聖誕好去處2025 | 鍾意角落生物嘅朋友有福啦～今年聖誕一眾角落小夥伴將以全新冬日造型登陸香港，當中仲有6 大主題打卡及2大玩樂專區，現場有5米高白熊「Shirokuma」巨型毛絨充氣裝置畀大家打卡，即刻入內文睇地址同詳情喇！

圖片來源：官方圖片 | 撰文：Hedy

今個聖誕，鑽石山荷里活廣場將聯乘日本超人氣卡通Sumikkogurashi角落小夥伴，攜手打造「荷里活廣場 x Sumikkogurashi角落小夥伴白色奇幻聖誕」 ，一眾角落小夥伴將以全新冬日造型可愛登場，超可愛～活動精心打造6大主題打卡同2大玩樂專區，陪伴大家度過一個溫暖又奇幻嘅冬日，即刻睇吓有咩玩喇～

荷里活廣場 x Sumikkogurashi角落小夥伴白色奇幻聖誕（圖片來源：官方圖片）

  • 「雪國甜點派對」

蜥蜴與山化身成精緻可愛嘅甜品造型，悄悄藏身於灑滿糖霜嘅雪景之中，誠邀您加入這場甜蜜派對！

  • 「冰川垂釣小屋」

企鵝?、貓與蜥蜴正悄悄聚集喺皚皚白雪嘅小屋旁，伴隨著粉紅閃爍聖誕樹，展開溫馨驚喜嘅冰川垂釣！

  • 「幸福聖誕角落」

企鵝?以超萌聖誕造型亮相，喺皚皚白雪嘅浪漫場景中，以最溫暖嘅笑容迎接每位訪客！

  • 「奇幻雪橇之旅」

貓已經準備好喺冬日雪橇上靜候，正等待同你共赴這場冰雪奇緣！

  • 「5米高萌絨白熊」

首次亮相5米高嘅白熊「Shirokuma」巨型毛絨充氣裝置，大家一定要嚟打卡～

  • 「冰極冒險滑梯」

5米長嘅「冰極冒險滑梯」正等緊大家嚟征服，從雪國之巔俯衝而下，衝入角落小夥伴嘅奇幻冰雪世界，快啲嚟親身體驗高速滑行嘅刺激與歡樂！

*荷里活廣場VIC會員於星期一至五憑5 VIC積分，或星期六、日及公眾假期憑10 VIC積分，即可換領「冰雪極地飛索」或「冰極冒險滑梯」入場券一張。每日每節名額有限。

  • 「冰雪極地飛索」

小朋友可以化身成小小探險家，喺7米長嘅「冰雪極地飛索」中展開刺激旅程，同角落小夥伴一同穿越冰川雪境！

*荷里活廣場VIC會員於星期一至五憑5 VIC積分，或星期六、日及公眾假期憑10 VIC積分，即可換領「冰雪極地飛索」或「冰極冒險滑梯」入場券一張。每日每節名額有限。

【INFO】
《荷里活廣場 x Sumikkogurashi™角落小夥伴™「白色奇幻聖誕」》
日期：2025年11月15日至2026年1月4日
時間：11:00至20:00
地點：鑽石山荷里活廣場1樓明星廣場

期間限定店

除咗畀大家打卡同玩之外，場內設有角落小夥伴聖誕期間限定店，售賣近百款精品，包括日本版角落小夥伴產品，以及全港首賣冰川雪國主題的精品及是次會場限定的商品，極具收藏價值，粉絲們萬勿錯過！

角落小夥伴聖誕期間限定店（圖片來源：官方圖片）
【INFO】
《角落小夥伴聖誕期間限定店》
日期：2025年11月15日至2026年1月4日
時間：12:00至20:00
地點：鑽石山荷里活廣場1樓明星廣場

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk