可愛嘅藍精靈嚟到香港同大家見面喇！《藍精靈大電影》SMURFS於今個暑假7月18日全球同步回歸大銀幕！今個夏日，一眾藍精靈更嚟到尖沙咀LCX，領各位走進《藍精靈大電影》嘅場景，遊歷無盡奇幻之境，齊齊展開一場大歷險！即睇三大打卡位！
圖片來源：官方圖片｜撰文：Sharon
「藍精靈」憑可愛嘅外表、迷你身型，以及精靈有趣嘅性格，深受大家歡迎！今個暑假適逢《藍精靈大電影》於香港上映，由7月11日至8月31日尖沙咀LCX為大家帶來「藍精靈夏日大歷險」打卡裝置，當中有三大打卡場景，包括藍精靈奇幻冒險村、酷炫樂園及法國小鎮，神還原《藍精靈大電影》情節！
走進藍精靈奇幻冒險村，見到精靈村叢林中夢幻繽紛嘅屋，由電影中全新角色無名及多個主角像美芝、精靈爸爸等邀請大家進村探訪。之後，走進LCX場內，會發現Y2K Disco酷炫樂園場景及充滿法式格調氛圍嘅法國小鎮！場內更設藍精靈自拍亭自拍人生四格，可以同朋友一齊影相留念！
另外，於LCX憑即日消費滿指定金額，即可換領藍精靈魔法書收納袋或藍精靈手機繩！fans必收藏！！大家都快啲嚟搵藍精靈打卡啦～
【INFO】 《LCX x藍精靈夏日大歷險》 地點：尖沙咀海港城海運大廈三階LCX 日期：7月11日至8月31日 時間 ：10:00 - 22:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
