「外表看似小孩，智慧卻過於常人的名偵探柯南！真相永遠只有一個！」呢經典台詞絕對係柯南迷嘅回憶啊！為慶祝《名偵探柯南》電視動畫開播邁入30週年，官方特別規劃「名偵探柯南 TV 動畫播放30週年紀念展」，終於都要嚟到香港喇！！
圖片來源：官方圖片｜撰文：Sharon
為慶祝《名偵探柯南》電視動畫開播邁入30週年，官方特別規劃「名偵探柯南 TV 動畫播放30週年紀念展」，喺歷經東京等日本國內多個城市巡迴，以及海外首站台北場後，預計將於7月25日登陸香港全新地標——啟德雙子滙（The Twins）！
展覽將特別繪製極具紀念價值嘅「30週年主視覺圖」，集結主角江戶川柯南與30位高人氣角色同框登場！展區內容以「動畫製作的幕後世界」為主軸，透過專屬嘅週年企劃，帶領香港觀眾深入了解《名偵探柯南》電視動畫，從企劃、分鏡、配音、主題曲到在大銀幕上動起嚟嘅完整誕生歷程。最後更特別規劃30年來嘅經典名場面，包括眾多精彩嘅推理瞬間、黑暗組織嘅步步逼近、新一同小蘭嘅戀愛互動，30年間嘅重點精華一次呈現！！想全方位解密《名偵探柯南》動畫製作嘅幕後世界，更多展覽資訊及售票詳情將稍後公佈，大家一定唔可以錯過！
【INFO】 《名偵探柯南TV動畫播放30週年紀念展 - 香港站》 地址：啟德雙子滙 日期：7月25日至9月13日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
