深圳最大海洋主題公園「小梅沙海洋世界」於10月1日正式試業！場館佔地6萬平方米，以鸚鵡螺為靈感，設有五大展區，包括極地館、熱帶館、鯨豚館、海獅館同青藍洞大廳，仲會展出逾200種珍稀動物！另外，館內更設有表演區域，非常精彩！試業期間推出85折優惠，即睇詳情啦！
圖片來源：官方圖片｜撰文：Sharon
「小梅沙海洋世界」設有5大展區及4大秀場，擁有200多種珍稀名貴嘅物種，5大展區包括極地館、熱帶館、鯨豚館、海獅館同青藍洞大廳。大家可以喺度睇到白鯨、北極熊、海獅、水母等海洋生物！館內分成熱帶館同極地館，熱帶館有鯊魚、鰩魚同水母；而極地館則有極地動物，如北極熊、海豹同企鵝等。
另外，場館仲應用高科技，將傳統生物展館與多媒體技術結合包括飛行影院、AR、3D等17項科技互動體驗，當中會展示一條仿真度極高嘅機甲鯨鯊！而青藍洞大廳擁有全球最大嘅圓柱形展缸，展示數萬條沙甸魚及深海魚類，為大家帶來沉浸式嘅海洋體驗。此外，指定時間更有表演演出，例如「美人魚表演」、「花車巡遊」、「鯨豚劇場」，觀眾可以觀賞海豚、鯨魚表演，係適合親子參與嘅活動！
試業期間，「小梅沙海洋世界」推出試業優惠！原價成人門票人民幣280元，試業優惠折後為人民幣240元；小童及長者門票為150元；身高1米或以下之未成年人士及70歲或以上長者，更可免費入場！有興趣嘅朋友快啲預訂門票啦～
【INFO】 《小梅沙新海洋世界》 地址：深圳市鹽田區鹽葵路小梅沙段39號 購買門票網址：https://bit.ly/4gRSYJt 交通：深圳地鐵2/8號線小梅沙站A出口
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
