今個夏天，同另一半唔知去邊好，不如去北角匯啦～北角匯嘅海濱花園化身為港島首個臨海戶外「Rose Fantasia 盛夏玫瑰奇緣」園藝裝置，以玫瑰花為主題，打造海濱專屬嘅限定玫瑰綺境！即睇內文了解詳情！
圖片來源：官方圖片｜撰文：Sharon
港島首個臨海戶外「Rose Fantasia盛夏玫瑰奇緣」園藝裝置由即日起至9月7日免費開放！設有6大夢幻打卡位、周末限定「甜蜜玫瑰市集」、多場主題DIY工作坊、Busking活動。當你走進玫瑰園嘅一刻，會被玫瑰花海所包圍，粉紅滿滿，超浪漫嘅感覺！
第一站：【玫瑰天使之吻】拱門
戀人於玫瑰天使嘅祝福下定格幸福一刻，揭開童話旅程的序章。
第二站：【玫瑰心窗】
沿著花影鋪展嘅小徑前行，走近「玫瑰心窗」倚座於佈滿玫瑰嘅心窗下，細訴每段浪漫經歷。
第三站：【花與琴的童話】
「獅子」化身為愛嘅花瓣使者，手持盛放的紅玫瑰迎接大家！「小狗」則銜著玫瑰信物輕聲守候，傳遞心語，等候你彈著愛嘅樂章，真係充滿詩意！
第四站：【花夏許願亭】
步入由藤蔓玫瑰編織而成嘅「花夏許願亭」，喺玫瑰嘅見證，許下你嘅心願！
第五站：【薔薇仙履】
沿著花徑前行，精緻「薔薇仙履」靜靜地躺喺薔薇花叢中～
第六站：【紅裙翩翩】
喺呢度你可以喚醒「薔薇仙履」深藏的夢境魔法，化身為身穿「紅裙翩翩」嘅玫瑰舞者，於花海中旋舞綻放！
北角匯更為「Rose Fantasia盛夏玫瑰奇緣」特別打造周末限定「甜蜜玫瑰市集」，雲集玫瑰主題手作、文創精品、寵物用品等，大家更可參加三大主題工作坊，DIY專屬玫瑰手作！有興趣嘅朋友千祈唔好錯過啦～
【INFO】 《Rose Fantasia盛夏玫瑰奇緣》 地點：北角海濱「Rose Fantasia盛夏玫瑰奇緣」戶外玫瑰園藝裝置 日期：即日起至9月7日 時間：10:00 - 22:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
