史迪仔人生四格 | 一眾史迪仔粉絲除咗等緊電影上映之外，仲可以同好友又或者係另一半嚟影以史迪仔為主題嘅人生四格相，一共有4款相框選擇，超得意！即刻入內文睇地址啦。
圖片來源：官方圖片 | 撰文：Hedy
SNAPIO自拍亭推出全新Disney四格相系列，首波主題喺人見人愛嘅史迪仔Stitch，更係官方正式授權。由即日起到6月8號都可以影到史迪仔相框，一共有4款選擇，除咗有史迪仔之外，亦有小甘以及Angel，每位角色都齊集喺度同大家影相！
史迪仔人生四格 | T.O.P 概念店限定相框！
當中有2款超靚相框更係T.O.P 概念店限定，無論係大四格定係細四格都有齊，想儲齊一套就記得約埋朋友去香港以及澳門全線 SNAPIO 自拍亭影啦～
【INFO】 《Disney meets SNAPIO - Stitch相框》 日期：即日起至2025年6月8日 地點：港澳全線 SNAPIO 自拍亭 *限定地點除外（旺角 T.O.P 3樓、大角咀奧海城二期1樓 (近壽司郎及戲院）、尖沙咀LCX海運大廈3樓、銅鑼灣利舞臺廣場1樓、山頂廣場2樓（近麥當勞）、將軍澳PopCorn商場1期1樓（近FILA）、葵芳新都會廣場5樓、大圍車公廟路18號圍方2樓 (近UNIQLO)、山頂廣場2樓 (近麥當勞)、大角咀奧海城二期1樓 (近壽司郎及戲院)、大圍車公廟路18號圍方2樓 (近UNIQLO) 詳細地址：請按此
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
