恐龍展覽 | 大家又記唔記得喺10月份嘅時候，香港首次喺赤洲島發現距今6600萬年前嘅白堊紀恐龍化石，專家甚至認為島上面有其他恐龍化石！對恐龍有興趣嘅朋友，就絕對唔好錯過喺香港舉辦嘅沉浸式恐龍展覽，當中有6大恐龍生境主題，即入內文睇詳情啦！
圖片來源：官方圖片 | 撰文：Hedy
最新大型恐龍展覽「恐龍時代 – 恐龍古生物化石科普展」即將登陸香港，呈現香港歷史上最有深度嘅沉浸式恐龍展覽，等大家可以近距離見證歷史～行入25,000多呎沉浸式體驗巨型恐龍展覽廳，就可以觀察到85組恐龍化石，當中包括龐大嘅草食性恐龍同兇猛嘅肉食性霸主，從翱翔天際嘅優雅翼龍到深海潛行嘅神秘魚龍等等，跨越1億6000萬年前！
恐龍展覽 | 6大恐龍生境主題
展覽內容以「密林龍部落」、「沼澤馬戲團」、「翼裝俱樂部」、「有氧深潛者」、「獵食競技場」、「巨龍陰影下」六大恐龍生境進行呈現，由罕見嘅「最 X 龍族」集結亮相，形式繽紛多樣，打造出聖誕最強嘅打卡位，超適合親子遊！
恐龍展覽 | 多個互動體驗區
本次展覽將會喺今年 12 月於大嶼山某商場內舉行。場內設立多達85組代表性恐龍和其他生物化石。仲會有生動嘅展示區、互動體驗區、科普體驗區，漫步式 VR 互動區等等，等大家都可以體驗沉浸式恐龍展覽～
【INFO】 《恐龍時代 - 恐龍古生物化石科普展》 時間：待公布 日期：待公布 地點：待公布
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
