最近多咗以恐龍為主題嘅展覽,恐龍迷有福啦!香港科學館喺7月8日至11月16日期間舉行大型 恐龍展覽 「香港賽馬會呈獻系列:八大・尋龍記」,展覽場地佔地達2,000平方米,到時將會展出8組極具代表性嘅完幅化石骨架,當中大型三角龍骨架更加係全球首次展出!
圖片來源:香港政府新聞網|撰文:Sharon


今次展覽嘅8組化石骨架包括暴龍、三角龍、棘龍、異特龍、西龍、梁龍、哈特茲哥翼龍同幼齡蜥腳類恐龍。另外,仲有化石真品、高完整度嘅化石骨架、古生物藝術圖、以頂尖技術製作嘅影片,以及首次利用精確嘅科學研究,重構史前最大掠食性恐龍同最大嘅飛行生物。

今次呢個展覽結合恐龍龐大嘅體形同多媒體投射技術,令大家有身臨其境嘅感覺,好似同恐龍會面一樣!當然唔少得1:1棘龍同哈特茲哥翼龍復原骨架模型,現場睇一定超震撼~

今次展覽希望可以引發參觀者反思人類自身喺進化史中,要積極面對未來嘅挑戰:例如全球暖化、極端天氣同生物多樣性喪失等問題。咁特別嘅展覽大家記得唔好錯過,仲免費入場㗎,記得預約咗先好去啊!


【INFO】
《香港賽馬會呈獻系列:八大・尋龍記》
地址: 尖沙咀科學館道2號
日期:7月8日至11月16日
詳情:免費入場(須網上預約登記,詳情稍後公布)
——————————————————
Follow 我地睇更多最新情報!
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/