夏日炎炎最適合就係做水上活動，除咗去泳池同海灘，終於有新地方去喇！因為等咗咁耐海洋公園水上樂園，預計暑假開幕喇！園內設有五個主題區域，合共有27個室內同戶外玩樂設施，一齊睇吓有咩玩喇！🥰
圖片來源：官方圖片｜撰文：Sharon
五大主題區域！超人氣「八彩天梯」+「衝浪模擬機」
海洋公園水上樂園成為亞洲首個兼唯一一個全年、全天候開放的臨海水上樂園，雖然仲未公布正式啟用嘅日期，但最快將會喺今年8月啟用。園內分為戶外及室內區域，當中五大主題區將分為「歡樂堡礁」、「躍動流域」、「絕嶺深谷」、「冒險灣岸」同「迷失部落」，合共打造27個主要景點。
1. 歡樂堡礁
臨海而建的全新「歡樂堡礁」區域，沿著海濱散步，吹住微風，準備迎接刺激又好玩嘅水上設施啦！
2. 躍動流域
「躍動流域」有唔同嘅滑梯裝置，例如八彩天梯、旋風雙子梯同急轉雙子梯等刺激設施。追求速度同刺激可以喺「躍動流域」挑戰無數個旋轉急彎，從超刺激嘅滑梯高速滑下，體驗高速滑下的刺激快感！
3. 迷失部落
樂園中央嘅「迷失部落」就最啱一家人一齊玩，當中包括全港首個全天候室內造浪池「天海灣」，造浪池有八種唔同浪潮模式，造浪高度由底至高峰約 0.3 米至 1 米，適合鍾意玩衝浪嘅朋友！「天海灣」更設有表演舞台，仲可以欣賞埋表演添！
4. 冒險灣岸
「冒險灣岸」係一個熱帶天堂，可以喺室外享受陽光，都可以喺湧浪灣衝浪。肚餓嘅時候仲可以喺灣岸小食同映灣小屋食吓嘢、休息吓！
5. 絕嶺深谷
如果覺得以上設施唔夠刺激，大膽嘅你可以挑戰立於山谷之巔嘅「絕嶺深谷」，俯瞰整個深谷同海洋，感受高速飛墜嘅感覺，真係刺激爆登啊！
【INFO】
香港海洋公園WaterWorld
地址： 香港仔黃竹坑道一百八十號
開幕日期：8月（待定）
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
