周末想親親大自然？大埔的蝶豆花園有機農莊絕對係一家大細、情侶閨蜜出遊好去處。呢到一大片的花田同荷蘭風車，好似置身於荷蘭咁靚，難怪有「港版小荷蘭」 之稱～蝶豆花園佔地面積逾50萬平方呎，有羊駝、草地、湖泊、天空之鏡等等超多打卡位，夠晒你行勻全日！
圖片來源：FB@蝶豆花園 Butterfly Valley、IG@ca3sandra、IG@louiselee、IG@cyxeniachan0v0、IG@misskitb｜撰文:Mifa
蝶豆花園打卡位1 : 粉紅格桑花田
仿佛身處外國旅行的粉紅花田，係蝶豆花園就有啦！想打卡歐洲感的郊外聖地，走到花田的中間被千朵粉紅格桑花包圍，寫意地影靚相啦📸
蝶豆花園打卡位2 : 荷蘭風車
色彩繽紛的荷蘭風車亦係必打卡的景點，分別有浪漫紫色及復古紅色的風車，不一樣的美！荷蘭風車同粉紅格桑花田一齊打卡，出黎既效果好似去左轉荷蘭咁呀～
蝶豆花園打卡位3 : 天空之鏡
特設的天空之鏡，旁邊仲有羊駝公仔坐鎮，等大家齊齊打卡咁靚的環境！
蝶豆花園打卡位4 : 羊駝
親親大自然點少得動物呢？園內有 6 隻澳洲羊駝，亦有近距離接觸羊駝的體驗活動，可以餵佢地食野、摸摸佢地，自然的餵食就係打卡的好時機啦！
蝶豆花園打卡位5 : 蝶豆花飲品
蝶豆花園當然有蝶豆花啦！呢到提供唔同的蝶豆花餐飲，包括蝶豆花砵仔糕及蝶豆花特飲，顏色藍藍紫紫，十分夢幻，行到攰左就可以坐低食住野打卡啦～
除左以上打卡位外，仲有好多唔同的活動工作坊、天鵝湖等活動，想周末去放鬆的朋友記住唔好錯過啦！
【INFO】
蝶豆花園
地點：新界大埔鳳園路8號
開放時間：星期一至日 10;00 – 18:00
價錢：成人$200 — 觀光船票丶天空之鏡拍照丶夾羊駝公仔幣3個丶DIY羊駝真皮鎖匙扣丶蝴蝶彩繪空氣草和蝴蝶祈福牌
小朋友$150 — 觀光船票丶天空之鏡拍照丶任玩充氣彈床和沙池丶夾公仔幣3個丶DIY彩繪錢罌和沙畫
親親羊駝$60 — 送飼料一份
停車場 — $100/日；下午兩點後$60
