聖誕市集2025 | 話咁快又就到聖誕～聖誕除咗可以去商場唔同打卡位影相之外，想感受節日氣氛嘅仲可以行埋唔同嘅聖誕市集～小編已經幫大家整合咗14大聖誕市集，即刻睇下有咩好行喇～
圖片來源：官方圖片 | 撰文：Hedy
聖誕市集2025 | 1. 薄荷朱古力甜品市集 —— 南豐紗廠
中意食薄朱嘅你唔好錯過！南豐紗廠與Freeture Concept聯手喺12月19至21日為大家帶來薄荷朱古力主題甜品市集。15個本地人氣甜品品牌帶來多款市集限定創意甜品，由新派的薄荷流心朱古力達克瓦茲、薄荷朱古力S’more酸種撻，到傳統甜點變奏而成的純天然薄荷朱古力可麗露、薄荷朱古力糖蔥餅、薄荷朱古力tiramisu以及薄荷朱古力布丁等都定能為各位甜品控帶來驚喜滋味！
【INFO】 《薄荷朱古力甜品節 日期：2025年12月19日至21日 時間：13:00至20:00 地點：南豐紗廠六廠一樓
聖誕市集2025 | 2. Pinkoi「HO~HO~HOLIDAY聖誕市集」—— 東薈城
東薈城名店倉首次聯同亞洲領先設計購物網站 Pinkoi，攜手呈獻「HO~HO~HOLIDAY 聖誕市集」！活動將會喺12月19至21日及 24至26日舉行，破天荒邀請超過100 位來自日本、韓國、台灣、泰國等地嘅原創設計師親臨現場，大家都可以免費入場！日本人氣飾品品牌 Ui.、深受日本女星喜愛嘅穿搭選品marina JEWELRY、以及押花飾品代表 Schaf 將現身市集；另有韓國當紅文創品牌 mangdollable shop、來自台灣嘅傳統手工製作服飾良品 繭裹子 TWINE、泰國多巴胺彩色布包品牌 Sew and Sew、以及近期喺香港掀起SnapRoll 底片熱潮嘅Escura lab 等品牌主理人亦會親自到場！市集特別邀請多個喺國際賽事榮獲獎項嘅精品咖啡品牌參與，咖啡愛好者切勿錯過！首次來港嘅台灣pingyihcafe 品易、大稻埕精品咖啡館孵珈琲洋館 FU Cafe，以及SIMPLEREAL 想望咖啡，聯同本地代表 G Morning Coffee，將喺現場同大家分享精品咖啡嘅獨特風味。市集更特別邀請星級檔主加盟，包括人氣 KOL Christy Lai (黎紀君) 寵物食品品牌 Power Ruff，以及網絡創作者Jon Jon (張家希) 嘅鉤織手作品牌莊毛毛將現身市集。同場更有多個慈善及社區組織參與，打造暖心冬日市集！
【INFO】
《東薈城名店倉 x Pinkoi 「HO~HO~HOLIDAY 聖誕市集」》
日期：2025年12月19至21日及24至26日
時間：13:00至20:00（最後進場時間19:30）
地點：東薈城名店倉四樓平台廣場
聖誕市集2025 | 3. 「夠薑過聖誕」—— 赤柱廣場
由12月19日至28日，一連10日開始將會喺赤柱廣場舉辦「夠薑過聖誕」。「夠薑過聖誕」設逾 100 個人氣及首次參與市集嘅攤檔，集結文創產品、手工藝品和聖誕主題特色美食。唔單只有芝士粉絲最愛嘅Hugo’s Cheese、正宗德國菜 Biergarten 及香港製造 Gelato 的The Nutter 等載譽歸來，更有首次參與赤柱聖誕市集的米芝蓮必比登推介的魚事者 Fisholic、以本地特色口味聞名的上水爆谷及隱秘的咖喱專門店 Curry Boy。另外，市集結集近 30 個人氣美食品牌，包括本土精釀啤酒 H.K. Lovecraft、地道港式 Gin 酒「白蘭樹下」、話題冬甩工房「Donut Demo」、人氣蛋糕店「Petite Sweet」及西班牙火腿專門店「Diverxu」等，此外，人氣歐陸家庭美食 Jacques n Grill 將以期間限定店強勢回歸，推出市集獨家的薑味美食，帶來最驚喜嘅味蕾體驗。為方便大家往返南區及活動場地，赤柱廣場於活動期間特設免費穿梭巴士往返金鐘。此外，赤柱廣場再次與Klook合作，駕駛人士現可於Klook預約停車場車位服務，優先預約指定時段的泊車位。
【INFO】 《赤柱廣場「夠薑過聖誕」》 日期：2025年12月19日至28日 時間：12:00至20:00 地點：赤柱廣場天幕廣場、公共空間及美利樓
聖誕市集2025 | 4. 謝曬皮過聖誕の製伏友惑 —— 朗豪坊
今個聖誕節朗豪坊再度聯乘香港文創品牌「白紙市集」，攜手呈獻最具本地特色嘅聖誕市集！ 市集雲集近五十個本地食、買、玩品牌，當中五大人氣長龍甜品店首次登場，獨家推出聖誕限定必食新品，包括貴婦意大利雪糕 L’antico Gelato、麻糬控必食CATCHI 、深水埗老字號均香餅家、由法國藍帶餅師主理嘅AW Patisserie，以及創意西班牙甜點Bunny Churros。市集同時集結多個深受歡迎的特色品牌，包括上水爆谷、Meat & Greet酒肉盟友、IMAGINE LIFESTYLE黑膠唱片及Deslab自家設計相機袋、手機繩等。同場邀請本地插畫家謝曬皮打造《謝曬皮過聖誕の製伏友惑》打卡節日裝置，及「聖誕嚇伏中心」大送驚喜禮物。而平安夜及聖誕節將特別舉辦 「睡衣 Busking 音樂會」，新晉歌手將穿上謝曬皮限定睡衣表演。
【INFO】 《謝曬皮過聖誕の製伏友惑》 日期：2025年12月份逢星期六日、平安夜、聖誕節及翌日、除夕及新年 時間：12:00至21:00 平安夜（12月24日）：15:00時至22:00 除夕 （12月31日）：18:00至22:00 地點：朗豪坊8樓至12樓
聖誕市集2025 | 5. 「CANDYLAND」空中聖誕糖果嘉年華 —— 屯門愛定商場
民坊旗下屯門愛定商場H.A.N.D.S喺今個聖誕打造出，逾15,000呎糖果主題聖誕樂園嘅「CANDYLAND」空中聖誕糖果嘉年華。除咗有6米高粉紅糖果城堡CANDY BOUNCE 同8大遊戲挑戰甜爆聖誕之外，同場更設有20檔聖誕特色市集，匯聚本地人氣手作品牌、節日精品與塔羅牌占卜及 Face Painting等，從聖誕飾物、香氛蠟燭、創意文具、節日禮品到互動環節，應有盡有，等你一站式入手暖心聖誕好物，為摯愛送上最窩心的聖誕驚喜！
【INFO】 《屯門愛定商場H.A.N.D.S「CANDYLAND」空中聖誕糖果嘉年華》 日期：即日起2025年12月28日 時間：12:00至18:00 地址：屯門鄉事會路2A號
聖誕市集2025 | 6.《HAPPY GO ROUND冬日樂園》—— 西沙Go Park
西沙GO PARK除咗有全港首個商場戶外機動5.9米闊真．「炫夢旋轉木馬」，等大家都可以坐喺360度旋轉木馬機動遊戲之外，當然少不了聖誕市集！喺12月一連三個週末及公眾假期，西沙GO PARK將舉辦「GO聖誕市集」，匯聚超過20個精選攤位，包括多種特色手作精品、服飾配件及寵物用品等，包括出售寵物圍巾及寵物主題飾物嘅My Little Handcraft 、製作精緻聖誕掛飾及飾品的A little Xmas Shop & Fluffy Bakery、專注製作100%無添加寵物凍干的CHUBBY.PET及自家製寵物食品的吾系奴 Ng Hai Lo、透過工藝探索及創新，把生活與大自然之間連結製成實用品的長洲小島品牌 – 森·匠、寵物友善香水小店Esther Perfume 、專注於為毛孩打造兼具時尚與機能的寵物服飾品牌VERVVE及出售多款聖誕主題手工糖霜曲奇、馬林糖及曲奇蛋糕等的CookieMon+等，保證讓您與家人朋友及心愛毛孩盡情選購節日禮品送贈摯愛親友！
【INFO】
《GO聖誕市集》
日期：12月13至14、20至21、24至28日
時間：12:00至20:00
地址：新界西沙海映路9號西沙GO PARK地面中央廣場
聖誕市集2025 | 7. 愉景灣聖誕露天市集 —— 愉景灣
今個聖誕，愉景灣將化身為意式冬日夢幻仙境，帶來一連串精彩活動。愉景廣場設有閃亮玻璃屋，而愉景北商場則以20米高嘅金色玻璃城堡同鐘樓融合，並設有以羅馬西班牙廣場標誌性嘅船之噴泉（Fontana della Barcaccia）為靈感嘅打卡位。充滿意式風情嘅聖誕露天市集將於12月25日至28日喺愉景廣場隆重登場，可愛嘅小木屋攤位為你帶來節日精品及美酒佳餚。現場更有多項精彩活動，包括: 聖誕老人派發小禮物、魔術師施展迷人魔術、兒童舞蹈以及刺激的跳繩表演，歡樂滿載！
【INFO】 《愉景灣聖誕露天市集》 日期：2025年12月25日至28日 時間：12:00至20:00 地點：愉景廣場露天廣場
聖誕市集2025 | 8. 香港繽紛冬日巡禮 —— 中環皇后像廣場花園
中環皇后像廣場花園變身成「聖誕天地」，傳誦節日歡樂。由即日起，「聖誕天地」將舉辦聖誕市集 12間夢幻小木屋迎來多個人氣參展單位，包括 Great Corner、甜筒暉、Wine Punch、Explicit Spices、A Simple Thought、革屋、香港文華東方酒店及 Penchel.hk 等，場內帶來豐富多樣嘅節日主題美食、手工藝品及應節精品。市集更設有節日限定工作坊，讓市民旅客親手製作蠟燭台、香薰產品及特色手作，為親朋摯愛送上窩心禮物。
【INFO】 《香港繽紛冬日巡禮聖誕市集》 日期：即日起至2026年1月4日 時間： 星期四至五 16:00至20:00 星期六、日及公眾假期 12:00至22:00 #2025年12月24日及25日延長開放時間由上午 11 時至凌晨 1 時 地點：中環皇后像廣場花園（南）
聖誕市集2025 | 9. 車尾箱聖誕市集 —— 中港城
中港城 「車尾箱聖誕市集」將會喺2025年12月12至14日 、20至21日、25至28日及31日（共10天）舉行，橫跨聖誕與除夕假期（共10日）熱鬧開鑼。今次市集破格聯乘本地街頭藝術木藝品牌 Start from Zero，並採用原木搭建，散發濃濃藝術氛圍！市集將匯聚超過 100個手工藝、型格潮牌、節日飾品、海外品牌攤檔，以及本地人氣特色餐飲品牌。包括潮流教父葛民輝自創品牌Like Black、DJ少爺占創立嘅精品咖啡品牌Treble Coffee、時尚服飾品牌 CAAT3及 FLAKEY、本地潮流品牌Growthring & Supply、彭峻峰創辦嘅型格潮牌432hz、關智斌特設限定經典車攤檔、藝人譚杏藍創立嘅 Byebuy Market等等。結合中港城獨有嘅維港海景，超有聖誕氣氛～
【INFO】 《中港城車尾箱聖誕市集》 日期：12月12-14、20-21、25-28及31日 時間：下午2時至晚上8時 12月31日 下午5時半至晚上12時半 地點：中港城海豚池平台花園
聖誕市集2025 | 10. 聖誕暖心美食烘焙市集 —— 荃灣廣場
想度過一個被甜蜜包裹的暖心聖誕？即日起至2026年1月1日，荃灣廣場於L1長廊打造「聖誕暖心美食烘焙市集」，雲集超過30間場內商戶與本地人氣甜品烘焙品牌，當中包括主打手工糯米糍的均香餅家、必試抹茶麻糬Gelato的MadnessFamily、NuttieB開心果麻糬波波、人氣IG網店Middle Bakery充滿牛油香的英式鬆餅、牛油吐司曲奇Buttergram、CATCHI 手工沾醬麻糬、可麗露的newcookking等等，讓大家渡過一個甜蜜蜜的聖誕！
【INFO】 《「聖誕暖心美食烘焙市集」》 日期：即日起至2026年1月1日 時間：11:00至21:00 地址：荃灣廣場L1長廊
聖誕市集2025 | 11. MOST- Loving 聖誕萌貓市集 —— 新港城中心
今個聖誕，MOSTown新港城中心化身愛貓一族朝聖好去處，由即日起至12月28日，一連四星期推出期間限定「MOST-Loving 聖誕萌貓市集」，精心搜羅各式各樣寵物服飾及生活用品、寵物食品及保健產品、以萌貓為主題設計的文創產品及優質生活精品等，匯聚近30間寵物商品及本地特色手作品牌，讓大家於聖誕佳節盡情選購心水禮物，與毛孩及摯愛盡享滿滿的冬日氛圍！
【INFO】 《「MOST- Loving 聖誕萌貓市集」》 日期：即日起至2025年12月28日 時間：12:00至20:00 地點：MOSTown新港城中心L2天幕廣場 （港鐵馬鞍山站B出口）
聖誕市集2025 | 12. 中環街市 x Old But Gold 復古永續聖誕市集
橫跨三層空間嘅「中環街市 x Old But Gold 復古永續聖誕市集」，每層都設有不同主題區域，絕對係一場深具意義嘅綠色聖誕活動！中環街市地下Oasis攤檔販售各式各樣嘅節日驚喜，包括聖誕造型餅乾、手工特色美食，以及設計精美嘅節日禮物。位於一樓嘅活動場地將會由即日起至2025年12月28日舉辦「Old But Gold 聖誕復古跳蚤市集」。市集專為復古及時尚愛好者而設，匯集了多個來自本地的古著時裝品牌，例如本地人氣古著品牌 美華氏 (MIDWESTVINTAGE)，以及一系列懷舊收藏品、飾品及生活用品等。由 即日起至2026 年1月1日，中環街市二樓的 24 小時行人通道將同步舉行特色市集，售賣各款節日禮品及生活用品。市集特意邀請了韓國人氣品牌 grrrr.official 參與，為市集增添色彩。在聖誕假日期間（2025 年 12 月 24 日至 26 日)，中環街市二樓中庭天橋將特設台灣人氣快閃區，為節日增添獨特亮點。屆時，四個精選台灣品牌將會進駐，展示獨特產品和手作工藝品，包括：主打可愛風格的摸家摸家毛線基地、療癒手作小森物、設計師品牌微意識，以及文創小物 Zuzudam，讓濃厚的台灣文創氣息點綴你的購物之旅。
【INFO】 《「中環街市 x Old But Gold 復古永續聖誕市集」》 日期：即日起至2026年1月1日 時間：12:00至20:00 地點：中環街市地下Oasis及二樓24小時行人通道
聖誕市集2025 | 13.「聖誕甜夢市集」—— 北角匯
北角匯對出、東岸板道旁嘅北角海濱花園，變身成「Winter Sweetieland 甜夢精靈之森」！「水果小精靈」精心打造出六大甜蜜打卡場景。而喺周末更設有「聖誕甜夢市集」，雲集20間本地人氣寵物及美食品牌，有多款人寵同享的美食及生活精品讓您選購！絕對不容錯過！
【INFO】 《聖誕甜夢市集》 日期：即日起至2026年1月4日（逢星期六、日及公眾假期） 時間：13:00至19:00 地址：北角匯一期地下長廊
聖誕市集2025 | 14. Muck玩轉冬日聖誕市集 —— isquare
冬日購物氣氛熾熱，iSQUARE國際廣場於12月指定周末及聖誕假期，將會喺3樓iFUNCTION為大家帶嚟Muck玩轉冬日聖誕市集，集合唔同食品、文創商品以及精品等攤位。
【INFO】 《Muck玩轉冬日聖誕市集》 日期： 2025年12月13 - 14日、25 - 28日(星期六、日及公眾假期 ) 時間：中午12時至晚上8時 地點：3樓iFUNCTION
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
