荔園6大經典有獎遊戲攤位登陸荃灣！由即日起至2月16日，荃新天地1期聯同荔園及LOCOLOCO舉辦「幸福過肥年」活動，重現荔園經典有獎遊戲攤位，成功挑戰遊戲仲可以贏取多達9,000份豐富獎品！場內更設新春市集攤檔，售賣各式賀年產品，畀大家辦年貨！

圖片來源：官方圖片｜撰文：Sharon

荃新天地1期聯同荔園及LOCOLOCO同大家一齊幸福過肥年！由即日起至2月16日，重現荔園6大經典有獎遊戲攤位，包括「開心掟階磚」、「喜氣擲鐵罐 」、「財源套滿樽 」、「如意神射手 」、「福到肥肥人 」及「迎新Duck意 」。

「如意神射手 」。（圖片來源：官方圖片）
「迎新Duck意 」。（圖片來源：官方圖片）
「喜氣擲鐵罐 」。（圖片來源：官方圖片）
「開心掟階磚」。（圖片來源：官方圖片）

必玩「財源套滿樽」參加者將⼿上嘅膠環朝向枱上嘅樽逐⼀拋出，只要有指定數量膠環能完全套着樽頸，即可獲獎！另外，仲有「福到肥肥人 」喺限時內，利用通電棒從起點去到終點，觸碰到鐵架次數越少贏取嘅禮物越大，呢個遊戲絕對係小編嘅童年回憶啊！

「福到肥肥人 」。（圖片來源：官方圖片）
「財源套滿樽 」。（圖片來源：官方圖片）

成功挑戰遊戲嘅朋友，可以贏取多達9,000份獎品，當中包括代幣咕𠱸、荔園康樂棋、肥肥人行李牌、Generic plush toys、熊貓公仔等，非常豐富！同場更設逾20檔新春市集攤檔，售賣各式賀年產品，玩完遊戲仲可以輕鬆辦年貨添！大家千祈唔好錯過，今年新年快啲同屋企人一齊嚟玩啦～

逾20檔年宵市集進駐，炒熱過年氣氛。（圖片來源：官方圖片）
（圖片來源：官方圖片）
售賣各式賀年產品。（圖片來源：官方圖片）
【INFO】
《荃新天地 X 荔園 - 經典攤位遊戲及新春市集》
地點：荃新天地 1 期中庭
日期：即日起至2月16日
時間：12:00 - 20:00

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk