古蹟周遊樂2024 | 唔知大家平時又有冇留意香港有啲咩法定古蹟同唔同評級嘅歷史建築呢？今次終於有機會可以免費參觀11大法定古蹟及已獲評級嘅歷史建築，當中包括回教清真禮拜總堂、士丹頓街88及90號等，即刻睇睇點報名！
圖片來源：官方圖片、古物古蹟辦事處 | 撰文：Hedy
發展局文物保育專員辦事處喺今年10月及11月舉辦「2024古蹟周遊樂」，大家可以於特定嘅開放時間入面參觀11個法定古蹟及已獲評級嘅歷史建築，不過部分歷史建築僅開放畀已報名導賞團嘅參加者，一定要把握機會報埋免費導賞團。呢啲歷史建築擁有豐富多元嘅文化背景，又或者融合中西建築風格，彰顯咗香港匯聚中外文化嘅重要地位，真係好值得大家帶埋小朋友嚟觀賞～
香港法定古蹟 | 1. 香港演藝學院伯大尼校園(伯大尼修院)
香港演藝學院伯大尼校園(伯大尼修院)為法定古蹟，位於香港薄扶林道139號。伯大尼修院喺1875年由法國外方傳道會興建，為傳道會喺東亞地區首間嘅療養院，為罹患熱帶疾病嘅傳教士提供休養嘅地方。其後由政府接管，並於1978至1997年期間被租予香港大學使用。政府亦於2002年將修院租予香港演藝學院，成為學院嘅第二校舍。
【INFO】 開放日期及時間：星期一至日 07:30至19:30 地址：香港薄扶林道139號 導賞團：10月6日 16:00 / 10月17日及10月31日 15:00 / 10月24日、11月7日、11月14日、11月21日、11月28日 14:00 報名連結：https://bit.ly/3MZHZ2C
香港法定古蹟 | 2. 前法國外方傳道會大樓
前法國外方傳道會大樓為香港法定古蹟，今次只會開放畀參加咗2024古蹟周遊樂導賞團嘅市民觀賞。法國外方傳道會於1917年興建法國外方傳道會大樓，用作該會喺香港嘅司帳處。大樓曾於1941年香港淪陷前被政府徵用，其後又喺第二次世界大戰後，被用作臨時香港政府總部。其後大樓亦自1953年，被用作前教育司署的辦事處、前維多利亞地方法院、 最高法院和政府新聞處嘅辦事處。1997至2015年大樓供香港終審法院使用， 現時則提供予法律相關組織使用及作相關用途。
【INFO】 開放日期及時間：只限導賞團 地址：中環炮台里1號 導賞團：10月12日、10月19日、10月26日及11月2日 14:00及15:30 報名連結：https://bit.ly/4eANBw6
香港法定古蹟 | 3. 回教清真禮拜總堂
回教清真禮拜總堂為香港歷史最悠久嘅清真寺，同樣亦係香港法定古蹟，建於1915年至1916年間，為香港穆斯林社群重要嘅禮拜同聚會場所。
【INFO】 開放日期及時間：星期一至四、六及日 10:00至18:00 / 星期五 10:00至12:00 ; 14:00至18:00 地址：香港中環些利街30號 導賞團：10月6日、10月13日、10月20日、 10月27日、11月3日、11月10日、 11月17日及11月24日 14:00 報名連結：https://bit.ly/3ZG7NbH
香港法定古蹟 | 4. 聖士提反女子中學主樓
聖士提反女子中學於1906年由英國海外傳道會創辦，為香港首批女子學校之一。學校主樓樓高四層，屋頂為金字形木桁架及中式瓦面結構，日佔時期校舍曾被日軍徵用作臨時醫院。
【INFO】 開放日期及時間：10月5日及10月26日 10:00至12:00 ; 14:00至16:00 地址：香港列堤頓道2號 導賞團：10月5日及10月26日 10:10及14:10分 報名連結：https://bit.ly/3XKVeJA
一級歷史建築 | 5. 猶太教莉亞堂
猶太教莉亞堂建於1901年，由Jacob Elias Sassoon及其兄弟捐出土地興建，以紀念佢哋嘅媽媽。猶太教莉亞堂主要為香港嘅猶太社群服務，亦是目前香港唯一同類型嘅猶太教堂。
【INFO】 開放日期及時間：只限導賞團 地址：香港半山羅便臣道70號 導賞團：11月3日、11月10日、11月17日及 11月24日 15:30及16:30 報名連結：需以電郵預約(OLS@OhelLeah.org)， 先到先得，額滿即止。預約時需提供所選擇嘅導賞日期和時間、身份證明文件上之全名、英文字母和頭3個數字
一級歷史建築 | 6. 基督君王小堂(聖保祿修院)
基督君王小堂由源自法國嘅沙爾德聖保祿女修會喺1928年興建。小堂自1973年開始，正式成為跑馬地聖瑪加利大堂嘅彌撒中心，畀教友參與彌撒及其他儀式活動，但不包括婚禮。小堂所在修院範圍包括學校、醫院和修院。
【INFO】 開放日期及時間：小堂不開放予公眾人士參觀 地址：香港銅鑼灣銅鑼灣道 導賞團：10月18日 09:00及10:00 報名連結：https://bit.ly/4dDRQ9z
一級歷史建築 | 7. 藝穗會(舊牛奶公司倉庫南座)
舊牛奶公司倉庫建於1892年，最初用作儲存牛奶公司喺薄扶林生產嘅牛奶，牛奶公司於1896年將總部搬至此倉庫，並於1904年在倉庫地下開設首間零售店鋪。倉庫南座喺1984年被租予藝穗會作藝術文化用途，直到依家一直都用作展覽、表演同文化活動嘅平台。
【INFO】 開放日期及時間：陳麗玲畫廊 星期一至六 11:00至19:00；芷美空間 |藝術咖啡 星期二至日 10:00至19:00 地址：香港中環下亞厘畢道2號 導賞團：10月1日、10月6日、10月20日、10月27日及11月3日 11:30及13:30 報名連結：https://bit.ly/3XzQOoI
二級歷史建築 | 8. 印度廟
位於跑馬地嘅印度廟由香港印度教協會係1953年興建，為香港首間印度廟宇。廟裡除供奉神明外，亦係印度教族群慶祝節日及舉行宗教儀式嘅地方，為印度教族群重要的宗教、文化和社會中心。
【INFO】 開放日期及時間：星期一 08:00至21:00 / 星期二至六 08:00至13:00 及16:00至20:00 / 星期日 08:00至15:00及17:00至20:00 地址：灣仔跑馬地黃泥涌道1號B 導賞團：10月19日、11月9日及11月23日 11:00及16:30 / 11月16日及11月30日 11:00 報名連結：https://bit.ly/3N2Zn6G
二級歷史建築 | 9. 香港話劇團教育中心(前賈梅士學校)
位於佐敦覺士道7號嘅歷史建築，建於1902至1903年間，本來係私人住宅其後被政府購入，改作九廣鐵路公司經理住宅，並於1928年再被改建為九龍英童學校，其後被改作為賈梅士學校校舍，提供幼稚園及小學教育服務。校舍於1997年交還政府，同年為保良局賈梅士學校所用至2012年為止，建築於2024年獲活化為香港話劇團教育中心。
【INFO】 開放日期及時間：星期六及日 10:00至18:00 公眾假期休息(10月1日除外) 地址：九龍佐敦覺士道7號 導賞團：10月1日、10月6日、10月20日、11月 3日及11月24日 12:30 / 10月1日、10月20日、11月17日、11月 24日及11月30日 14:30 報名連結：https://bit.ly/3TOqYfJ
二級歷史建築 | 10. 士丹頓街88及90號
士丹頓街88及90號歷史建築於1951年落成，據說1950年代初，88及90號曾經是《華僑日報》創辦人陳楷及岑維休嘅臨時居所，部份單位也供《華僑日報》職員居住。90號地舖於1950至2000年代初曾先後經營「寶賓茶室」及「寶賓肉食公司」。
【INFO】 開放日期及時間：士丹頓街88號1樓「唐樓體驗館」星期三至日 13:00至18:00(其他時段須網上預約) / 華賢坊西6及8號「社區客廳」每日11:00至13:00及18:00至19:00(其他時段須WhatsApp預約:61650736） 地址：香港上環士丹頓街88及90號 導賞團：10月19日、10月26日、11月2日及 11月9日 14:00至16:00 報名連結：https://bit.ly/4gF84lm
二級歷史建築 | 11. 基督科學教會香港第一分會
基督科學教會香港第一分會創於1905年，源自美國波士頓，該會初於中環泄蘭街一所小會堂進行崇拜聚會，及後因取得麥當勞道31號地段，並於1912年在教友捐款資助下，在該址興建永久會堂。日佔時期，會堂被掠奪一空， 書籍和紀錄遭受破壞。佔領結束後，會堂於修復後重投服務。1956年，因其服務增長而加建兩層高嘅翼樓，及後亦曾進行多次大規模修葺工程。
【INFO】 開放日期及時間：教會及閱讀室 星期一及五 12:00至14:00 (每月最後星期五不對外開放)；星期三 14:00至16:30； 星期六(只限10月及11月) 14:30至15:30 (11月30日不對外開放) 地址：香港中環麥當勞道31號 導賞團：10月5日、10月12日、10月19日、 10月26日、11月2日、11月9日、 11月16日及11月23日 14:30 報名連結：https://bit.ly/3XEwB1f
古蹟周遊樂2024 | 導賞團報名方法
如果大家想參加導賞團嘅話，就仲有兩個階段可以畀大家報名。如果報名人數超過名額，就會進行抽籤！有興趣嘅朋友就記得先瀏覽以上嘅活動詳情，再到報名連結入面填妥資料～
導賞團報名：
導賞場次1：2024年10月12日至10月31日
報名時間：即日起至2024年9月30日中午12時
抽籤日期：2024年10月4日
導賞場次2：2024年11月2日至11月30日
報名時間：2024年10月8日下午2時 至2024年10月18日 中午12時
公布抽籤日期：2024年10月25日
活動詳情：https://bit.ly/4gI4OWw
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
