天氣咁熱，水上活動一定啱晒大家，但嫌去游泳池游水或者海灘玩獨木舟唔夠新奇？如果追求刺激同快感嘅你哋，以下嘅呢三項 極限戶外運動 體驗一定好適合大家，現場仲有專業教練教授，一定可以玩得開心又放心！唔好猶豫啦，趕快捉緊夏天嘅尾巴，約埋朋友一齊挑戰同玩水啦！
圖片來源：Holimood｜撰文：Sharon
1. 風箏衝浪體驗
「風箏衝浪」係全球最新、最受歡迎嘅水上運動，集風箏同衝浪於一身嘅水上活動！利用風箏嘅速度，大家可以感受大海嘅熱情！課程由專業香港風箏滑水學校教練親身指導，唔單止容易上手，仲夠晒安全！不過，呢個活動需年滿15歲以上人士先可以參與，參加者要自備泳衣服裝同落水鞋保護雙腳。
【INFO】
風箏衝浪體驗
費用：HKD499/位
同「風箏衝浪」非常相似，但衝浪體驗更講求平衡力！大家可以喺海上感受無拘無束嘅刺激快感，無論係大人定細路都好啱玩，就算從來冇接觸過衝浪嘅朋友都唔使怕，因為現場會有專業教練教大家衝浪嘅技巧！
衝浪體驗會喺大嶼山長沙沙灘進行，因為長沙沙灘並無尖碎石，大家可以玩得更加安全又放心啦～另外，滑浪教學可以以私人或小班形式進行，根據每個人嘅進度量身定制課程，包括「初級課程」、「改進課程」同「中級課程」。
「初級課程」適合唔識游泳，或者得幾次衝浪經驗、甚至係未試過衝浪嘅朋友！教練會教大家基本衝浪技巧、上板平衡同衝浪安全，學完之後通常第一堂就能夠成功企上板衝浪。水深大約喺胸口或腰嘅淺水位置，甚至連腳掂到沙灘底，完全唔需要擔心安全問題！
「改進課程」適合能夠成功追浪但唔識點樣睇浪嘅人士，或者如果想提升自己嘅衝浪技巧都可以參加呢個課程！教練會教授划水技術、喺浪上轉左轉右同如何追浪，定位等。
「中級課程」適合有經驗，能夠追浪上浪嘅朋友，如果想學習喺浪壁上加速，呢個課程一定好適合你！教練同會你划到外面等浪嘅位置教你轉向前手及後手技巧，改善你嘅衝浪技巧！
【INFO】
大嶼山下長沙衝浪體驗
費用：$550起
地點：大嶼山長沙
時段：9:00-10:30 / 10:40-12:10 / 12:30-14:00 / 14:10-15:40
時長：約1.5小時
3. 激流溪降體驗
3個戶外體驗中，最刺激同考膽色嘅水上活動！呢個活動有一定嘅危險性，所以只限18歲以上嘅人士參與，教練會教授基本溪降下降技術！雖然「激流溪降體驗」有一定嘅難度，但過程會有足夠嘅裝備，包括頭盔同手套以保護頭部同雙手，大家可以唔使擔心！
【INFO】
激流溪降體驗
費用：$750/位
地點：粉嶺
時間：09:00 – 15:00
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
