機動戰士高達 | 相信機動戰士高達絕對係唔少人嘅童年回憶，今個聖誕大家都可以同3米高元祖高達打卡，超精緻咁還原每個細節，即刻睇吓地址！同場亦有6.3米高巨型哈囉主題聖誕樹 ，聖誕樹上面仲有45個高達掛飾，陪大家迎接聖誕佳節！
圖片來源：官方圖片 | 撰文：Hedy
適逢《機動戰士高達》面世45周年，信和集團旗下屯門市廣場特別聯乘Bandai Namco，將會舉辦「Mobile Suit Gundam 45th Anniversary @tmtplaza」，展出多款高達，等各位高達迷都可以一齊重溫童年回憶～
-
3米高元祖經典「RX-78-2高達」
3米高元祖經典高達立像將會手持經典鐳射步槍及專屬盾牌，喺屯門市廣場中央廣場登場！當中每個部件均以超高精密度打造，裝甲表面常見嘅線條、凹槽等細節外，就連大家平時睇唔到嘅地方都有精密嘅內構雕刻！仔細睇手腕、手指及腿部等關節，都做得超仔細，高達迷一定要嚟近距離欣賞機體模型細緻造工！
-
4米高充氣造型SD RX-78-2高達登場！
另一個必影嘅打卡位就一定係SDEX系列RX-78-2元祖高達，今次活動更首次將高達放大，化身成為4米高充氣造型登場，相信係唔少高達迷嘅童年回憶！
-
2部1.8米高機體立像
最近喺Netflix上映嘅影集《機動戰士高達：復仇的安魂曲》，以首部高達系列《機動戰士高達》作為故事舞台，聚焦於「一年戰爭」嘅歐洲戰線。於影集登場嘅1.8米高機體立像，包括包括高達EX及無識別型渣古II，將會率先喺活動中展出，近距離欣賞每個細節！
-
6.3米高聖誕樹
聖誕節又點少得聖誕樹呢～6.3米高巨型哈囉主題聖誕樹將會出現喺屯門市廣場中庭，45個經典高達模型化身聖誕掛飾，慶祝45周年。而每個掛飾更係以紅、藍、黃高達經典顏色為配搭，大家記得要去打卡啦！
-
高達主題巴士出巡
除咗有得打卡影相之餘，各位高達迷更可以捕捉高達主題巴士出巡！以元祖高達RX-78-2為主角嘅高達45周年主題巴士會遊走屯門至灣仔，大家記得要捕捉定路線960嘅巴士～車廂入面濃縮咗高達動畫45年嘅演變同經典角色，真係超值得睇～依家只要拍攝高達主題巴士，並將相片公開上載至個人Facebook及Instagram，完成指定步驟後，經挑選後獲最多「讚好 (LIKE)」之首3位參加者可獲得限量版高達主題巴士模型一架 ，價值更高達港幣$3,000，高達迷絕對要參加～
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
