放假冇野做，天氣咁熱唔想做啲戶外活動，又唔想去人多嘅地方逼，大家有冇諗過除咗行街食飯同做運動，坊間都有好多唔好種類嘅工作坊可以參加，唔單止可以玩，整完製成品仲可以帶翻屋企！而今次要介紹呢間位於荔枝角嘅Soulsoap Studio，專門舉辦韓式手工皂工作坊，手工皂嘅造型別出心裁，有好多以食物為造型嘅款式，逼真度超高，仲唔快啲約埋閏密一齊去整屬於自己嘅手工皂！
圖片來源：Soulsoap Studio｜撰文：Sharon
韓式手工皂初體驗 造型精美又吸精
Soulsoap Studio提供單皂體驗班課程，令參加者感受到製作手工皂係一件慢活嘅事，除咗可以舒緩緊張嘅情緒、放鬆自己，而每塊手工皂仲有唔同功效，大家可以製作適合自己又與眾不同嘅手工皂！
課程中除咗實用皂之外，最特別係呢度有多款以食物同風景造型為主題，超過20多款嘅手工皂，大部分除咗可以用嚟洗手，仲可以沖涼用。參加者可以自由選擇上課時間，學習製造手工皂嘅調色技巧同基礎原理，仲以小班形式授課，咁就唔怕太多人喇！
1. 食物造型款式
以馬卡龍、蛋撻、蛋糕同冬甩做成嘅手工皂，造型超逼真又精緻，唔講唔知仲以為可以食得！
除咗食物之外，仲有以飲料為題材，可樂或者啤酒造型一定有一款啱大家！
2. 風景造型款式
以富士山、月亮同花卉為主題嘅手工皂，參加者只需要1至1.5小時就可以製作到精美嘅完成品，就算而家冇得去旅行，都可以整嚟止止癮旅行！
3. 實用皂款式
手工皂有唔同嘅功效，，例如保濕、滋潤、濕疹等等嘅功效。雖然呢款係實用皂，但外形唔會悿食物、風景造型嘅款式差，漸變色嘅效果同有唔同嘅花紋都十分精美！
除咗呢啲手工皂體驗班課程，呢度仲有手工皂師資課程，完成課程後，可獲頒導師資格，頒發證書機構更受到韓國政府認可，對手工皂有興趣就可以一定要留意啦！
【INFO】
單皂體驗班課程
地址︰荔枝角福至工業大廈11樓C1119室
詳情︰https://soulsoapstudio.com/contact-us/
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
