畢業季就快到喇！喺呢個人生重要嘅里程碑，相信各位應屆畢業生都會想同家人朋友影返輯靚靚畢業相，好好紀錄呢一刻。小編搜集咗6間專業嘅室內Studio，專門為學生影畢業相。唔止大學畢業相，小學、中學畢業學生都可以同家人一齊去影家庭照。即刻往下睇詳細介紹同地址啦！
圖片來源：Studio Photobi HK、Gown Revolution、Arch Moment、Phoebe Studio HK、Sens Studio、Neighbor Studio｜撰文：Icy
6大畢業相攝影室推介｜1. Studio Photobi HK
來自韓國弘大嘅Studio Photobi HK，主要提供專業嘅韓式相片拍攝服務，包括證件相、專業形象照、學生相、家庭照等等。店舖設置梳妝枱同明亮嘅攝影棚，由攝影師專門指導拍攝角度同姿勢。話明係韓式照相館，店舖仲會引入韓式修圖技術，根據客人喜好而作出皮膚修復同五官調整。
影樓提供專業修圖服務，幫你執到滿意為止！（圖片來源：Studio Photobi HK）
個人畢業相首張費用只需$280 ，其後每張$180。至於2至6人畢業相10張套餐收費亦只需$2400 ，並會將修好嘅高清電子檔以電郵方式發送，等客人好好保存珍貴嘅一刻。
（圖片來源：Studio Photobi HK）
【INFO】
地址：觀塘開源道72-80號溢財中心5樓B3室/九龍彌敦道545號安利大廈10樓全層/灣仔皇后大道東147-149號威利商業大廈16樓
收費：按此閱讀詳情
預約網址：Studio Photobi HK
6大畢業相攝影室推介｜2. Gown Revolution
臨時臨急冇帶畢業袍？Gown Revolution提供一站式畢業相拍攝同道具借用服務，包括免費提供本地大學畢業袍以及全港獨家之貓狗畢業袍，等客人心愛嘅寵物可以著住畢業袍一齊影相！
（圖片來源：Gown Revolution）
畢業相拍攝每節時長為60分鐘，一節收費為$1600起，由擁有超過十年人像拍攝經驗嘅專業攝影師操刀，捕捉大家最靚嘅一刻。
（圖片來源：Gown Revolution）
【INFO】
地址：新蒲崗五芳街10號新寶中心1505室
收費：按此閱讀詳情
預約網址：Gown Revolution
6大畢業相攝影室推介｜3. Arch Moment
Arch Moment主要提供各項室內拍攝服務，例如家庭相、畢業相、閨蜜相等等。室內佈景以簡約家居風格或休閒庭園為主，場地可容納多人家庭及一大班朋友，營造溫馨和諧嘅氣氛。
（圖片來源：Arch Moment）
所有相片都會依照攝影師風格作細緻調色，而畢業照套餐收費已包含場地租借費用，無需額外支付。客人亦可帶同心愛嘅寵物拍攝，分享喜悅一刻。
（圖片來源：Arch Moment）
【INFO】
地址：香港葵涌永建路16號高威工業中心A座12樓9號室
收費：按此閱讀詳情
預約網址：Arch Moment
6大畢業相攝影室推介｜4. Phoebe Studio HK
Phoebe Studio HK主要提供家庭相、畢業相拍攝及場地出租服務。場地設計以歐陸佈景為主，當中包括自然光園林花景、簡約自然光窗紗、英式書房等等，充滿書卷氣息。
場地佈置好細緻，充滿心思（圖片來源：Phoebe Studio HK）
攝影師會提供修圖服務，大家可按照不同需求而選擇拍攝方案。例如畢業相個人套餐收費為$888，共有30分鐘拍攝時段，包8張數碼檔。而1至4人家庭畢業相收費為$1588，共有60分鐘拍攝時段，包16張數碼檔。
（圖片來源：Phoebe Studio HK）
【INFO】
地址：荃灣青山公路459-469華力工業中心5樓K室
收費：按此閱讀詳情
預約網址：Phoebe Studio HK
6大畢業相攝影室推介｜5. Sens Studio
Sens Studio嘅拍攝服務由年資經驗豐富嘅攝影師操刀，曾獲多個家庭攝影之獎項，服務質素有保證。店舖於港九新界都有自設攝影棚，無論家居風、渡假風或者書卷風亦應有盡有。
（圖片來源：Sens Studio）
Sens Studio現時更推出家庭畢業相早鳥拍攝優惠，6人家庭照套餐最抵只需$988，共有90分鐘拍攝時段，包15款數碼檔案及實體相簿等等。優惠有效期至2023年9月30日，大家唔好錯過喇！
【INFO】
地址：觀塘巧明街111-113號富利廣場9樓6-8室/鰂魚涌華蘭路20號華蘭中心1202室/荃灣海盛路3號TML廣場10樓D6B室/旺角亞皆老街118號利寶大廈D2地鋪
收費：按此閱讀詳情
預約網址：Sens Studio
6大畢業相攝影室推介｜6. Neighbor Studio
Neighbor Studio同樣自設室內影樓，攝影師會為客人提供拍攝指導，亦會拍攝多張相片，捕捉客人最自然一刻。另外攝影師會根據客人要求而進行無限次數修圖，咁就唔驚效果唔自然啦！
（圖片來源：Neighbor Studio）
個人畢業相首張價格為$299，其後每張為$150，會按照客人最後揀選嘅相片收費。若果多人拍攝嘅話，可以選擇$2,880嘅2小時任拍套餐，包20張精修電子檔，更額外送20張4R實體相片！
（圖片來源：Neighbor Studio）
【INFO】
地址：觀塘駿業街43-45號創匯廣場2樓05室
收費：按此閱讀詳情
預約網址：Neighbor Studio
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
