親子好去處2025 | 一到放假相信各位爸爸媽媽都會頭痕應該帶小朋友去邊度玩，小編已經為各位父母精選咗13大親子好去處，室內室外都有，咁就唔怕落雨冇地方去啦，盡情畀小朋友放電！
圖片來源：Facebook@Kiztopia Hong Kong、PeeKaBoo Playhouse躲貓貓樂園、Nobi nobi夢幻樂園、SPARKLES PLAYHOUSE、The Big Things、Instagram@peekaboo_cu、香港樂高®探索中心、Chill Kids Club、tsuenwanplazahk、CHILDLIKE童心樂園、MOKO新世紀廣場、官方圖片 | 撰文：Hedy
親子好去處| 1. Kiztopia —— 1萬3千呎室內遊樂場
新加坡最大型親子遊樂中心Kiztopia喺將軍澳中心開設全港第2間分店，佔地13,000呎為Kiztopia喺香港最大型嘅室內遊樂場，並以「太空」為主題打造出19大區域！當中最矚目嘅設施，絕對係小朋友需要乘坐橡皮艇坐墊自由滑落8.5米長嘅滑梯，考驗佢哋嘅膽量！同場更有5大多元科技領域，小朋友玩跳彈床嘅同時，可以體驗彈床帶來嘅瞬間無重力樂趣，更要理解四周投影所畀嘅星際任務指示！除咗玩樂之餘，小朋友更可以即場體驗唔同職業嘅工作，例如農場以及動物診所，希望達到寓教於樂！
價錢： 單次入場門票（12歲以下小童+1位成人） 星期一至星期五: $158（60分鐘）；$228（120分鐘） 星期六、日及公眾假期: $208(60分鐘）；$298（120分鐘）
【INFO】 《Kiztopia》 營業時間：星期一至日早上10:00至晚上20:00 地址：將軍澳唐德街9號將軍澳中心G35 購票連結：https://bit.ly/3UsGTjc
親子好去處| 2. 啟德AIRSIDE Bouncetopia by Kiztopia —— 8,000呎充氣彈床
充氣彈床親子遊樂中心Bouncetopia by Kiztopia佔地超過8,000呎，適合2歲至10歲嘅小朋友喺度盡情玩～裝潢以熱帶叢林為主題，以綠色同黃色為主調，主打跳彈床嘅瞬間無重力樂趣！全場共分為13個站點，當中包括8位人氣原創卡通角色分別主理嘅8站低衝擊障礙遊戲，相信小朋友見到唔同嘅動物出現，都一定玩得超開心！場內同時設有簡易版職業體驗區、發揮創造力嘅砂粒玩樂池等等，絕對適合唔同年齡嘅小朋友。
價錢： 單次入場門票（12歲以下小童+1位成人） 星期一至星期五: $128（60分鐘）；$168（120分鐘） 星期六、日及公眾假期: $178 (60分鐘）；$228（120分鐘）
【INFO】 《啟德AIRSIDE Bouncetopia by Kiztopia》 營業時間：星期一至星期五: 中午12:00至下午20:30 星期六、日及公眾假期：早上10:00至下午20:30 地址：九龍啟德 AIRSIDE4樓401&422店 購票連結：https://bit.ly/4b1MeVN
親子好去處| 3. 荃灣Childlike —— 鴨仔小船漂流體驗
CHILDLIKE童心樂園佔地8千呎，有齊小朋友最愛嘅波波池、滑梯、大型沙池、跳彈床以及旋轉木馬等，一個價錢玩晒咁多樣嘢！仲有獨一無二嘅MR互動體驗專區同鴨仔小船漂流之旅，喺室內都可以畀小朋友試試坐鴨仔，相信絕對會令小朋友玩到唔想走呀！
價錢：
【INFO】
《CHILDLIKE童心樂園》
營業時間：早上11:00至晚上20:30
地址：香港新界屯門良運街3號 建生商埸2樓 (惠康隔離)
購票連結：https://bit.ly/44nwPwF
親子好去處| 4. PeeKaBoo Playhouse躲貓貓樂園 —— 夢幻大型波波池
小朋友絕對鍾意玩波波池，呢間位於黃埔7000呎嘅室內遊樂場「PeeKaBoo Playhouse 躲貓貓樂園」就相當適合～店舖以粉色為主調，一入去就已經感受到夢幻嘅感覺！當中仲有深受小朋友歡迎嘅單車氹氹轉同飛索，可以訓練小朋友嘅膽量！同場亦有沙池、高身滑梯、糖果韆鞦以及角色扮演等等！
價錢：
【INFO】
《PeeKaBoo Playhouse 躲貓貓樂園》
營業時間：星期一至五 中午12:00至晚上19:30；星期六、日及公眾假期 早上10:30至晚上20:00
地址：九龍黃埔花園十期G2&3號鋪 (尖子坊)
預約電話：93835753
親子好去處| 5. 赤鱲角航天城Chill Kids Club —— 64,000呎玩樂空間！
想帶小朋友去啲更大嘅地方玩？擁有兩層佔地64,000呎嘅Chill Kids Club就會係好選擇之一～入面仲有18個主題，當中包括粉色天地波波池、賽車場、攀石場、巨型砂池以及極速滑梯等。就算爸爸媽媽們唔記得預約或者想即日去玩嘅，都可以Walk in直接入場玩，咁就唔怕冇地方好去啦！
價錢：
2.5小時 小童$280；成人$60
【INFO】
《Chill Kids Club》
營業時間：早上10:00至晚上18:30
地址：香港國際機場航天城東路6號K11 ATELIER 11 SKIES二座6樓
預約電話：https://bit.ly/3Wpjimr
親子好去處| 6. 油塘Nobi nobi夢幻樂園 —— Playhouse+娛樂機
想帶小朋友去遊樂場玩但遇到雨季，放假幾乎都落雨？油塘大本型nobi nobi夢幻樂園除咗唔受天氣影響，更啱晒大小朋友玩！小朋友除咗可以玩波波池同滑梯之外，更可以喺度玩各款娛樂機例如騎馬機以及扑傻瓜等，一次過滿足兩個願望！
價錢：
【INFO】
《Nobi nobi夢幻樂園 》
營業時間：早上10:30至晚上21:30
地址：油塘高超道38號大本型3樓301＆305號舖
親子好去處| 7. 觀塘SPARKLES PLAYHOUSE —— 七彩波波池
SPARKLES PLAYHOUSE適合各位住喺九龍嘅朋友，離觀塘地鐵站1分鐘，簡直係超方便！遊樂場以繽紛色彩以及貍貓為主題，更有小朋友喜愛嘅七彩波波池，配合埋自然太陽光打卡，相當適合爸爸媽媽為小朋友紀錄玩耍時光。場地更設有五彩陶瓷沙池以及迷你超市，更有小朋友最愛嘅公主衫可以著。
價錢： 120分鐘（1小朋友1大人） 星期一至五：$150 120分鐘（1小朋友1大人） 星期六、日及公眾假期：$150
【INFO】
《SPARKLES PLAYHOUSE》
營業時間：早上10:30至晚上21:30
地址：油塘高超道38號大本型3樓301＆305號舖
預約電話：4679 6648
親子好去處| 8. 荃灣PeeKaboo ——森林主題室內遊樂場
荃灣PeeKaboo Playhouse室內兒童遊樂場以森林為主題，距離荃灣西站6分鐘路程，行完附近嘅商場都可以去玩～入面嘅遊樂設施齊全，有波波池滑梯兒童納米沙池、公主化妝間以及攀爬設施等等。雖然空間唔算好大，但都可以畀家長睇實小朋友，唔使再追到氣咳！
價錢：
星期一至五：$120（1小朋友1大人）
星期六及日：$160（1小朋友1大人）
【INFO】 《PeeKaboo Playhouse》 地址：荃灣大涌道18號國際企業中心三期602 預約電話：https://bit.ly/3wlrkSI
親子好去處| 9. 香港樂高®探索中心
如果小朋友平時都鍾意砌嘢，就絕對要去香港樂高® 探索中心，隨時可以激發小朋友無限嘅想像力，創作出屬於自己嘅小宇宙。除咗可以欣賞到由一萬塊樂高積木搭建而成嘅超級迷你世界之外，呢度都有唔同嘅4D動感體驗等等，畀小朋友玩機動遊戲！
【INFO】 《香港樂高®探索中心》 營業時間：早上10:00至晚上19:00 地址：尖沙咀k11musea地庫1樓b131-133號 票價：$235起 購票連結：https://bit.ly/3QyeN55
親子好去處| 10. The Big Things —— 大自然主題遊樂場
芬蘭式室內叢林親子樂園，以大自然為主題，更設有18個遊戲區域，為小朋友帶嚟大自然嘅奇趣體驗。場內更播放小鳥嘅叫聲，等大家就好似行入森林遊玩一樣。場內設有各種刺激嘅遊樂設施，例如要喺探險區域入面攀爬、穿越大樹大本營等等，令小朋友學習到要點同大自然和諧相處。
價錢： 星期一至星期五：$158（60分鐘包1小朋友1大人） 星期六、日及公眾假期：$198（60分鐘包1小朋友1大人）
【INFO】 《The Big Things Playground》 地址：荃灣白田壩街45號南豐紗廠2樓205-207號舖 購票連結：https://bit.ly/3Wqs43t
親子好去處| 11. 荃灣廣場PLAY GARDEN —— 3萬呎彩虹遊樂場
帶小朋友出街唔一定下下都要去Playhouse，趁好天嘅時候不妨帶小朋友去戶外玩遊樂場，荃灣廣場佔地逾3萬呎嘅戶外公園PLAY GARDEN 空中樂園，都相當適合小朋友放電㗎！空中樂園以彩色為主題，當中必玩8米高嘅彩虹晴空塔，設有7條唔同高度嘅滑梯，等小朋友挑戰下自己嘅膽量。隔離更有以以圓欖型及傳統輕巧式鞦韆二合為一嘅韆鞦，適合唔同年紀嘅小朋友！
【INFO】 《荃灣廣場PLAY GARDEN》 開放時間：早上10:30至晚上22:00分 地址：荃灣廣場L5 PLAY GARDEN
親子好去處| 12. MOKO動樂園 —— 全港最長攀爬牆
MOKO動樂園佔地近18,000尺，全港最長近50米嘅攀爬牆以及8米高嘅大型遊樂設施。場地同樣有由山丘及山洞組成嘅探索隧道，仲有6組唔同高度嘅滑梯，最高滑梯更達3.8米！MOKO動樂園場地夠大，適合小朋友喺度盡情放電！
【INFO】
《MOKO動樂園》
開放時間：早上10:00至晚上21:00分
地址：MOKO 新世紀廣場 L3樓層MOKO 動樂園 ! (近「食代館」)
親子好去處| 13. 新城市廣場恐龍公園 —— 恐龍主題公園
相信無論係大人定係小朋友都會鍾意恐龍。沙田新城市廣場就以恐龍為主題，建立兒童戶外遊樂場，當中佔地3.5萬平方呎，更有14項遊樂設施畀大家玩，絕對啱晒恐龍迷到訪！小編就最推薦父母帶小朋友挑戰4.5米高嘅網橋，同時亦都體驗滑梯、繩網陣、吊床及平衡木等遊戲樂趣！
【INFO】
《新城市廣場恐龍公園》
開放時間：新城市廣場1期5樓戶外平台
地址：早上7:00至晚上22:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
