唔夠一個月又到新年，將軍澳東港城由1月8日起打造「花語心願」新春琉璃彩花主題裝置！場內有五大夢幻打卡場景，分別以百朵琉璃彩花結合瑰麗璀璨燈飾設計出4米高幻彩流光許願池、如意花燈亭等，置身極浪漫嘅燈海中！同時祝願大家蛇年花開富貴，非常有寓意！即睇內文了解更多啦～
圖片來源：官方圖片｜撰文：Sharon
為迎接蛇年，由1月8日起至2月23日東港城以百朵琉璃彩花及璀璨花燈打造「花語心願」5大夢幻打卡場景！喺燈影下穿過「流光星海拱門」，彷彿踏入一個粉紅夢境，漫天花燈喺眼前，既浪漫又唯美！喺「五福迎花攢盒」可以欣賞到各式珍稀蘭花；至於4米高嘅「幻彩流光許願池」，瀑布燈光映照下，花澗如夢似幻，打卡一流！
庭園內設4米嘅高「金蝶幻彩花瓶」，當中盛載著琉璃彩花，璀璨金蝶喺琉璃彩花上飛舞，祝願花開富貴，好運繼續嚟！而「如意花燈亭」則以粉紅與金色為主調，亭頂以琉璃打造成花卉，高貴又華麗嘅感覺！另外，除咗五大夢幻打卡場景，仲會舉行「東港城新春花展會」，有多達19款矜貴本地培植香港及日本蘭花，有興趣嘅朋友千祈唔好錯過啦～
【INFO】 《東港城「花語燈願」主題裝置》 地點：將軍澳東港城一樓中庭 日期：2025年1月8日至2月23日 時間：10:00 - 22:00 《東港城「第十九屆新春花展會」》 地點：將軍澳東港城一樓中庭 日期：2025年1月８日至1月28日（十二月初九至年廿九） 時間：11:00 - 21:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
