萬聖節2024 | 啱啱過完中秋節又可以諗定嚟緊萬聖節去邊度玩啦～想體驗濃厚嘅萬聖節氣氛，小編就已經幫大家整合咗12大萬聖節好去處，仲唔快啲搵埋身邊細膽嘅朋友一齊去玩？～
圖片來源：官方圖片 | 撰文：Hedy
萬聖節好去處 | 1. 尖沙咀萬聖節夜繽紛鐳射Show
香港文化中心及尖沙咀鐘樓外牆將會喺2024年10月30日同31日，舉行「尖沙咀萬聖節夜繽紛鐳射Show」，活動首次呈現鐳射效果嘅視覺盛宴，並融合科技同藝術！可愛嘅萬聖節熊貓將會引領大家一齊慶祝萬聖節～
【INFO】 日期：2024年10月30日至31日 時間：19:00至23:00 地點：香港文化中心及尖沙咀鐘樓
萬聖節好去處 | 2. 蘭桂坊「驚坊十月」
為咗慶祝萬聖節，蘭桂坊為大家帶嚟恐怖呈獻「驚坊十月」！街道上除咗佈滿詭異嘅裝置，恐怖角色更會於指定周末快閃出沒同大家互動！現場仲設有現場特技化妝區，專業化妝團隊將會設計獨特嘅萬聖節妝容。人氣意大利餐廳「BACI Trattoria & Bar」 更聯乘「香港婚活」特別舉辦《冥中注定嘩鬼派對》，等你喺萬聖節嘅時候都可以認識到新朋友～
萬聖節好去處 | 2. 海洋公園 哈囉喂全園祭2024
想體驗萬聖節，絕對要嚟海洋公園，今年仲有超心寒嘅城寨主題等大家嚟感受，一齊解開香港恐怖都市傳說之謎！6大鬼屋包括城寨詭域、亡幽酒店、冥府婚宴、囚．逃、凶靈宅院以及724禁地，完美還原80年代火水爐、懷舊電視以及模擬案發現場等，恐怖嘅氣氛絕對直接令你驚！
除咗鬼屋之外亦有「十大嘩鬼匯演」，等合家歡精彩節目畀大家欣賞。人氣爆燈嘅爆肌猛男團<K Stallions >首次喺海洋公園矚目登場，多位型格Oppa將會表演火熱勁舞，大家記得要早啲霸頭位！仲有一班中式戲班演員喺「城寨大戲棚」打鑼打鼓，上演靈氣逼人嘅神功戲。如果帶埋小朋友入去玩嘅話，當遇到南瓜哥哥姐姐嘅時候，就可以一齊玩Trick-or-Treat，將眾多嘅糖果帶返屋企。
【INFO】
《海洋公園哈囉喂》
日連夜驚嚇體驗：2024年10月11至13、18至20、25至27、31日及11月1至3日
開放時間：10:00至23:00
購買門票：https://bit.ly/4759VLG
延伸閱讀：【海洋公園哈囉喂回歸！超心寒城寨主題+6大鬼屋體驗！】
萬聖節好去處 | 3. 香港迪士尼樂園 Disney Halloween Time
香港迪士尼樂園帶畀你不一樣嘅萬聖節體驗！多個迪士尼主角與惡人將現身於迪士尼樂園，包括白雪公主與邪惡皇后、愛洛公主或菲臘王子與黑魔后、茉莉公主與賈方及Marvel雷神與洛基，大家見到佢哋一定要一齊影返張相！由時尚女魔頭庫伊拉舉辦嘅惡人大宅舞會將會強勢回歸，並率領邪惡皇后、紅心皇后與凱帝斯一齊大玩特玩。場內有各式各樣以迪士尼惡人為主題嘅打卡藝術裝置，立體投影、聲光效果等。就連萬聖節得獎歌舞匯演「惡人舞動迪士尼」亦會載譽歸來！米奇與好友、Duffy與好友亦會隨即以萬聖節打扮登場，與大家共舞狂歡，令派對升溫！仲有灰姑娘後母杜明尼夫人同佢兩位女兒安蒂及狄茜將不請自來，竟然喺美國小鎮大街橫行霸道？記得臨走前去同演藝人員玩Trick-or-Treat，將糖果帶返屋企！
【INFO】 《Disney Halloween Time》 日期：即日起至10月31日 開放時間：10:30至20:30 購買門票：https://bit.ly/4gsEvTT
延伸閱讀：【迪士尼萬聖節惡人派對！惡人大宅舞會/米奇南瓜頭/ Trick-or-Treat】
萬聖節好去處 | 4. AIRSIDE鬼屋劇場殺《鬼域寨城》
AIRSIDE聯同「港鬼故」、「Mental Bread@港式情侶」推出《鬼域寨城》浸沉式鬼屋劇場殺，以香港鬼魅傳說煉成近三千呎亡域，將靈魂圍困寨城，而你就要入去破案逃生！自九龍城清拆計劃公布後，坊間突然流傳「女廁靈異事件」，有到場查探警員無故失蹤，原來靈異事件同當年母女自焚反對清拆事件以及另外四宗連環慘死事件有關。而你就要喺半柱香嘅時間入面，踏入《鬼域寨城》，調查當中嘅真相！入面將會有五個充滿式驚嚇氣氛亡域包括猛鬼劏房、浴血牙醫診所、隱密公廁、詭秘士多、驚悚理髮廳、以及脫衣舞密室，等大家嚟解開當中嘅謎團！
【INFO】
《AIRSIDE鬼域寨城》
日期：2024年10月3、4、5、6、10、11、12、13、17、18、19、20、24、25、26、27、31日
時間：周四、五及10月31日：16:00折22:00（每節30分鐘）；周六、日、公眾假期：14:00至22:00（每節30分鐘）
門票價格：周四、五：每位成人HK$258；周六、日、公眾假期：每位成人HK$298；2024年10月31日：每位成人HK328
購買門票：https://bit.ly/3TnqixP
萬聖節好去處 | 4. 旺角二萬呎鬼屋「怨靈禁地」
耀榮文化及U GO聯合主辦鬼屋，等大家嚟挑戰佔地約 22,000呎嘅「怨靈禁地」！當中更特設三重禁地主題，令你體驗全方位感官驚嚇！
-
主題一：《咒偶III》
延續玩具店主題嘅《咒偶III》，加入全新故事，共設有9 大關卡。進入鬼屋後，大家將會被各有缺陷嘅人偶重重包圍，究竟你最後可唔可以逃出生天？
-
主題二：《詛咒之鱗》
傳說香港水域入面有一種古老嘅水生精靈被稱為人魚，喺某啲特別嘅日子，人魚會去岸邊褪下外皮清洗，仲會用「肉身」吸收月光精華。呢個時候如果有人搵到人魚褪下嘅皮，可要脅人魚同佢結婚生子，直至人魚搵到佢失去嘅外皮。鬼屋以創新水系原素為主題，令你彷彿置身於水中，你又可唔可以喺重重瀰漫嘅水入面搵出密碼，開《怨》之門呢？
-
主題三：《怨》
當通過以上2關，獲得神秘密碼後，大家就可以進入真正嘅漁村世界。不過一入到去竟然發現地上佈滿遇害者屍體，就連牆上都佈滿求救嘅字母？你只可以一邊避開怪物，一邊穿越血池搵出逃生出路！
【INFO】
《怨靈禁地》
日期：2024年10月10、11、20、26、27、30、31日
時間：18:00至00:00
地點：旺角創興廣場地庫
門票價格：《咒偶III》、《詛咒之鱗》、《怨》港幣$288 ；指定一間鬼屋體驗(只限《咒偶III》 及 《詛咒之鱗》) 港幣$158
購買門票：https://bit.ly/3TDcOOp
萬聖節好去處 | 5. 香港樂高® 探索中心「小魔怪狂歡派對」
香港樂高® 探索中心特意為各位樂高® 迷舉辦「小魔怪狂歡派對」。咁次Party嘅主角係一班由國外遠赴而來嘅神秘魔法師，可惜佢哋係排演表演時唔小心迷失係樂高® 迷你天地® ，即刻加入搜救隊拯救佢哋啦！仲有得製作應援小物以及工作坊等，換領限量禮品！只要購買萬聖節套票，就可以參加限定嘅面部彩繪工作坊，畫返個啱萬聖節嘅妝！
【INFO】
《小魔怪狂歡派對》
日期：即日起至2024年11月3日
時間：11:00至19:00
地點：香港九龍尖沙咀梳士巴利道18號K11 MUSEA地庫1樓B131-133號
門票價格：$590
購買門票：https://bit.ly/3Zw5GHy
萬聖節好去處 | 6. 愉景灣「盞鬼」南瓜森林
「盞鬼」南瓜森林今次再次回歸愉景灣，穿過2米高嘅螢光南瓜拱門步入森林，就會見到多個詭秘打卡熱點！而愉景北商場特設八米闊南瓜打卡位，令節日氣氛更添濃厚。如果想再熱鬧啲就絕對唔可以錯過10月27日嘅「愉景灣萬聖夜市集」，市集有成50個特色攤位，由手作到萬聖夜特色小品通通都有～
【INFO】 「盞鬼」南瓜森林 日期：2024年10月17日至10月31日 時間：全日開放（亮燈時間18:00至23:00） 地點：愉景廣場（正門旁）及愉景北商場 愉景灣萬聖夜市集 日期：2024年10月27日 時間：14:00至21:00 地點：愉景廣場
萬聖節好去處 | 7. 太空館3D光雕匯演
萬聖節當然唔少得南瓜啦，而尖沙咀絕對係唔少遊客以及市民經過嘅地方，香港太空館將一連兩周化身成可愛應節造型！除咗會變身做巨型南瓜之外，亦會以白色幽靈﹑菠蘿包﹑銀河及蝙蝠等嘅光影造型動感登場，再加埋音樂，帶嚟豐富嘅3D視聽體驗！旅發局更會不定時舉行快閃街頭表演，同大家互動，相信絕對可以將萬聖節濃厚嘅氣氛帶畀大家！
【INFO】 《太空館3D光雕匯演》 日期：2024年10月18日至31日 時間：20:15至22:30 地點：香港太空館（香港九龍尖沙咀梳士巴利道10號）
萬聖節好去處 | 8. 嘩鬼電車
披上亮麗外衣嘅萬聖節主題電車，將會帶住大家穿梭港島嘅大街小巷，等大家都可以欣賞吓香港美麗嘅夜景。而喺萬聖節當日更有電車巡遊表演，一眾可愛嘅鬼怪將會登上電車同大家見面，同大家一齊投入慶祝萬聖節！
【INFO】
《嘩鬼電車》
日期：即日起至2024年10月31日
地點：香港島地區
萬聖節好去處 | 9. 雪糕南瓜車 免費派雪糕
經典嘅雪糕車將會喺今個萬聖節搖身一變，成為雪糕南瓜車，免費派雪糕畀大家，走遍大街小巷將歡樂帶畀大家！想食雪糕嘅大家就可以分別去旺角、尖沙咀、銅鑼灣及中環各區碰下運氣～旅發局更會喺萬聖夜，即10月31日夜晚7點至10點，喺中環8號碼頭近摩天輪嘅位置，向大家免費派發雪糕，送上一抹甜蜜驚喜。
【INFO】
《雪糕南瓜車》
日期：2024年10月18、19、25、26及31日
時間：19:00至22:00
地點：遊走於旺角、尖沙咀、銅鑼灣及中環各區
萬聖節好去處 | 10. Spooktacular 萬聖節嘉年華
「富衛1881公館」將會喺萬聖節化身為「Spooktacular 萬聖節嘉年華」，中庭更會變身成為「怪誕戶外電影院」，為大家呈獻多套經典萬聖節電影，包括COCO (玩轉極樂園)以及怪誕城之夜。同場亦有盞鬼無酒精特飲工作坊、搞怪巫師帽工作坊、萬聖節主題攝影、搗蛋故事屋、調皮變裝彩繪及其他精彩表演等！
-
怪誕戶外電影院
「富衛1881公館」中庭首次化身怪誕戶外電影院，為大家呈獻多套經典萬聖節電影！
COCO (玩轉極樂園)
日期 : 2024年10月26日
時間 : 晚上7時15分
地點 : 富衛1881公館中庭
收費 : $150/一人 (費用包含一杯無酒精飲品及小食)
怪誕城之夜
日期 : 2024年10月27日
時間 : 晚上7時15分
地點 : 富衛1881公館中庭
收費 : $150/一人 (費用包含一杯無酒精飲品及小食)
-
搗蛋故事屋
各位大朋友同小朋友一齊嚟搗蛋故事屋，投入神秘嘅詭趣故事世界，體驗不一樣嘅萬聖節！
【INFO】 日期 : 2024年10月26日及10月27日 時間 : 下午2時至6時 地點 : 富衛1881公館 Champagne Gallery 收費 : $90/一名家長及一名小朋友
-
盞鬼無酒精特飲工作坊
大家可以喺工作坊跟調酒師學習調酒技巧，並利用不同嘅裝飾打造出獨特嘅盞鬼無酒精特飲。
【INFO】 日期 : 2024年10月26日 時間 : 14:00至19:00 (每節工作坊約50分鐘) 地點 : 富衛1881公館 Tea Room 收費 : $150/一名家長及一名小朋友 (費用包含調製一杯無酒精特飲) 報名連結：https://bit.ly/4e1FZC6
-
搞怪巫師帽工作坊
搞怪巫師帽工作坊令你親手設計同製作出萬聖節巫師帽，施展時尚魔法！
【INFO】
日期 : 2024年10月27日
時間 : 14:00至19:00 (每節工作坊約50分鐘)
地點 : 富衛1881公館 Tea Room
收費 : $150 /一名家長及一名小朋友 (費用包含製作一只巫師帽)
報名連結：https://bit.ly/48mGGon
-
萬聖節主題攝影
現場提供各種主題萬聖節衣物裝扮，大家都可以配搭出充滿個人特色嘅衣著打扮，再由專業攝影師為你喺主題裝飾佈置下影相留念。
【INFO】
日期 : 2024年10月26日至10月27日
時間 : 14:00至19:30
地點 : 富衛1881公館 Library
收費 : $150/15分鐘 (費用包含3張數碼照片)
*每個影相時段最多可容納5名客人
報名連結：https://bit.ly/3YwU2eC
【INFO】
《Spooktacular 萬聖節嘉年華》
日期：2024年10月26至27日
地址：香港九龍尖沙咀廣東道2A號「1881」主樓富衛1881公館
門票開售日期：即日起至2024年10月27日
萬聖節好去處 | 11. 巨型「食鬼」充氣裝置
80年代經典街機角色「食鬼」系列，將化身為超過3米高嘅巨型充氣公仔，由10月30日至11月3日觀塘海濱花園供大家打卡！而係10月31日萬聖節當晚，觀塘VESSEL 發現號03更會舉辦「食鬼玩轉九龍東萬聖夜嘉年華」，除咗有立體「食鬼」系列實體像素藝術(Pixel Art)裝置之外，亦有黑夜派對運動以及尋寶遊戲等緊大家嚟玩！
【INFO】 《巨型「食鬼」充氣裝置》 日期：2024年10月30日至11月3日 場地：觀塘海濱花園 時間：10:00至22:00 食鬼玩轉九龍東萬聖夜 日期：2024年10月31日 時間：17:00至22:00 場地：發現號03 (觀塘海濱道86號) 位置：從牛頭角站B出口，沿勵業街步行約8分鐘
萬聖節好去處 | 12. Epicland歷奇王國
位於愉景灣嘅Epicland歷奇王國，將遊樂場打造成為鬼屋迷宮，等大家喺每個週末同公眾假期都可以體驗一場刺激嘅冒險～大家都會見到吸血鬼以及女巫等角色出沒，一齊係黑暗之中闖進鬼屋。同場亦有臉部彩繪，等大家都可以化返一個令人毛骨悚然嘅妝容。除咗鬼屋之外，亦有6米高火山滑梯、Air trek空中鋼索、攀石場、直立滑梯及波波池等畀大家玩！
【INFO】
《Epicland歷奇王國》
時間：星期一至日 早上時段 9:15至12:15；下午時段13:15至16:15；晚間時段 16:30至19:30
地址：香港大嶼山愉景灣愉景北商場地下G31
票價：港幣$214起
購票連結：https://bit.ly/3NWumC9
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
