講起萬聖節點可以少咗海洋公園呢！今年哈囉喂，海洋公園帶你勇闖今古時空，失控玩轉地球！海洋公園今年首度結合現實與虛擬世界的元素，推出5大主題體驗景點，另外仲有一系列精彩表演、哈囉喂主題美食及嘩鬼打卡點，想知 海洋公園哈囉喂2022 有幾好玩？快啲碌落內文睇啦！
圖片來源：海洋公園｜撰文：Sharon
今年海洋公園哈囉喂於9月17日至10月31日舉行，日連夜驚嚇體驗則於10月14日開始，依家小編率先同大家一齊睇究竟今年哈囉喂有咩咁特別！自問膽大又敢挑戰嘅你一定唔可以錯過啊！
五大必玩主題體驗景點
1. 「格」新園宇宙
走到海濱樂園廣場，萬聖節裝飾居然變成像素化，遊戲角色衝出虛擬世界嚟到人類嘅現實世界啦，仲話要統治人類添！想阻止呢件事發生，各位玩家只要利用手機，進入園內「『格』新園宇宙」後，掃描園宇宙唔同角落嘅QR Code，並收集隱藏道具零件，將黑洞閘門封閉，阻止全城像素化，完成任務後更可贏走獎品，適合大人細路一齊玩！
另外，小朋友仲可以挑戰「搗蛋糖果樹」小遊戲！遊戲方法好簡單，只要揮棒一打，就會有糖果禮物收！呢度仲有5米高嘅鬼怪列陣等緊大家嚟打卡呀，你哋又準備好未？
【INFO】 「格」新園宇宙 地點：海濱樂園廣場 日期：2022年9月17日至10月13日、17日至20日、24日至27日 時間：10:00-18:00 日期：2022年10月14日至16日、21日至 23日及28日至31日 時間：10:00-22:00 「搗蛋糖果樹」 地點：海濱樂園廣場「嘩鬼迷失樂園」 日期：2022年10月1日、2日、4日、8日及9日（共5日），每日四場 AiR APP下載方法： Apple用戶：https://apple.co/3Ejg5fc Android用戶：https://bit.ly/3Mb7MnA 驚嚇指數：不適用
2. 潛逃太凶艙
園宇宙裂縫唔小心打開，你哋將會穿越到一個遠離地球軌道嘅超巨型太空艙站，但原來太空艙站內一早有不明外星生物潛伏，一唔小心分分鐘會被外星生物突襲！大家可唔可以逃離呢個驚魂迷宮，衝出重圍呢？「潛逃太凶艙」夠晒驚險，恐怖驚嚇指數達至5星，呢個超大型驚嚇體驗等緊你㗎！
【INFO】
潛逃太凶艙
地點：海濱樂園怡慶坊
日期：2022年10月14日至16日、21日至23日及28日至31日（共10日）
時間：10:00-22:00
驚嚇指數：⭐⭐⭐⭐⭐
3. 惡靈廢墟
驚嚇指數達至4星！傳聞所有闖入鬼王地界嘅都會離奇失蹤，想解開呢個都巿傳說，就要深入陰氣最重嘅無人廢墟！透過靈探App，喺陰森超市、荒廢地盤同狹窄後巷收集散落靈符，集齊所有靈符先可以封印鬼王，如果唔想成群邪靈野鬼陪你上路，就記得要搵到足夠嘅靈符啦！每日首44個封印成功嘅靈探神手更可解鎖園宇宙寶物添！膽大又一眼關七嘅你哋仲等咩呀，快啲組隊出發去「惡靈廢墟」！
【INFO】 惡靈廢墟 地點：高峰樂園海濱廊（美食舫） 日期：2022年10月14日至16日、21日至23日及28日至31日（共10日） 時間：17:00-22:00 驚嚇指數：⭐⭐⭐⭐
4. 咒偶
「路邊的娃娃公仔你不要拿⋯⋯」睇電影都知詭異嘅娃娃公仔往往都會發生唔少怪事！九十年前，一個怪異嘅女嬰誕生於名門望族，呢個家族從此厄運連連，成員一個接一個死於非命！為求自保，女嬰嘅父親竟然將自己嘅女兒棄於荒山野嶺，含怨而死嘅女嬰化成鬼嬰，喺荒廢嘅大宅中陰魂不散！真係聽到都覺得好恐怖啊，如果見到詭異嘅娃娃公仔，記得唔好手多，因為鬼嬰分分鐘會隨時上你身、霸佔你父母！
【INFO】 咒偶 地點：高峰樂園動感天地 日期：2022年10月14日至16日、21日至23日及28日至31日（共10日） 時間：17:00-22:00 驚嚇指數：⭐⭐⭐⭐⭐
5. 秦陵大逃脫
去探險遇上神秘又恐怖嘅事點算好？一班探險家跌入陰森詭秘嘅「秦陵大逃脫」，當中危機四伏，無論行邊一步，你嘅選擇都會影響你嘅最終結局！若誤闖陪葬室，受詛咒嘅兵馬俑大軍隨時拉埋你做活人陪葬！另外，傳說陵墓中有可令人長生不老嘅寶物，你哋又會唔會被引誘迷惑到呢？古墓探秘同生路，二選一你哋又會點揀？
【INFO】 秦陵大逃脫 地點：高峰樂園怡庭 日期：2022年10月14日至16日、21日至 23日及28日至31日（共10日） 時間：17:00-22:00 驚嚇指數：⭐⭐⭐⭐
1. 哈囉喂大匯演
今個萬聖節，有五大匯演等大家嚟欣賞，有適合親子一齊睇嘅《弊傢伙，糖仔唔見咗》、《失控大亂鬥》、《魔間應援團》，如果追求驚險刺激嘅朋友可以欣賞《晝夜鬼魅時分》同《亡靈大巡遊》！
2. 嘩鬼細路大本營+貴「嚇」有請大本營
邊個話小朋友萬聖節唔可以嚟海洋公園玩㗎！各位小朋友想學畫哈囉喂面部彩繪，一定要嚟「嘩鬼細路大本營」，呢度會有專人教授，等你哋都可以化身萌爆嘩鬼，扮鬼扮馬咁慶祝萬聖節！完成課堂後，仲有精美紀念品同證書收添！
「貴客到，請留步」！特級貴「嚇」會由遊魂領隊帶你玩盡哈囉喂全園祭景點！另有專業化妝師為你化妝，大家一齊扮鬼嚇人啦！
3. 開心鬼畫符
嚟海洋公園哈囉喂梗係唔可以少咗靚靚嘅妝容啦！駐場專業化妝師會喺你嘅面部或手臂上幫你畫精緻彩繪，恐怖嘅染血眼球圖案定可愛南瓜都可以揀！咁就可以開開心心狂歡啦！
【INFO】 開心鬼畫符（收費項目） 地點：海濱樂園怡慶坊旁 日期：2022年10月14日至16日、21日至23日及28日至31日（共10日）
園內嘅遊戲攤位換上萬聖節主題，想將海盜八爪魚、呆氣退散兔仔、魔鬼仔柴犬、天使貓同南瓜熊仔帶返屋企？就要睇下你有冇咁嘅身手啦！獎品換完即止，大家唔好Miss啊！
4. 哈囉喂屍房菜
玩咗咁耐梗係要醫飽個肚再繼續上路啦！海洋公園嘅萬聖節限定食物超多元化，爐炭燒及熊貓薈推出「哈囉喂全園祭便當」，包括盂蘭祭品主題嘅「雲腿鮑魚粒帶子炒飯」同金銀元寶造型嘅「新豬肉鮮蝦春卷」。冰極餐廳嘅「蕃茄香草海鮮芝士薄餅」同「南瓜蜜桃燒雞薄餅」！仲有小朋友最鍾意食嘅「哈囉喂小食拼盤」，有吉列炸蝦、鹽酥雞粒同南瓜煙三文魚薯餅，大家一定大飽口福啊！
水都餅店仲有打卡必食嘅鬼馬甜品，呃like必備！另有萬聖節特飲提供，包括「妖怪雲端」、「HW1022」及「殭屍先生/小姐」！
5. 哈囉喂 Glamping
仲未玩夠本？不如去埋哈囉喂 Glamping啦！今個萬聖節推出期間限定哈囉喂 Glamping同大家一齊玩過夜！除咗可以使用特快通道玩盡四大刺激體驗「潛逃太凶艙」、「惡靈廢墟」、「秦陵大逃脫」及「咒偶」外，仲可以深入惡鬼化妝中心，探討惡鬼變身過程！夜晚有遊魂野鬼現身營地等你嚟打卡添！
訪客如預約2022年10月14日至10月30日的哈囉喂 Glamping，每組預約可獲 KATE 零瑕肌密高遮瑕BB霜30g、freeplus 溫和淨潤皂霜試用裝20g、保濕修護乳液（清爽型） 及（滋潤型）試用裝15ml各一支，數量有限，送完即止。
海洋公園哈囉喂全園祭2022
地址：香港香港島黃竹坑黃竹坑道180號
門票費用：成人$360、小童$216（另送$30電子消費劵）
景點組合門票費用：成人或小童$280起
日間體驗：2022年9月17日至10月31日（逢星期二及三除外，10月4日照常營業）
日連夜驚嚇體驗：10月14至16、21至23日、28至31日
🤔常見問題❓
問：海洋公園哈囉喂全園祭2022幾時開始❓
答：日間體驗由即日起至10月31日，而日連夜驚嚇體驗則於10月14至16、21至23日、28至31日舉行。
問：海洋公園哈囉喂全園祭2022有咩好玩❓
答：有五大必玩景點包括「格」新園宇宙、潛逃太凶艙、惡靈廢墟、咒偶、秦陵大逃脫！
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
