聖誕好去處2025 | 香港都睇到由本知名光雕藝術團隊NAKED Inc.，打造出嘅期間限定光影匯演，為大家呈獻「星夜願語．光影匯演」。仲有全港首個6米高聖誕樹旋轉滑梯畀大家玩～即刻入內文睇詳情喇！

圖片來源：官方圖片 | 撰文：Hedy

新城市廣場全面優化7樓戶外空中花園並重新命名為【NTP Sky Garden】，為慶祝開幕，新城市廣場更聯乘日本知名光雕藝術團隊NAKED Inc.，喺全港最大嘅戶外水幕打造期間限定光影匯演，頭炮巨獻「星夜願語．光影匯演」，首次將聖誕傳統元素同日本知名景點節日景象融合於戶外水幕匯演！為大家呈獻出一系列融合水幕、光影、藝術同音樂嘅聖誕夢幻感官饗宴！

聯乘日本知名光雕藝術團隊NAKED Inc（圖片來源：官方圖片）
限定光影匯演（圖片來源：官方圖片）
「星夜願語．光影匯演」（圖片來源：官方圖片）
【NTP Sky Garden】動感音樂噴泉匯演 （圖片來源：官方圖片）

聖誕好去處2025 | 聖誕奇幻嘉年華

去到新城市廣場一期3樓中庭更有「聖誕奇幻嘉年華 Christmas Circus TOWNival」，場內設有四大夢幻打卡點！當中大人小朋友一定要玩，全港首個6米高嘅「聖誕樹旋轉滑梯」，等大家都可以滑入節日歡樂世界！同場亦有巨大版嘅水晶球入去打卡～而週末仲有飄雪體驗，齊齊感受白色聖誕～

聖誕奇幻嘉年華（圖片來源：官方圖片）
聖誕樹旋轉滑梯（圖片來源：官方圖片）
四大夢幻打卡點（圖片來源：官方圖片）

【INFO】
《沙田新城市廣場聖誕奇幻嘉年華》
地址：新城市廣場1期3樓拱型玻璃天幕廣場、1期7樓NTP Sky Garden 

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk