次展覽會分為「前期展」（7月5日至7月31日）與「後期展」（8月1日至8月31日）兩個階段，8月後期展覽將呈獻全新內容，展出另一批約100幅《Cardcaptor Sakura》原畫，仲有另一款展覽限定禮物！

今次展覽以魔法體驗為概念，重現多個經典畫面及登場服飾共設8大主題展區，等大家猶如置身小櫻故事中跑魔法世界！走進故事嘅起點，有多本巨大漫畫書細述《Cardcaptor Sakura》故事點滴，有如小櫻打開封印書嘅瞬間！！

嚟到「花的房間（互動展區）」大家可以喺牆面自由貼上自選嘅花朵貼紙，共同打造漫畫中象徵希望與治癒嘅夢幻花園。「知世工作室」展出等身大比例、精心還原嘅服裝，fans可以近距離欣賞到知世為小櫻設計嘅多款服裝，細節度超高！

「記錄的房間」則回顧《Cardcaptor Sakura》嘅整體世界觀，展示25年來創作嘅漫畫及周邊作品，充滿回憶啊！喺「咭牌的房間／新咭牌的誕生」仲可以一次過睇到全套古羅咭、小櫻咭及透明咭，非常難得！

另外，約3米高超萌巨型基路仔現身展場，大家可以嚟同可愛嘅基路仔打卡留念！

場內亦設有《Cardcaptor Sakura》官方快閃店，售賣由日本直送及香港限定發售嘅周邊，fans必入手！當然唔少得《Cardcaptor Sakura》主題 café，推出一系列以百變小櫻為主題嘅特色餐點與飲品，有興趣嘅朋友千祈唔好錯過！

+1

【INFO】
《「百變小櫻展：魔法美術館」》
展覽地點：旺角創興廣場 B2/F INCUBASE Arena
開放時間：11:00 - 22:00 (最後入場時間為21:00)
日期：即日起至8月31日（前期展：即日起至7月31日；後期展：8月1日至8月31日）

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk