馬灣全新地標登場！唔少人放假都鍾意去馬灣，遠離煩囂感受大自然！馬灣公園第二期更正式命名為「馬灣1868」，打造集保育、文創、旅遊及藝術零售嘅度假勝地，當中由舊邨屋改造彩色小屋及藝術壁畫，猶如去咗意大利「五漁村」一樣！放假未諗到去邊玩好，不如約埋朋友嚟馬灣一日遊喇！
圖片來源：官方圖片｜撰文：Sharon
馬灣公園有多個著名景點，包括挪亞方舟主題公園、大自然公園等，每逢假日都吸引好多人嚟，而全新地標「馬灣1868」佔地近50萬方呎，沿海而建，遠眺汲水門和汲水門大橋，景色非常靚！「馬灣1868」更引入多個文創工作室及藝術商戶，提供多元化藝術體驗，設多個不同嘅藝術體驗，如自製陶器、布藝染料、金屬飾品等。
當中最吸睛一定係由舊村屋改造而成嘅「彩虹小屋」同大型藝術壁畫，由多位壁畫設計師改造而成，充滿藝術氣息，猶如置身意大利「五漁村」般！同時仲有海景餐廳，可以一邊享受美食、一邊欣賞馬灣美景！無論同朋友、另一半定一家大細嚟都非常適合，有興趣嘅朋友千祈唔好錯過！
【INFO】 《馬灣1868》 地址： 馬灣珀欣路33號
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
