雖然已經好耐無得出國旅行，不過趁機再次深入認識下香港嘅靚景都係好事黎㗎！最近小編發現到西環原來有一個超隱世嘅打卡好去處，果度唔單止有3大打卡位可以比大家瘋狂影出各種文青相，重點係無論係海邊嘅鞦韆 、石壆定係沙灣泳棚都一樣咁靚咁有feel～ 如果預岩時間去，仲有機會可以欣賞埋日落先走，真系超級浪漫㗎！唔講咁多，而家即刻跟小編睇靚相chill翻次啦～
圖片來源：IG@ayakagracechun、tung.hwt、migastudiohk、joeicheng、hrll、jlovek_collection、alicek_photography、healthy_fit_ck、ho_sin_ting、normalrence、2girls.hk、louiselee｜撰文：Candice
MV微電影拍攝地！悠長石壆超有日系/台灣電影感 就算背光都可以影靚相
西環嘅沙灣徑其實位於香港島南區，靠近摩星嶺同鋼線灣之間，連接大口環道、域多利道，中段又毗連數碼港道。呢條呈U形嘅沿海小徑超多打卡位，當中最多人鍾意嘅一定要數佢嘅海邊鞦韆，不過好可惜現已被清拆，但其實呢度無遮擋嘅開揚海景先係主角！
大家可以係堅尼地城A出口小巴總站乘搭58號小巴，於大口環根德公爵夫人兒童醫院站落車，向海邊方向前行約1分鐘會先見到一個碎石灘，碎石灘既右邊就係沙灣泳棚，而原路折返向左行到香港大學何鴻燊體育中心旁邊嘅小徑就係悠長石壆啦！
有唔少情侶同運動愛好者都會黎打卡影相，係個咁開揚嘅地方做yoga，真系睇相都feel到有幾咁chill啊～
如果情侶黎打卡，更加絕對唔可以錯過佢嘅超靚鹹蛋黃，背光影倒影照更加係超級sweet添！
沙灣鐘聲泳棚超有文青氣息！記得要到石造小橋影拍岸浪花
泳棚建於1960、1970年代，當時公眾游泳池未被受普及，當地居民係海邊搭建永久性的竹棚，用以方便泳客游水。
大家只要見到綠色欄杆樓梯口，再向下行就可以去到泳棚。不過如果要影沙灣泳棚，記得要留意潮漲潮退時間，由於沙灣徑對住香港島西南方既海面，潮漲時會相當大浪，整個泳棚都會被淹沒，大家記得要小心！
黎到泳棚泳攤可以先換上拖鞋，大家鍾意坐係海灘、石頭上打卡都可以，不過小編私心推薦大家行到石造小橋中央，比海水沖濺，影出黎嘅相仲可以捕捉到拍岸浪花嘅效果添！
海邊鞦韆遭清拆 石堤+無敵大海景也能拍出唯美效果
愛護環境絕對係打卡嘅一大規則，本來沙灣徑其實係以海邊鞦韆聞名，可惜因為太多人去打卡，甚至有兩三個人一齊坐上去拍照，導至樹木負荷過重受損，最後因爲安全起見被拆。
雖然大家現時黎到已經再見唔到海邊鞦韆，不過其實到外面小小嘅石堤影相，就可以影到更多嘅海景，但都係要記得注意安全！
黃昏時段仲可以影到剪影照㗎，夕陽同波光粼粼嘅海面比人一種好唯美嘅感覺！ 文青得黎有帶有一種淡淡嘅感覺，超級有feel～
從樹枝之間影出去更係別有一番風味！
講左咁多，大家影相嘅時候最緊要記得注意安全同愛護環境，想以後都可以再去呢個咁靚嘅打卡位，大家都要一起好好珍惜香港為數不多嘅靚景啊❤️
【INFO】
西環沙灣徑
交通：於港鐵堅尼地城站A出口小巴總站乘搭58號小巴，於「麥理浩復康院」落車。
——
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
