【聖誕好去處】今個聖誕節又點可以少咗大麻成！《Cheap Century》主角大麻成平日麻麻甩甩、不修邊幅，赤膊加藍白雙間「孖煙囪」再配人字拖嘅造型相信大家見就見得多，但為咗慶祝聖誕嘅來臨，大麻成將連同其他角色包括小麻成、阿婆及叔公等一同大變身，以聖誕限定「全新城中型男」造型登陸「置富Malls x Cheap Century 聖誕Amaze城」，大家快啲嚟搵大麻成打卡啦！

圖片來源：官方圖片｜撰文：Sharon

由11月2日起至12月29日，大麻成、小麻成、阿婆及叔公等嚟到「置富Malls x Cheap Century 聖誕Amaze城」，四大場景包括馬鞍山廣場「聖誕Amaze城月巴市集」、 +WOO嘉湖「聖誕Amaze城爆肌朱古力工房」、置富都會「聖誕Amaze城瘋狂遊樂場」、置富第一城「聖誕Amaze城奇趣花園」，變身為聖誕限定華麗版本嘅大麻成，要同大家一齊共度佳節！

「置富Malls x Cheap Century 聖誕Amaze城」！（圖片來源：官方圖片）

馬鞍山廣場「聖誕Amaze城月巴市集」，市集瀰漫濃厚嘅聖誕氣氛，當中最矚目一定係5米高嘅巨型風車塔，塔內藏著讓大家變身穿上大麻成特色打扮打卡嘅哈哈鏡！大麻成更換上紅白色「孖煙囪」、橙綠雙色人字拖及Deep -V西裝褸與禮帽煲呔，揻走陳年麻甩味，聖誕氣氛十足！+WOO嘉湖則開設首間以大麻成為主題嘅「聖誕Amaze城爆肌朱古力工房」，大麻成於工房現身，誠邀你一同浸朱古力浴！

馬鞍山廣場「聖誕Amaze城月巴市集」。（圖片來源：官方圖片）
+WOO嘉湖「聖誕Amaze城爆肌朱古力工房」。（圖片來源：官方圖片）

至於置富都會設「聖誕Amaze城瘋狂遊樂場」，大麻成一眾親友，包括小麻成、阿婆、叔公以及作者蘇泳康 (筆名)等齊齊登上幸福摩天輪！最後，置富第一城「聖誕Amaze城奇趣花園」，大麻成會轉新look，以紅綠色西裝褸、黃色紳士帽、聖誕紅白「孖煙囪」及紅色人字拖登場，大家仲可以坐喺雙人深吻座椅上同大麻成合照！

置富都會「聖誕Amaze城瘋狂遊樂場」。（圖片來源：官方圖片）
置富第一城「聖誕Amaze城奇趣花園」。（圖片來源：官方圖片）

另外，Fortune+會員於置富Malls以下指定單一商場內任何兩間不同商戶累積消費滿HK$500，包括HK$400或以上嘅電子貨幣消費單據，或到Fortune Malls App使用Point+，即可換領「大麻成腳揈揈手挽袋」及「大麻城屁屁卡套」，大麻成嘅fans千祈唔好錯過啊！

「大麻城屁屁卡套」。（圖片來源：官方圖片）
「大麻成腳揈揈手挽袋」。（圖片來源：官方圖片）
【INFO】
《置富Malls x Cheap Century 聖誕Amaze城》
地點：馬鞍山廣場、+WOO嘉湖、置富都會、置富第一城
日期：11月2日至12月29日

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk