復活節好去處2025 | 終於到小朋友最期待嘅復活節假期啦，放咁多日假都一定要幫小朋友準備吓唔同嘅活動，咁就唔怕留喺屋企咁悶啦！小編已經幫大家整合咗復活節20大活動，復活節留喺香港都有好多地方玩㗎！
圖片來源：官方圖片 | 撰文：Hedy
復活節好去處 | 1. Citywalk X GUDETAMA Egg-citing梳乎充氣派對
GUDETAMA蛋黃哥跳入Citywalk荃新天地，由即日起至4月27日，同各位舉辦一場甜蜜又「Egg-citing」的復活節派對！蛋黃哥融入甜品主題，化身甜品大師，而蛋黃哥萌趣造型可愛指數爆燈！6大打卡位包括「梳乎草莓忌廉蛋糕」、「Chill鬆軟Pancake 彈床」、「甜蜜馬卡龍甜甜圈隧道」、「蛋滋味三文治迷宮」、「CHILL古力蛋卷山障礙滑梯」以及7米高「彈滑梳乎布丁城堡」。場內更有投蛋遊戲，復活蛋投中籃子更可贏取薯片零食同GUDETAMA梳乎毛巾斗篷！場內亦有多款獨家GUDETAMA精品，包括首次亮相嘅GUDETAMA梳乎甜點主題購物袋，實用又精美！仲有「GUDETAMA梳乎毛巾斗篷」以及「GUDETAMA復活節派對造型爆谷桶」，購買爆谷桶更可即場換領焦糖爆谷！至於荃新天地2期仲設置逾7米高嘅巨型GUDETAMA復活蛋裝置，小朋友可以化身小跳蛋喺巨型GUDETAMA跳彈！今個復活節快啲帶埋小朋友嚟玩啦～
【INFO】
《Citywalk X GUDETAMA Egg-citing梳乎充氣派對》
日期：即日起至2025年4月27日
地點：Citywalk荃新天地1期
復活節好去處 | 2. 黃金海岸「智趣樂玩復活節」
黃金海岸今年首度聯乘智樂兒童遊樂協會打造出「智趣樂玩復活節」，將戶外超過5萬平方呎大草坪，變成10個好玩有趣嘅遊戲體驗區，所有嘅遊戲都鼓勵小朋友喺不受任何限制嘅環境下全憑直覺及想像體驗遊戲！當中包括智樂遊樂車、兔子蹦蹦樂、冒險挑戰區、充氣彈跳區、創意彩蛋區、雞蛋投擲區、水管滾滾樂、禾稈草農場、想像搭建區以及塗鴉世界。想帶小朋友玩嘅就可以由即日起去Klook網上平台購買門票，依家仲有早鳥優惠$188（1名小童及1名成人）購買，每節活動為1小時45分鐘，門票數量有限，商場同期亦舉辦復活節市集，超過40間本地手作品牌及工作坊攤位匯聚於商場中庭，更會延伸至海濱長廊，讓大家玩樂同時，盡情享受美食購物，共同歡度長假期！
【INFO】 《黃金海岸「智趣樂玩復活節」》 日期：2025年4月18日至4月21日 時間：中午12時至下午1時45分 ；下午2時至3時45分 ；下午4時至5時45分 地點：黃金海岸大草地（近黃金海岸鄉村俱樂部．遊艇會） 早鳥優惠：港幣$188/每節 購票連結：https://bit.ly/3FSI33W
復活節好去處 | 3. MCP 新都城中心 x Jumptopia復活節呈獻「Jungle Adventure漂流尋寶樂園」
MCP新都城中心聯同新加坡首屈一指嘅大型親子教育遊樂中心品牌Kiztopia攜手打造逾3,000 呎嘅「MCP x Jumptopia 漂流尋寶樂園」，Jumptopia登陸MCP CENTRAL 中庭（新都城中心2期），一眾Kiztopia Friends Tiger、Bell、Drago、Raby搖身一變巨大化充氣公仔遍佈「MCP x Jumptopia 漂流尋寶樂園」，特設全港首個室內水陸兩雙重遊玩體驗及5大遊玩關卡，勢必讓大人小朋友在這個水陸樂園盡情釋放彈跳細胞！當中包括全港首個結合充氣彈床嘅水上漂流船，乘坐可愛小鴨、海豚、柴犬造型小船漂流在亞馬遜河，穿越炫目LED隧道！同場亦有「 Tiger 叢林極限挑戰」以敏捷靈活嘅身手避開滾動大球、「Bell 叢林訓練站」、6米高雙滑道滑梯「Drago雷霆滑梯」以及600平方呎波波池「Raby叢林波波樂園」。
為迎接復活節，由3月28日至5月11日期間每逢周末及公眾假期特別舉辦經典「尋蛋獵寶樂」有獎遊戲，每天定時展開 3場尋蛋有獎遊戲，萌兔Raby安排於每節尋蛋遊戲開始前將3隻指定復活彩蛋藏於遊樂區內，成功尋寶的高手們只要將復活蛋交給工作人員，即可換領精美禮品一份。
【INFO】
《MCP 新都城中心 x Jumptopia復活節呈獻「Jungle Adventure漂流尋寶樂園」活動詳情》
日期：即日起至2025年5月11日
時間：星期一至五 12:00至20:00、星期六、日及公眾假期：10:00至20:00
地點：MCP CENTRAL（新都城中心 2 期）L1 天幕廣場
價錢：平日門票(星期一至五）HK$58/每位每節25分鐘；HK$88/每位每節50分鐘；假日門票（星期六、日及公眾假期）HK$68/每位每節25分鐘；HK$118/每位每節50分鐘
立即購票：https://bit.ly/42dXpYC
復活節好去處 | 4. 荷里活廣場 x Kiztopia「Fantasy Castle Journey童趣城堡大冒險」
荷里活廣場與新加坡屢獲殊榮嘅著名親子遊樂品牌Kiztopia再度攜手合作，打造佔地超過5,000呎嘅「Fantasy Castle Journey童趣城堡大冒險」主題活動！Kiztopia全港首個以積木建造嘅巨型夢幻城堡首度空降商場，精心設計7大互動學習遊玩區，城堡內外都充滿著各樣障礙和難關，考驗各位小朋友嘅體力同毅力。當中包括7大互動學習遊玩區：童趣積木城堡、波波海洋大冒險、巨型建構王國、積木夢工廠、平衡闖關大挑戰、遊戲競技場以及復活節創意工作坊想帶小朋友體驗咁刺激嘅活動，由即日起Klook亦推出9折早鳥購票優惠，及後活動於4月4日起開始正式發售。大家更可憑即場消費換領入場門票，由4月4日至5月5日，於商場以即日電子消費滿$800/$1200，可免費換領HK$88 (50分鐘時段，星期一至五適用) 入場門票一張，數量有限，換完即止。
【INFO】 《荷里活廣場 x Kiztopia「Fantasy Castle Journey童趣城堡大冒險」》 日期：2025年4月4日至5月5日 地點：鑽石山荷里活廣場1樓明星廣場 klook售票網： 早鳥優惠日期：2025年3月28日至2025年4月3日 優惠詳情：9折早鳥優惠 售價：星期一至五：HK$58/25分鐘、HK$88/50分鐘；星期六、日及公眾假期：HK$78/25分鐘、HK$118/50分鐘 立即購買：請按此
復活節好去處 | 5. 挪亞方舟 「玩轉馬灣巴年華」
各位巴士迷復活節一定要嚟！香港挪亞方舟主辦並由九巴全力支持嘅「玩轉馬灣巴年華」將於2025年4月18日至5月5日期間 (逢星期六、日及公眾假期) 舉行，等大家喺園入面體驗以巴士為主題嘅派對！大家除咗可以同已退役嘅古董巴士「丹拿A型」同「丹尼士巨龍」盡情打卡之外，小朋友仲可以換上主題服飾，變身小小巴士車長～仲可以玩唔同有關巴士嘅互動遊戲，考驗眼明手快～
【INFO】 《挪亞方舟 「玩轉馬灣巴年華」 》 日期：2025年4月18日至2025年5月5日（逢星期六、日及公眾假期） 時間：10:00至18:00 地點：香港新界馬灣珀欣路33號 費用：成人港幣198元，小童及長者(特惠門票)港幣158元；另設寵物門票 (港幣50元)
復活節好去處 | 6. Keung To The Sweet Diary
4月絕對係姜糖們期待已久嘅「姜濤誕」，今年姜濤香港後援會打造出【Keung To The Sweet Diary】及【Keung To 430 Blossom Love】主題打卡場景及一系列慶祝活動，於The ONE及皇室堡共有13個打卡位！而喺The ONE更設有3大互動專區，包括「大型夾公仔機」打卡位、夾公仔機及抽卡機，仲有得影即影即有相，姜糖們不妨趁假期去打卡啦～
【INFO】 The ONE【Keung To The Sweet Diary】 日期：即日起至2025年5月1日 時間：10:00至22:00 地點：尖沙咀The ONE UG2中庭 皇室堡【Keung To 430 Blossom Love】 日期：即日起至2025年5月1日 時間：10:00至22:00 地點：銅鑼灣皇室堡地下中庭
復活節好去處 | 7. 愉景灣沙灘獵蛋奇兵暨嘉年華
愉景灣沙灘獵蛋奇兵暨嘉年華除咗有小朋友最愛嘅獵蛋遊戲之外，仲有巨型充氣裝置、遊戲攤位、網上大冒險遊戲同大型復活蛋打卡位！各位3至10歲嘅小朋友可以喺4月18日及19日期間，成為獵蛋奇兵，挖出埋喺沙灘入面嘅彩色復活蛋，贏取逾數萬份精美獎品同特別大獎！持有獵蛋通行證嘅小朋友可以享有獵蛋奇兵歡迎禮品包乙份，仲可以免費參加獵蛋遊戲！而愉景北商場更設多組巨型充氣復活蛋裝置，啱晒大家打卡留念～
【INFO】
《愉景灣沙灘獵蛋奇兵暨嘉年華》
日期：2025年4月18日至19日 (星期五至六)
時間：10:30至18:30
地點：大白灣沙灘、愉景廣場及愉景北商場
價錢：「獵蛋通行證」行政費： HK$298/小童；「獵蛋通行證套票」行政費：HK$398 / 小童
立即報名：https://bit.ly/42e0yaS
復活節好去處 | 8. 南豐紗廠 – 「紗廠尋蛋大冒險」
南豐紗廠將於今年4月11日至27日誠意呈獻《紗廠尋蛋大冒險》，小朋友可以喺紗廠入面免費領取活動禮品包，展開刺激尋蛋探險之旅。當中有六大探險任務，等小朋友可以挑戰自我之餘同時學習正念思維！成功挑戰所有任務並儲齊印仔嘅小探險家，可以獲得豐富復活節禮物，包括南豐紗廠徽章一個和「復修快樂撲克牌」一張 （款式隨機）。而首批完成任務嘅小朋友，更可以額外獲得Crayola繪兒樂多用途塑膠彩一份（6種顏色），激發小朋友嘅藝術天份！除此之外，南豐紗廠亦喺1樓設置咗20部扭蛋機，無論係大人定小朋友都可以扭出無限驚喜！
【INFO】 《紗廠尋蛋大冒險》 日期：2025年4月11至13日、18至21日、26至27日 時間：上午11時至下午6時 遊戲套裝換領地點：南豐紗廠地下禮賓部 遊戲套裝換領方法： 完成以下其中一項條件，即可免費換領遊戲套裝一套，並參與活動（數量有限，送完即止） 1. NF Touch現有會員於南豐紗廠消費滿港幣100元，或； 2. 即場憑指定邀請碼「2025MLSEGG」登記成為NF Touch新會員
復活節好去處 | 9. 西沙GO PARK 【異寵GO遊學園】
西沙GO PARK將於4月17日至5月11日，呈獻【異寵GO遊學園】，當中將會展示多款超罕見兩棲及爬蟲動物嘅「異寵GO生態館」、深入了解異寵世界嘅「異寵周末導賞團」、與異寵近距離Meet & Greet嘅「星級異寵全接觸」及匯聚6間本地特色品牌嘅「異寵主題市集」！活動同時亦邀請香港兩棲及爬蟲協會合辦「兩棲及爬行類動物保育分享會」及「愛惜異寵領養日」等，合共6大異寵體驗，等小朋友都可以近距離探索奇特異寵！而喺復活節期間，西沙GOPARK，即將帶來假日狂歡4重奏，包括經典「GO EGGHUNTING! 復活節尋蛋奇遇」，鼓勵小朋友尋找彩蛋；「親子小小市集」近18間本地特色品牌及兒童飾物；「創意滿瀉工作坊」結合異寵主題及創意。最後仲有「GO BUSK!周末音樂起動」邀請本地表演者帶來清新live music。
【INFO】 「異寵GO生態館」 日期：4月17日至5月11日 時間：上午11時至晚上7時 地點：西沙GO PARK中央廣場 參加方法：免費開放 「異寵周末導賞團」 日期： 4月19日至20日、4 月26日至27日及5月3日至4日 (首3個) 時間： 下午5時至晚上6時 地點：西沙GO PARK中央廣場 參加方法： 消費滿指定金額，即可獲導賞團名額兩位(包括一大一小)。 「星級異寵全接觸」 日期：4月18、21、26日；5月1、4、10日(指定周末及公眾假期) 時間：下午12時30分至下午1時30分 地點：西沙GO PARK中央廣場 參加方法： 免費入場 「異寵主題市集」 日期：4月18日至21日 (復活節假期) 時間：上午11時至晚上7時 地點：西沙GO PARK中央廣場 「兩棲及爬行類動物保育分享會」及 「愛惜異寵領養日」 日期：4月19日至20日 時間：中午12時至晚上7時(領養日) ; 下午4時至下午5時 (分享會) 地點：The Spark @ 西沙GO PARK (118A號舖) 參加方法：免費入場 「GO EGGHUNTING! 復活節尋蛋奇遇」 日期：4月19日至22日 (復活節公眾假期) 時間： 上午11時至晚上7時 地點：西沙GO PARK顧客服務中心 參加方法：於場内消費滿HK$100即可參加
復活節好去處 | 10. 馬灣復活節採蛋節 2025
馬灣復活節採蛋節2025將於2025年4月19日（星期六）回歸馬灣東灣泳灘！每個採蛋時段都有超過4,000隻復活節彩蛋及合共多過50,000份獎品，包括挪亞方舟主題公園門票、調味料福袋、現金券、朱古力、糖果以及精彩豐富大獎等！除咗刺激嘅沙灘採蛋環節之外，當日仲會有連串精彩表演同埋唔同嘅攤位遊戲，俾大家盡情享受節日氣氛。活動歡迎大家帶埋寵物一齊參與！
【INFO】 《馬灣復活節採蛋節》 日期：2025年4月19日 時間：13:00至17:00 收費：單人門票$200 / 3人家庭套票$550/ 4人家庭套票$650 地點：馬灣東灣泳灘 立即購買：https://bit.ly/3E7xSrV
復活節好去處 | 11. 我的牛仔時代@昂坪360
昂坪360一直都係唔少遊客熱門嘅旅遊地方！而今個復活節昂坪360為大家帶嚟經典本地漫畫《牛仔》主題活動「我的牛仔時代@昂坪360」 ，與9位本地藝術家攜手復刻一代香港人心中經典！昂坪市集圓形廣場將設置「牛仔」復活節主題大型裝置，同時昂坪市集唔同嘅角落，將展示由9位本地藝術家重新演繹的「牛仔」立體雕塑和平面藝術品。喺復活節期間，又將推出節日限定「我的牛仔」尋蛋遊戲，賓客在指定地點「打卡」後，可獲得昂坪360聯乘「牛仔」復活節主題禮品！
【INFO】 《我的牛仔時代@昂坪360「我的牛仔」尋蛋之旅》 日期：2025年4月18日至21日、5月1日至5月5日 時間：11:00至17:00 地點：昂坪市集360旅遊資訊中心 《我的牛仔時代@昂坪360「牛仔」快閃店》 日期：即日起至2025年5月25日 時間：10:00至18:00 地點：昂坪纜車站
復活節好去處 | 12. 置富Malls x Esther Bunny 春日BUN紛郊遊樂
置富Malls由即日起至6月15日，聯乘由美籍韓裔知名插畫家 Esther Kim 所創立嘅Esther Bunny，呈獻「置富Malls x Esther Bunny 春日BUN紛郊遊樂」。Esther Bunny 角色包括粉紅色兔毛嘅Ribbon Bunny；綁上紫色蝴蝶結，一身粉紫色嘅Lavender Bunny 及毛色雪白、粉藍色眼睛嘅Cream Bunny。置富Malls旗下2大商場特設春日郊遊場景，包括：馬鞍山廣場嘅粉紅繁花夢幻花園，粉紅露營車被櫻花林和紫色薰衣草環繞，打造時尚迷人嘅花園場景，同紅磡置富都會嘅甜美草莓園。
【INFO】
《「置富Malls x Esther Bunny 春日BUN紛郊遊樂」》
地址：馬鞍山廣場L2天幕廣場（港鐵馬鞍山站A出口）/ 置富都會L7大堂（港鐵紅磡站C2出口）
復活節好去處 | 13. iSQUARE國際廣場 x Striking 「爆」趣童玩之旅
iSQUARE國際廣場聯乘以爆炸糖風靡全球嘅零食品牌Striking，呈獻「爆」趣童玩之旅。除咗以爆炸糖嘅繽紛色彩為主調之外，又加上跳飛機、天下太平、波子棋等本地懷舊玩意元素作設計，建造出3大打卡玩樂設施！當中包括首個10米闊嘅Strikids（爆炸仔）「懷」童遊樂園，帶你爆玩彈床、波波池及滑梯等歡樂天地，亦有畀小朋友一員機司夢嘅「飛」一般飛行棋，仲有爆趣氣球樂園、爆趣夾夾賞以及人見人愛夾公仔機！憑即日電子消費滿$50或以上（單一發票）可獲3樓A 區「懷」童遊樂園 或B 區「飛」一般飛行棋遊戲券乙張，每張遊戲券可供一位大人及一位小童於上述遊戲時段，進場遊玩10分鐘。完成遊戲後，更可獲得3個夾夾賞代幣。
【INFO】 《「爆」趣童玩之旅》 日期：2025年4月4日至6日、4月12日至13日、4月17日至27日及5月1日至5日 時間：遊戲時段13:00至19:00 換領時間 13:00至18:30 換領地點：大堂樓層禮賓部
復活節好去處 | 14. 新都會廣場 × 日本知名模型品牌MegaHouse「Mega Kawaii Figure Festival」
由4月3日至5月5日新都會廣場x MegaHouse舉行「Mega Kawaii Figure Festival」，並於L4露天廣場打造打造四大「熱血名場景」，包括重現《排球少年!!》賽前緊張對峙、2.5米高《ONE PIECE》限定紀念盒、「喬巴」萌爆身影現身「海賊船」，以及《火影忍者》經典一樂拉麵！全場角色更以MegaHouse爆紅「Lookup」系列Q版造型登場，動漫迷一定要嚟打卡！另外，場內更設「MegaHouse期間限定商店」，有多款限定「Lookup」系列產品，各位動漫迷千祈唔好錯過！
【INFO】
《新都會廣場 × 日本知名模型品牌MegaHouse 「Mega Kawaii Figure Festival」》
日期：2025年4月3日至5月5日
時間：10:00 - 22:00
地點：新都會廣場 L4露天廣場
《MegaHouse期間限定商店》
日期：2025年4月3日至5月5日
時間：11:00 - 21:00
地點：新都會廣場L3中庭
復活節好去處 | 15. 將軍澳廣場「蘇門答臘教育館」
將軍澳廣場與本地藝術創作團隊ALAN（Artists Who Love Animals and Nature）合力將神秘壯觀嘅熱帶雨林帶嚟香港，由即日起到2025年5月1日，商場中庭化身展覽「蘇門答臘教育館（Spirit of SUMATRAEducation Hall）」！透過六大意念創新嘅藝術裝置，揉合多種藝術媒介，包括紙藝、插畫、視覺互動及AI人工智能生成技術，帶大家一齊探索呢片被聯合國教科文組織列為世界遺產嘅原始生境！
《INFO》 將軍澳廣場「蘇門答臘教育館」 日期：即日起至5月1日 時間：11:00至20:00 地點：將軍澳唐德街1號將軍澳廣場一樓中庭
復活節好去處 | 16. COFFEE HONG KONG X TOKYO COFFEE FESTIVAL
一連4日嘅復活節假期，有本年度最受矚目香港大型戶外咖啡節登陸西九文化區，匯聚超過100個國際知名及特色咖啡店、工作坊及市集攤檔，集咖啡、美食、美酒、音樂、健康、寵物、親子社交互動於一身！復活節一連4日都有唔同主題，包括香港唱作女歌手岑寧兒Yoyo表演、拉花及手沖咖啡挑戰賽以及毛孩玩樂派對等。會場更有限定咖啡特調 & Gin Cocktail，亦有獨家呈獻楊枝甘露咖啡、氮氣咖啡、黑糖燕麥薄荷Mocha！
【INFO】
《COFFEEHONGKONGXTOKYOCOFFEEFESTIVAL@WestK》
日期：2025年4月18日至21日
時間：11:00至20:00
地點：西九文化區藝術公園大草坪
購票詳情：請按此
復活節好去處 | 17. 朗壹廣場《春日花園》親子天地
位於元朗嘅朗壹廣場喺今個復活節化身成為《春日花園》親子天地，由室內逾4米高充氣復活蛋玩到室外2萬呎舒泰花園，小朋友一定相當開心！而喺4月18日至19日，朗壹廣場將會聯同親子王國舉辦首屆《彩蛋競技大賽及泡泡嘉年華》，將美國白宮一年一度嘅「滾彩蛋」大賽傳統帶到香港，分為「初級組」2至4歲小朋友以及「高級組」4至6歲小朋友嘅賽事，記得去報名玩啦！
【INFO】 《春日花園》親子天地 日期：即日起至2025年5月5日 時間及地點：地下中庭（10:00至22:00）及舒泰花園(08:00至18:00) 《「彩蛋競技大賽及泡泡嘉年華」》 日期：2025年4月18至4月19日 時間：11:00至18:00 地點：地下中庭及2樓舒泰花園
復活節好去處 | 18. HomeSquare「萌寵潑水節」
復活節除咗帶小朋友出去放電之外，仲可以帶埋毛孩一齊玩！每年4月係泰國嘅潑水節，而全港最大一站式家居主題商場HomeSquare推出首個「萌寵潑水節」，等毛孩抖可以喺15米充氣長廊上面玩！，The Point 會員只需憑300 分，即可與寵物盡情玩水！同時大家只要追蹤社交平台，就可以帶寵物去影相，制作專屬嘅萌寵身份證！同場亦有寵物市集以及犬隻訓練班等緊大家參加！
【INFO】 《HomeSquare「萌寵潑水節」》 「萌寵水花大作戰」 日期 ：2025年4月18至21日、26至27日、5月1及3至5日 時間 ： 13:00至17:00 地點 ： HomeSquare L5戶外優閒花園 詳情 ： The Point會員憑300分參與 「萌寵身份證DIY」攤位 日期 ： 2025年4月18至21日、26至27日、5月1及3至5日 時間 ： 13:00至17:00 地點 ： HomeSquare L1中庭 (francfranc對出) 詳情 ： 追蹤HomeSquare IG即可為愛寵制作身份證，憑證到指定商店享有多項萌寵優惠，包括低至45折入手寵物布料餐椅及換領免費寵物零食等
復活節好去處 | 19. 東港城x伊恩兔復活節尋蛋市集
東港城首度與本地人氣插畫角色伊恩兔聯乘，打造出「東港城 x 伊恩兔復活節尋蛋市集」，將於4月17日至5月6日期間為市民帶來一場集打卡、購物與玩樂於一身的萌兔慶典。當中有超過3米高巨型復活節造型裝置，仲有置伊恩兔期間限定店，推出超過20款主題精品，包括伊恩兔御守、襟章以及耳環等！同場亦有市集網羅咗超過40個人氣品牌，當中包括順香園餅家、Sugar Brothers以及Poppop Rangers等。
【INFO】 《東港城x伊恩兔復活節尋蛋市集》 日期：2025年4月17日至2025年5月6日 時間：12:00至21:00 地點：東港城1樓中庭
復活節好去處 | 20. life@KCC 及 joy@KCC 「搗蛋大冒險」
life@KCC 及 joy@KCC復活節呈獻「搗蛋大冒險」，打造7大搗蛋柴犬打卡趣拍區！同場亦有3大「星級毛孩工作坊」，包括：藝術氛圍滿滿的「毛孩art Jamming」及「萌寵速畫體驗」，放鬆毛小孩身心靈的「萌寵按摩Chill體驗」，歡迎帶同主子出行一站式打卡及Chill級體驗！
【INFO】 日期：即日起至2025年6月30日 時間：10:00至22:00 地點： life@KCC - 葵涌葵昌路72至76號 3樓及9樓空中花園Green@KCC joy@KCC - 葵涌葵昌路51號 2樓中庭
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
