香港迪士尼樂園「Duffy 與好友同萌遊」返嚟喇！今年盛會將於3月20日至6月7日舉行，七位Duffy與好友將換上全新春日服裝，仲會喺城堡舞台演出中一齊跳唱，打卡園區內有更多「可愛座」打卡位，即睇內文了解更多啦～
圖片來源：Disneyland｜撰文：Sharon
「Duffy 與好友同萌遊」將於3月20日至6月7日舉行，有一系列全新體驗與驚喜打動等緊大家！於Duffy與好友遊玩屋內，與換上全新水手裝嘅Duffy與好友近距離互動，而遊玩屋內亦添上春日主題裝飾！
園區內有唔同「可愛座」打卡春遊點，除咗奇妙夢想城堡、探險世界、灰熊山谷、迷離莊園外，今年更會新增三個全新「可愛座」！另外，Duffy與好友全員一同登上「迪士尼好友巡遊派對」花車，以音樂及舞蹈為整條大街注入滿滿春日氣息與活力。
至於七位萌友將首次限時同台亮相20周年城堡演出「迪士尼好友Live：城堡派對」，以全新造型於舞台上邀請大家參與充滿節奏感嘅音樂派對！而「StellaLou夢想起舞吧」亦於4月30日至5月31日期間重返迪士尼故事劇場，鍾意StellaLou嘅朋友千祈唔可以錯過～
一到夜晚，迪士尼樂園更有20周年限定「迪士尼星夢光影之旅：星空派對」，配合炫目投影效果、無人機演出及璀璨煙火，可以見到Duffy與好友綻放燦爛笑容嘅一幕！
美食同商品方面，有齊Duffy與好友為靈感打造嘅特色美食，由下午茶到Duffy與好友主題蛋撻等，仲有換上春日造型嘅毛公仔，絕對要入手啊！
依家仲有樂園限時優惠！即日起至5月3日期間選定日子入園，兩位或以上嘅萌粉同遊可以香港居民專享「快樂同遊」門票預訂優惠享正價1日門票75折，並獲額外餐飲及商品折扣優惠券；二人同遊可節省高達港幣$470！
「快樂同遊」門票預訂優惠詳情：
預訂日期：即日起至2026年4月30日（需提前3天預訂）
入園日期：即日起至2026年5月3日
優惠對象：
【INFO】 《Duffy與好友同萌遊2026》 地點：香港迪士尼樂園 日期：3月20日至6月7日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
