大埔國慶 | 今個周未大家又諗定好去邊玩未呢？如果仲未有頭緒，小編就推薦大家星期六夜晚可以去睇以奶龍為主題嘅無人機表演，仲可以體驗埋坐綵艇夜遊，就連喺小艇入面都可以買特色漁農小食同飲品，絕對係一個難忘嘅體驗，仲有一連串海陸空嘅活動！即刻睇睇詳情！
圖片來源：Facebook@城巴 Citybus、民政事務總署、大埔藝術中心 Tai Po Arts Centre | 撰文：Hedy
為慶祝國慶75周年，大埔區將會喺今個星期六舉行林村河海陸空巡遊，就連奶龍都會出現同大家見面，即刻睇睇當日會有咩精彩節目！
大埔國慶 | 1. 期間限定奶龍巴士
為咗配合大埔民政處舉行嘅國慶75周年慶祝活動，由即日起大家都會見到由城巴贊助嘅奶龍79號巴士，穿梭大埔至沙田及北區！
【INFO】
路線：79來往粉嶺皇后山至大圍港鐵站
（經軍地、馬尾下、太和、大埔超級城、廣福、禾輋、瀝源、車公廟）
大埔國慶 | 2.「陸」 匯景巡遊
75隊巡遊隊伍由唔同學校、地區團體、青年組織、非政府機構等組成，一齊參與匯景巡遊，由天后宮風水廣場至寶湖道小型足球場，到時大家就可以睇到如舞龍、醒獅已經銀樂隊等表演。
【INFO】 《「陸」 匯景巡遊》 日期：2024年9月21日 時間：16:00至17:30 地點：天后宮風水廣場至寶湖道小型足球場
大埔國慶 | 3. 水上匯演x水上市場x河上表演
林村河面將會設置成為水上舞台，舉辦傳統舞龍醒獅等表演。同場亦有林村河水上市場以及河上表演，一路聽歌一路喺小艇入面買特色漁農小食同飲品，簡直係獨特嘅體驗！
【INFO】 《水上匯演x水上市場x河上表演》 日期：2024年9月21日 時間：17:45至21:00 地點：大埔林村河近廣福橋前水上舞台
大埔國慶 | 4. 奶龍無人機表演
食完飯之後都要落街散步吓～當晚8點將會上演奶龍無人機表演，近500架無人機將會喺大埔林村河上空拼出有大埔特色嘅3D圖案，超得意！而9月22日亦有奶龍主題表演，鍾意奶龍嘅朋友絕對唔好錯過！
【INFO】 《奶龍無人機表演》 日期：2024年9月21日 時間：20:00至20:15 地點：大埔林村河（大埔中心橋附近）
大埔國慶 | 5. 林村河綵艇夜遊
想坐綵艇體驗吓喺林村河上夜遊，一邊沿途欣賞河道兩旁嘅燈飾，同時享受埋水上表演，就一定要趁4個指定日子（9月22、28、29以及10月1日）去玩吓！
【INFO】 《林村河綵艇夜遊》 日期：2024年9月22日、9月28日、9月29日以及10月1日 時間：18:30至21:30 地點：大埔海濱公園碼頭至廣福橋
大埔國慶 | 6. 國慶市集
市集匯聚60個特色攤檔，帶嚟各式各樣嘅美食同自創產品，同場亦都會有傳統文化區以及許願區等。市集期間喺太和路入口仲會有Busking，無論喺想買嘢定聽歌都一定啱晒你！
【INFO】 日期：2024年9月21日及9月22日 時間：16:00至22:00 地點：大埔藝術中心
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
